| 𝘔𝘺 𝘋𝘦𝘢𝘳𝘦𝘴𝘵 𝘓𝘶𝘯𝘢 | [COMPLETE ✔️]

Information

មុននឹងអ្នកទាំងអស់គ្នាបន្តការអាន ខ្ងុំចង់បង្ហាញពី
ចំណុចខ្លះៗចៀសវាងអ្នកទាំងអស់គ្នាមានការមិនយល់នៅត្រង់ចំណុចណាមួយនៅពេលដែរអានសាច់រឿង

Werewolfឬមនុស្សចចក ជាសភាវចចកខុសប្លែកពីសត្វចចកទូទៅធម្មតាព្រោះថាពួកគេអាចបំប្លែងពីរាងកាយមនុស្សទៅជាសត្វចចក និងពីសត្វចចកត្រលប់មកជាមនុស្សវិញតាមការចង់បានរបស់ខ្លួន លើកលែងតែនៅពេលព្រះចន្ទពេញវង់ និងព្រះចន្ទពណ៏ក្រហមដែលពួកគេចាំបាច់ត្រូវតែប្រែខ្លួនមកជាសត្វចចកហើយពួកគេក៏មិនសូវជាអាចគ្រប់គ្រងស្មារតីរបស់ខ្លួនឯងបានល្អប៉ុន្មានឡើយ។ ជាទូទៅ សត្វចចកមានទឹកដី និងរស់នៅជាបណ្តុំក្រុមឬហៅបានថាPack។

នៅក្នុងPackឬជំរុំនីមួយៗត្រូវបានដឹកនាំដោយអ្នកគ្រប់គ្រងជំរុំដែលត្រូវបានគេដាក់ងារថាជាប្រមុខអាល់ហ្វារ (Head Alpha)និងលូណា (Luna)ដែលត្រូវជាដៃគូរបស់ប្រមុខអាល់ហ្វារដែលជាអ្នកគ្រប់គ្រងក្នុងជុំរុំ ប្រមុខអាល់ហ្វារនិងលូណាក្នុងជំរុំនីមួយៗក៏នឹងត្រូវមានតួនាទីដើម្បីគ្រប់គ្រងចាត់ចែងការរស់នៅក៏ដូចជាការពារជំរុំនិងសមាជិកប្រជាជនខ្លួនផ្សេងទៀតមិនអោយមានគ្រោះថ្នាក់អ្វីកើតឡើងមកលើពួកគេឡើយ។នៅក្នុងឋានានុក្រុម
របស់សភាវចចកពួកគេក៏មានបែងចែកនូវភេទចំនួនបីផ្សេងៗគ្នាបន្ទាប់ពីភេទមនុស្សប្រុសនិងស្រីដូចជា

អាល់ហ្វារ ជាអ្នកដែលមានស្ថិតនៅលំដាប់ទីមួយក្នុងចំណោមភេទពីរផ្សេងទៀត អាល់ហ្វារមានរូបរាងរឹងមាំ ស្អាត សង្ហារមានភាពទាក់ទាញហើយពួកគេក៏មានសមត្ថភាពក្នុងការគិតខ្ពស់និងភាពឆ្លាតវៃលើសមនុស្សធម្មតាផងដែរ។ មិនត្រឹមតែមានរូបរាងជាមនុស្សដែលលេចធ្លោតែម្យ៉ាងប៉ុណ្ណោះទេសូម្បីតែសភាវចចករបស់អាល់ហ្វារក៏មានភាពរឹងមាំនិងខ្លាំងក្លាជាងសភាវសត្វចចកដទៃទៀតដូចគ្នា។អាល់ហ្វារអាចជាមនុស្សប្រុសនិងមនុស្សស្រីដូចគ្នា និយាយអោយស្រួលស្តាប់មិនថាពួកគេជាប្រុសឬស្រីប៉ុន្តែភាពលេចធ្លោនិងភាពរឹងមាំរបស់ពួកគេគឺមាន
ប្រហាក់ប្រហែលគ្នា។

បេតាជាអ្នកដែរស្ថិតនៅលេខរៀងលំដាប់ទីពីរបន្ទាប់ពីអាល់ហ្វារ ពួកគេអាចនឹងមានរូបរាងកាយការគិតដូចទៅនឹងមនុស្សធម្មតា ហើយការគ្រប់គ្រងកម្លាំងសតិការគិតក៏មិនសូវជាខ្ពស់ដូចអាល់ហ្វារឡើយ។