လမ်းလေးဟာ ကျဉ်းသထက် ပိုကျဉ်းလာတယ်။ လမ်းဘေးကျောက်တုံးတွေဟာ စိုစွတ်လွန်းလို့ ရေညှိတွေတောင် တက်နေတယ်။ သူတို့နှစ်ယောက် အထက်တန်းကျောင်း တက်တဲ့အရွယ်ကို ပြန်ရောက်သွားခဲ့သလိုပါပဲ။
ဝမ်ရိပေါ်ဟာ ကျောင်းယူနီဖောင်းကို ဝတ်ထားပြီး သူ့ဘောင်းဘီမှာ ရွှံ့တွေပေနေတယ်။ သူ ရှောင်းကျန့်ကို ဆွဲခေါ်ရင်း ပြောတယ်။
"ရှောင်းကျန့် ဒီနေ့ self study ချိန် ပြောင်းသွားပြီ။ နေ့လယ်စာအတွက် တနာရီခွဲ အချိန်ရတယ်။ မင်း ငါ့အိမ်မှာ လာစား! အဖွားက မင်းအတွက် စွန်ပလွန်မုန့် ဖုတ်ထားတယ်။ အရင်တခေါက်က မင်းကြိုက်တယ်ဆိုလို့"
"မင်းအဖွားက ငါတို့နှစ်ယောက်အကြောင်း သိတယ်လား?"
"ဘာကိုသိရမှာလဲ? မင်း ငါ့ကိုကြိုက်နေတဲ့အကြောင်းလား?"
"ဝမ်ရိပေါ် မင်းက တော်တော်အရေထူတာပဲ!"
အိမ်က မိဘတွေ သိပ်မဆင်မပြေတဲ့အခါ ခဏခဏ ရန်ဖြစ်သံတွေ ကြားရပြီး သူတို့သားရဲ့ စာကျက်ချိန်ကို အနှောင့်အယှက်ဖြစ်စေတယ်။ ရှောင်းကျန့်ဟာ အထက်တန်း ဒုတိယနှစ်မှာ ကျောင်းအဆောင်မှာပဲ နေဖြစ်တော့တယ်။ ဝမ်ရိပေါ်ရဲ့ မိဘတွေကတော့ နိုင်ငံခြားကို ထွက်သွားပြီဖြစ်ပြီး အခုချိန်မှာ သူ့အဖွားနဲ့ အတူနေတယ်။
ဝမ်ရိပေါ်ရဲ့အဖွားအိမ်ဟာ အိမ်ဟောင်းတလုံးဖြစ်ပြီး ကျောင်းရဲ့မျက်နှာချင်းဆိုင်မှာ တည်ရှိတယ်။ အထက်တန်းဒုတိယနှစ်ကတည်းက ကျောင်းကနေ အိမ်ပြန်ရတဲ့အချိန် တိုတောင်းစေဖို့နဲ့ တက္ကသိုလ်ဝင်စာမေးပွဲအတွက် သေချာပြင်ဆင်ဖို့ ဝမ်ရိပေါ်နဲ့ သူ့အဖွားဟာ အရင်တိုက်ခန်းကနေ ဒီအိမ်အိုလေးကို ပြောင်းရွှေ့လာခဲ့တာဖြစ်တယ်။
သေးငယ်တဲ့ နှစ်ထပ်အိမ် အဆောက်အဦးလေးဖြစ်ပြီး အနက်ရောင်အုတ်တွေနဲ့အတူ သစ်သားလှေကားရှိတယ်။ အထက်တန်းကျောင်းသားဟာ သစ်သားလှေကားပေါ် အမြန်ပြေးတက်တတ်တာမို့ လှေကားဟာ အနည်းငယ် ယမ်းသွားလေ့ရှိတယ်။
အောက်ထပ်မှာ ဧည့်ခန်း၊ မီးဖိုးချောင်နဲ့ သန့်စင်ခန်းရှိတယ်။
KAMU SEDANG MEMBACA
I Do Not Luv U ||Completed||
Fiksi Penggemar"ဝမ်ရိပေါ် ငါ မင်းကို မချစ်ဘူး" "ရှောင်းကျန့် ငါလည်း မင်းကို မချစ်ဘူး" "ဝမ္ရိေပၚ ငါ မင္းကို မခ်စ္ဘူး" "ေရွာင္းက်န႔္ ငါလည္း မင္းကို မခ်စ္ဘူး" Captain One and Seven Translated with permission from the original author.
