🖤 FEROCIOUS TWINS 🖤 Completed

🖤 7 🖤

[Unicode]

ဂျွန်ဂျောင်ကု ညက အလုပ်ကိစ္စ အကြီးကြီး တခု ကို အောင်မြင်အောင် လုပ်ပြီးသွားတာမို့ ရုံးခန်းထဲ က ဆုံလည်ထိုင်ခုံ မှာ သက်တောင့်သက်သာ မှီ ရင်း ထိုင်နေတယ် ။ ဒီတခါမှာ ဂျွန်ဂု ရဲ့ နှောင့်ယှက်မှု လည်း မရှိဘဲ အဆင်ပြေပြေ ပြီးသွားတယ် ။ ဒါက နည်းနည်းတော့ သံသယ ဖြစ်စရာကောင်းတယ် ။ ဂျွန်ဂု တယောက် က အခုတလော အရင်လို ‌‌ ရောက်လာတဲ့ပစ္စည်းသစ်တွေ ကို ခိုးရောင်းတာမျိုး ယူပြီး သက်သက်မဲ့ ဖွက်ထားတာမျိုး မရှိတော့ဘူး ။ ဘာတွေ ကြိတ်ကြံနေတာများလဲ ။ အဲ့လိုတွေးမိတော့ သက်တောင့်သက်သာ မရှိတော့ဘဲ ခန္ဓာကိုယ်က တောင့်တောင့်ကြီး ဖြစ်သွားတယ် ။ ဂျွန်ဂု ဆိုတဲ့ ကောင် အကြောင်း ဘယ်အချိန် တွေးတွေး စိတ်မသက်မသာစရာပါလား ။ ဘာဖြစ်လို့များ ဒီလို ကောင် နဲ့ အမြွှာ အဖြစ် မွေးဖွားလာခဲ့ရသလဲ ။ ကံကြမ္မာ က ‌ောက်ချိုးမပြေဘူးပဲ ။
ဂျွန်ဂျောင်ကု လေပူတွေ ကို မှုတ်ထုတ်ပြီး ရုံးခန်းထဲက ထွက်လာလိုက်တယ် ။ အနောက် က လိုက်ဖို့ပြင်နေတဲ့ ‌လက်ရုံး တဆူ ဖြစ်တဲ့ ပတ်ခ်ဆိုဂျွန်း ကို လိုက်မလာဖို့ လက် နဲ့ ကာ ပြပြီး မှ တခုခုကို သတိရသွားတယ် ။

"ဆိုဂျွန်း ငါ့ ကို အခုတလော ဂျွန်ဂု ဘာတွေ လုပ်နေလဲ စုံစမ်းထားပေး ညနေ သိချင်တယ်"

"ကောင်းပါပြီ မန်နေးဂျင်းဂျွန်"

အပိုအလို မရှိ ကွက်တိ ဖြစ်နေတဲ့ အနက်ရောင် Suit က ဂျွန်ဂျောင်ကု ရဲ့ တောင့်တင်းကျစ်လစ် တဲ့ ခန္ဓာကိုယ် ကို ပေါ်လွင်စေတယ် ။ ဘောင်းဘီအိတ်ထဲ လက်ထည့်ပြီး စတိုင်လ်ကျကျ လမ်းလျှောက်‌နေတဲ့ ဂျွန်ဂျောင်ကု က ဒုစရိုက်လုပ်ငန်းကြီး တခု ရဲ့ ခေါင်းဆောင် မဟုတ်ဘဲ Model တယောက် ပိုဖြစ်သင့်တယ် လို့ ပတ်ခ်ဆိုဂျွန်း တွေးမိတယ် ။ ဒါပေမဲ့ အတွေး တိုင်း က အပြင် ကို ထုတ်ပြောကောင်းတဲ့ အရာ မဟုတ်ဘူး ။ ပတ်ခ်ဆိုဂျွန်း အခု လုပ်သင့်တာ က ဂျွန်ဂျောင်ကု ခိုင်းသွားတာ ကို ပါပဲ ။

ဂျွန်ဂျောင်ကု Mercedes Benz Z ပေါ် တက်လိုက်ပြီး Company နဲ့ ဝေးရာ ကို မောင်းထွက်လာလိုက်တယ် ။ ဘယ်နေရာရယ် ဦးတည်ချက် မရှိဘဲ မောင်းထွက်လာပေမယ့် နောက်ဆုံး ရောက်လာတာ က ဟန်မြစ်ကမ်းဘေး ဖြစ်နေတယ် ။ ပူလောင်တဲ့ ရာသီဥတု မှာ ဟန်မြစ်ကမ်း ဘေး က လည်း ဘာမှ ထူးပြီး အေးချမ်းမနေပါ ။ ဒါပေမဲ့ မျက်စိတော့ ရှင်းတယ် ။ ကား Aircon ကို ပိုတိုးပြီး ထိုင်ခုံကို နောက်လှန်ချပြီး ခဏ မျက်စိမှိတ်ထားလိုက်တယ် ။ ဘာလဲ ဘာမှ မမြင်ချင်လို့ မျက်စိမှိတ်ထားကာမှ ပေါ်လာတာ က ဂျွန်ဂျောင်ကု ကို ချေလွှတ်လိုက်တဲ့ ဝန်ကြီးချုပ် ရဲ့ သား ကင်မ်ထယ်ယောင်း မျက်နှာ ဖြစ်နေတယ် ။ ကြည့်ရတာ ဂျွန်ဂျောင်ကု တော့ ကင်မ်ထယ်ယောင်း မျက်နှာပေါ်က Tattoo ကို သဘောကျနေမိတယ် ထင်ပါရဲ့ ။
စိတ်ရှုပ်ထွေးလွန်းလို့  လှဲနေရာ က ပြန်ထိုင်ပြီး မျက်နှာ ကို လက်နှစ်ဖက် နဲ့ အုပ်ထားမိတဲ့အထိပဲ ။ ကင်မ်ထယ်ယောင်း ကို ဖမ်းခေါ်ပြီး မျက်နှာပေါ်က Tattoo ကို လေဆာ နဲ့ ဖျက်ပစ်လိုက်ရမလား ။ ဒါဆိုရင် ဂျွန်ဂျောင်ကု စိတ်ရှုပ်စရာ မလိုတော့ဘူးပဲ ။ အခုက ခဏခဏ Tattoo နဲ့ မျက်နှာပဲ မြင် မြင်နေတယ် ။ အလုပ်ကိစ္စကြောင့် ခေါင်းအေးသွားရင် အဲ့ဒီ Tattoo က ပေါ်လာပြန်ရော ။ Shit ဂျွန်ဂျောင်ကု က ဘဝ မှာ ဘာကို မှ စွဲစွဲလန်းလန်း မဖြစ်ချင်ဘူး ။