الفصل الثالث والثلاثون
دلال : انتِ مجنونه.... دا انا هوديكي ف داهيه
رزان : انتي لسه شوفتي جنان
قربت رزان منها وكانت هتضربها بس مالك وقف قدامها وشدها من ايدها وخرج بيها بره المكتب
رزان بعصبيه : انت موديني فين... سبني اعلمها الادب اللي متربتش دي
مالك بغضب : كفايه يا رزان بقا كفايه... مش كل مكان نروح فيه تعملي مشكله
رزان : انت مشفتهاش يعني بتعمل اي
مالك : شوفت وسكت عشان انتي عارفه قد اي الصفقه دي مهمه
رزان : يعني انت سكت عشان الصفقه مش عشان عاجبك الوضع
مالك: بس يا رزان اسكتي
رزان : مش ساكته
مالك : مبقتش قادر استحمل... رزان امشي من هنا... امشي بجد عشان انا ع اخري
بصت رزان حواليها ولقت الموظفين كلهم واقفين يتفرجوا
فسابت مالك ومشيت... رجع مالك المكتب يكمل الصفقه ونزلت رزان ركبت عربيتها اتحركت ع القصر
رزان : انا هريحك مني ع الاخر يا مالك
......
ف القصر
كانت قاعده روان ف الجنينه وماسكه الورقه اللي فيها الرقم ف ايديها... قعد حازم جنبها
حازم : مالك يا حبيبتي
روان : عارف انت احساس انك تكتشف انك كنت ظالم شخص طول حياتك بس مش قادر تعترف بدا
حازم : ظلمتي مين يا حبيبتي
روان : ظلمت مامتي
حكتله روان كل اللي رزان قالتهولها
حازم : وانتي مستنيه اي... رني عليها وقوليلها انكم تتقابلوا
روان : بس....
حازم : من غير بس يلا رني عليها وقوليها انكم عايزين تتقابلوا
اخد حازم التلفون من روان وطلب مامتها اللي جاوبت بعد فتره
ناهد : الو
روان بتوتر : ال... الو
ناهد : ايوه... مين
روان : انا روان
ناهد بفرحه : روان مين... روان بنتي... ازيك يا قلب ماما
روان : الحمد لله... كنت عايزه نتقابل
ناهد : أكيد يا حبيبتي
روان : طب انا هبعتلك اللوكيشن واتس
ناهد : ماشي يا حبيبتي مستنيه
قفلت روان مع ناهد وبصت لحازم بحيره