🖤 FEROCIOUS TWINS 🖤 Completed

🖤 8 🖤

[Unicode]

ဂျွန်ဂျောင်ကု ကင်မ်ထယ်ယောင်း ကို ကားနောက်ခန်း ထဲ ကို ထည့်ဖို့ ပြင်ပြီးမှ နဖူးက သွေးထွက်နေတာမို့ Lover Seat မှာပဲ ထိုင်လျက် အနေအထား နဲ့ တင်လိုက်တယ် ။ နဖူး က ကျနေတဲ့ သွေးတိတ်အောင် လက်တဖက် က လက်ကိုင်ပုဝါ နဲ့ လှမ်းအုပ်ပေးထားရင်း လက်တဖက် တည်း နဲ့ ကတ်သီးကတ်သပ် ကားမောင်းလာရတယ် ။ ကားတိုက်သေတော့လည်း တစ်ယောက်တည်းမှ မဟုတ်တာ အဖော်လေး နဲ့ ဆိုတော့ အဆင်ပြေပါတယ် ။ ဒီ အကြောတင်းလေး သူ့ဘာသာသူ သွေးထွက်လွန်ပြီး ဘာပဲဖြစ်ဖြစ် ဂျွန်ဂျောင်ကု နဲ့ မဆိုင်ပေမယ့် ပစ်ထားဖို့ကျတော့လည်း နှလုံးသား က မလုပ်ရက်ပြန်ဘူး ။ လူသတ်ရင် မျက်တောင်တချက် မခတ်ပေမယ့် ဒီလို ခပ်ချောချောလေး ကျတော့ ထိခိုက်အောင်မလုပ်ချင်ဘူး ။နှလုံးသား က ဘက်လိုက်တတ်တယ် ထင်တယ် ။

ဂျွန် အိမ် ရဲ့ ခြံဝင်းကျယ်ကြီး ထဲ ကို မောင်းဝင်လာတဲ့ Mercedes Benz Z ကားနက်ကြီး ။ လမ်းတလျှောက် CCTV တွေ တပ်ထားတာက မသိရင် သမ္မတ အိမ်တော် လိုမျိုးပဲ ။ ဝင်လာတဲ့ လမ်းရဲ့ ဘေး တဖက်စီမှာ နှစ်ချို့ သစ်ပင်ကြီးတွေ ချည်း ရှိတဲ့ တောအုပ် ကြီးတွေ ။ ဂျွန်အိမ် ထဲ ကိုပြဿနာ တခု နဲ့ ရောက်လာပြီးရင် ပြန်ထွက်နိုင်ဖို့ လမ်းတော့ သိပ်မရှိပါ ။ အခုချိန်ထိလည်း ဘယ်သူ မှ ပြန်မထွက်နိုင်ခဲ့ဘူးလေ ။

ခမ်းနားကြီးကျယ်လှတဲ့ သုံးထပ် အိမ်တော်ကြီး ရှေ့ ဆင်ဝင် မှာ ကား ကို ထိုးရပ်ပြီး ဂျွန်ဂျောင်ကု အရင်ဆင်းလိုက်တယ် ။ ပြီးမှ ဟိုဘက်ခြမ်း က ကားတံခါး ကို ဖွင့်ကာ ကင်မ်ထယ်ယောင်း ကို ပခုံးပေါ်  တင်ပြီး အိမ်ထဲ ဝင်တယ် ။ အလိုက်မသိတဲ့ ဂျွန်ဂျောင်ကု တပည့်တွေ က ဆရာ ကျနော် သယ်ပေးမယ် လုပ်သေးတာ ။ -ျီး ကို သယ်ပေးမှာလား စောက်ရူးတွေ ရ လို့ ဆဲ မှ ဘေးနား က ရှဲသွားတယ် ။ မဟုတ်တာဆို လာယောင်ချင်ကြတဲ့ကောင်တွေ ပဲ ။

ဂျွန်ဂျောင်ကု ကင်မ်ထယ်ယောင်း ကို ပခုံးပေါ် ထမ်းပြီး တတိယထပ် ကို တက်လာတယ် ။ တတိယထပ် က ဂျွန်ဂျောင်ကု အလွှာပဲ ။ ဒုတိယထပ် က  ဂျွန်ဂု အလွှာ ။ အောက်ဆုံးထပ်ကတော့ ဂျွန်ဂျောင်ကု အဖေ နဲ့ အမေ ရယ် အိမ်အကူ တွေ ရယ် နေတယ် ။ ဂျွန်ဂျောင်ကု လုပ်ငန်း က တပည့် တွေအတွက်က ခုနက ဖြတ်လာတဲ့ တောအုပ်ကြီး ထဲမှာ တစ်ထပ်တိုက်အိမ်တွေ ဆောက်ပေးထားတယ် ။ နေစရာ စားစရာ အပြီးပေးပြီး တော်တော်များများ ကို လက်သပ် မွေးထားလိုက်တာ ။ တချို့ဆို မိသားစု တွေ ဘာတွေ နဲ့ ဖြစ်နေပြီ ။ အလုပ် ကို အလုပ် နဲ့ တူအောင် လုပ်ရင် ဂျွန်ဂျောင်ကု က အစစအရာရာ လိုက်ပြောနေတတ်တဲ့ လူမျိုး‌ မဟုတ်လို့ အဆင်ပြေတယ် ။