🖤 FEROCIOUS TWINS 🖤 Completed

🖤 17 🖤

[Unicode]

ကုတင်ပေါ်မှာ လဲလျောင်းနေတဲ့ ကင်မ်ထယ်ယောင်း က အခုကျတော့ ကြည်လင်တဲ့ မျက်နှာနဲ့ အိပ်ပျော်နေတယ် ။ ကင်မ်အိမ် ရဲ့ မိသားစု ဆရာဝန် က ကင်မ်ထယ်ယောင်း ကို စမ်းသပ်ပြီးနောက် ပြောစရာရှိတာ ပြောပြီး ပြန်သွားတယ် ။ အခန်းထဲ ကျန်ခဲ့တဲ့ ဝန်ကြီးချုပ်ကတော် နဲ့ ကင်မ်ထယ်ဟွန်း မျက်နှာ က အံ့အားသင့်ပြီး မယုံနိုင်မှုတွေ အပြည့် နဲ့ ။ ကင်မ်ထယ်ဟွန်း က ပိုဆိုးတယ် ။ စကြားလိုက်ရချိန်မှာ နားထဲကို မိုးကြိုး ဖြတ်ဝင်သွားသလို ဂျိန်းကနဲ ပဲ ။ ကင်မ်ထယ်ဟွန်း နားတွေ အူထွက်ပြီး ခေါင်းတွေ ချာချာလည်နေတယ် ။

ဝန်ကြီးချုပ်ကတော် ရဲ့ အံ့ဩနေတဲ့ မျက်နှာ က ဒေါသထွက်နေတဲ့မျက်နှာ ပြောင်းသွားတယ် ။ ဘေးချင်းယှဉ် ရပ်နေတဲ့ ကင်မ်ထယ်ဟွန်း ဘက် ကို လှည့်ပြီး မျက်နှာကို လက်ဝါး နဲ့ ရိုက်ချလိုက်တယ် ။ ကင်မ်ထယ်ဟွန်း ရုတ်တရက် ကြောင်သွားပြီး ပါး ကို ယောင်ယမ်း ကိုင်မိသွားတယ် ။ ဝန်ကြီးချုပ်ကတော် က သူ့ကို ဘာလို့ရိုက်လိုက်တာလဲ ။ အံ့ဩတကြီး ကြည့်နေမိတဲ့ ကင်မ်ထယ်ဟွန်း ကို ဝန်ကြီးချုပ်ကတော် က ဒေါသတကြီး လက်ညှိုးထိုးပြီး ပြောတယ် ။

"ငါ မင်း ကို ငယ်ငယ်ကတည်း က ဘယ်လိုမှာထားခဲ့လဲ ကင်မ်ထယ်ဟွန်း ငါ မှာတာကို မင်း ဂရုမစိုက်ခဲ့တာလား အခု ငါတို့ ဘယ်လိုလုပ်ကြမလဲ မင်းတို့အဖေ သိရင် ငါတို့ ဘယ်လိုလုပ်ကြမလဲ"

"ကျနော် ဘာလုပ်မိလို့လဲ ဝန်ကြီးချုပ်ကတော် ပြောတဲ့အတိုင်း ငယ်ငယ်တည်း က ယောင်း ကို ကာကွယ်‌စောင့်ရှောက်လာခဲ့တာပဲလေ ကျနော့်ကို မစ္စကင်မ် က ပွင့်ပွင့်လင်းလင်း ပြောခဲ့လို့လား"

"မင်း ဘာ အသုံးကျလဲ မင်း ကာကွယ်စောင့်ရှောက်တာ တော်လို့ အခု မင်းအစ်ကို က ကိုယ်ဝန် ၁ လ ရှိနေပြီလေ အဲ့တော့ မင်း ဘာတွေ လုပ်နေခဲ့တာလဲ လွန်ခဲ့တဲ့ ၁ လ က မင်း အစ်ကို ကို လိုက် မကြည့်ထားဖူးလား မင်း နဲ့အတူတူ ဆိုရင် စိတ်ချလို့ လွှတ်ထားတာလေ ကင်မ်ထယ်ဟွန်း ရဲ့ ငါ့ကို ပြောစမ်းပါ"

ဝန်ကြီးချုပ်ကတော် က ကင်မ်ထယ်ဟွန်း ရဲ့ အင်္ကျီ ကို လက်နှစ်ဖက် နဲ့ ဆွဲ ဆွဲပြီး ပြောတယ် ။ ဒီလိုတွေ ဖြစ်လာမှာ စိုးရိမ်လို့ ကင်မ်ထယ်ယောင်း ကို ဆို အမြဲ တင်းကျပ် ပြီး မျက်စိဒေါက်ထောက် စောင့်ကြည့်ခိုင်းထားတာ ။ တခုပဲ ကင်မ်ထယ်ဟွန်း နဲ့ ရှိရင်သာ စိတ်ချလက်ချ ထားပြီး ဟင်း ချ နေနိုင်ခဲ့တာ ။ တယောက် ကို တယောက် အရမ်းချစ်ကြတဲ့ အမြွှာတွေ မို့လေ ။ ငယ်ငယ်ကတည်း က တောင် ကင်မ်ထယ်ဟွန်း က အငယ်ပေမဲ့ ကင်မ်ထယ်ယောင်း ကို ကာကွယ်စောင့်ရှောက်ဖို့ အမြဲနားသွင်းခဲ့တာ ။ အခုကျတော့ ကင်မ်မီယွန်း က စိတ်ချလက်ချ ယုံကြည်ထားချိန်ကျမှ အခုလိုတွေ ဖြစ်လာသည်တဲ့ ။ တွေးရင်း နဲ့ ကင်မ်ထယ်ယောင်းအတွက် ပူပန်ရတဲ့ စိတ်ကြောင့် မျက်ရည်တွေကျလာတယ် ။