رغبة قاتله

لا أريد سماع الحقيقه

ينظر أسامه لسوسن بتملل: ياسوسن .. أنا كنت زيك كمان قلقان بسبب فارق العمر الكبير اللي بينا .. وكنت متردد في البداية .. بس ما أدري فجأة حسيت إني ما أبغي أخسره .. و وافقت على الزواج

سوسن بسخرية: يا سلاااااام .. وافقت على الزواج بدون ما تعرف إيش اللي ليك وإيش اللي عليك .. إنت مفكر الزواج لعبه

أسامه بإستغراب: إنتي ليش مكبره الموضوع كدا .. هذه حياتي وأنا حر فيها

تقف سوسن بإنفعال وتنظر له بحزم: تمام .. معاك حق إنت حر .. بس لازم تعرف .. إن بزواجك المثلي هذا .. ما راح تنضم لعائلته رسمياً .. وما يحق لك تورثه أو تتملك أي شيء منه في حياته أو بعد وفاته وفي حالة الإنفصال ما علية أي شيء وتطلع من بيته زي ما دخلت .. وبالذات لو كان كبير في السن فإن القانون بيكون واقف معه عشان المحتالين بإسم الزواج

ينظر أسامه لسوسن بدهشة للحظات وكأنه يحاول إستيعاب ما قالته .. يفيق أسامه من دهشته ثم يرد بحزم: ومين قالك إني تزوجت شوكت عشان فلوسه أو إني أصلا بفكر بالفلوس .. أنا تزوجت شوكت لأني حسيت إني ...

تقطع سوسن كلام أسامه بإشمئزاز: ممكن تسكت وتبطل هبل .. كل شويه أنا حسيت .. وأنا حسيت .. ولما يرميك في الشارع وقتها خلي ينفعك إحساسك

أسامه بإستنكار: يرميني في الشارع .. كيف يعني يرميني .. وليش أصلا يرميني .. أنا متزوجه رسمي

تكتف سوسن ذراعيها حول صدرها وبتقة: صحيح إنت متزوجه رسمي .. بس .. من دون حقوق .. وقت ما يحب يرميك ويقولك خلاص ما أحتاجك في حياتي

يجلس أسامه بهدوء على الكرسي وهو ينظر لسوسن بصدمه .. وبصوت مخنوق: لا .. مستحيل شوكت يسوي كدا . مستحيل

تجلس سوسن بجانب أسامه وتمسك يده بإهتمام: أسامه حبيبي لازم تعرف إنه زواجك من شوكت مجرد للإستمتاع وبس .. ولا تنسي إنه كان متزوج وحده قبلك .. يعني هو مو مثلي بالأساس .. ويمكن مع الحرمان والرغبة المكبوتة داخله لما شافك وشاف في كل المغريات اللي تناسبه تزوجك

ينظر أسامه لها بحزن: أنا كنت مفكر إنك زعلانه بس عشان أنا تزوجت واحد كبير في السن .. يعني طلع خوفك عشان مالي حقوق مو فارق العمر

سوسن بثقة: فارق العمر هو اللي راح يخلي شوكت يسرع في الإنفصال عنك .. لأنه بعد سنه ولا إثنين ولا حتي ثلاثة راح يكبر أكثر في العمر ويضعف من الناحية الجنسية وممكن ما يقدر يمارس معاك الحب كثير .. وراح تصير إنت تطلب منه وهو ما يقدر يلبي .. وتصير إنت نقطة ضعفه و وصمت العار اللي راح تلحقه في كل مكان .. وقتها راح يفكر إنه يتخلص منك بأسرع وقت عشان ما يعرف أحد بعيبه