| 𝘔𝘺 𝘋𝘦𝘢𝘳𝘦𝘴𝘵 𝘓𝘶𝘯𝘢 | [COMPLETE ✔️]

ភាគ៦:ខ្ងុំនឹងប្រាប់ការពិតទៅគេ

ជុងហ្គុកនាំថេយ៉ុងចេញមកចេញពីផ្សារទំនើបដើម្បីនាំគេត្រលប់ទៅផ្ទះរបស់នាយតូចវិញក៏ព្រោះតែពេលនេះថេយ៉ុងគឺមិនមានសុវត្ថិភាពនោះឡើយ ថាមិនត្រូវពួកវាអាចនឹងមិនមែនបញ្ជូនកូនចៅមកតែម្នាក់ក៏ថាបាន

"ផ្ទះថេយ៏នៅម្តុំណា ខ្ងុំនឹងបានជូនទៅ? "ជុងហ្គុកងាកមកសួរអ្នកដែលដើរតាមការអូសរបស់គេដោយមិននិយាយអ្វីសោះ ហាក់កំពុងតែស្លុងគិតដល់រឿងអីក៏មិនដឹង

ថេយ៉ុងសម្លឹងមុខជុងហ្គុកដែលបែរមកសួរនាំគេដោយការបារម្ភពីរឿងអ្វីក៏មិនដឹង កែវភ្នែករបស់នាយក៏មិនមែនជាពណ៏ក្រហមទៀតដែរ ចុះអ្វីដែលគេបានឃើញមុននោះវាជាអ្វីទៅ?ឬមួយគេភ័យដល់ថ្នាក់ស្រវាំងភ្នែកមែនដែរទេ?

"ថេយ៉ុង? មានលឺខ្ងុំសួរឬក៏អត់? "ជុងហ្គុកអង្រួនស្មារនាយតូចខ្លាំងៗ ជាហេតុអោយអ្នកដែលឈរភ្លឹកមើលមុខគេត្រូវកាត់ផ្តាច់ចេញពីការភាំងភ្លឹកមកវិញ

"មានអីហ្ហេស? "

"ខ្ងុំសួរថាផ្ទះរបស់ថេយ៏នៅម្តុំណាខ្ងុំនឹងបានជូនទៅ"

"អ៏ គឺមិនអីទេជូនខ្ងុំទៅសាលាទៅព្រោះបងប្រុសនឹងទៅទទួលខ្ងុំទីនោះ"ថេយ៉ុងបេះដៃអ្នកដែលកំពុងចាប់កដៃខ្លួនចេញ មុននឹងខិតខ្លួនថយដើម្បីអោយមានគម្លាតពីគ្នាបន្តិច

"មិនបានទេ! វាមិនមានសុវត្ថិភាពនោះទេថេយ៏"គេមិនទុកចិត្តទេ នៅផ្សារមានត្រឹមតែម្នាក់ចុះបើវាតាមថេយ៉ុងទៅដល់សាលានរណាទៅជួយទាន់?ដរាបណាគេមិនឃើញនាយតូចទៅដល់ផ្ទះទេ គេមិនបណ្តោយអោយនាយតូចទៅណាផ្តេសផ្តាសឡើយ

តែជុងហ្គុកមិនបានដឹងនោះឡើយថាការព្រួយបារម្ភរបស់នាយនេះហើយដែលធ្វើអោយថេយ៉ុងចាប់ផ្តើមសង្ស័យមកលើនាយកាន់តែខ្លាំង

"ហេតុអីក៏ថាវាមិនសុវត្ថិភាព ក្រែងនោះជាសាលារៀនមិនចឹងឬ? "ជុងហ្គុកបង្អាក់បន្តិចពេលលឺថេយ៉ុងសួរមកបែបនេះ

"ក៏មិនធានាដែរ ចុះបើគ្នីគ្នាវាគុំនឹងថេយ៏ហើយតាមទៅដល់សាលាគិតយ៉ាងម៉េច?ឡើងឡានមកខ្ងុំជូនទៅ!! "អ្នកកម្លោះទាញដៃថេយ៉ុងចូលមកខាងក្នុងឡានប៉ុន្តែនាយតូចបែរជាមិនព្រមចូល ថែមទាំងឈរសម្លឹងមើលមុខនាយហាក់ចង់សួរសំណួរដែរគេកប់ក្នុងចិត្តជាច្រើន