رغبة قاتله

ظهورك سوف يسبب كارثة

يلتفت أسامه بإستغراب من مسكة سوسن له بقوة وجذبه نحوها .. يتوقف شوكت وينظر لهما وبإبتسامه خفيفة: تفضلوا على العشاء .. سوسن مو ضيفة .. إنتي من أهل البيت

يبتسم أسامه لشوكت بإحراج ثم ينظر لسوسن بتوتر .. تنظر سوسن لشوكت بثقة مع إبتسامه باردة: لا لا .. تفضلوا إنتم .. شويه ونجي وراكم على طول

يهز شوكت رأسه بهدوء: تمام زي ما تحبوا .. إحنا منتظرينكم

يسير شوكت لخارج الصالون وأسامه ينظر له بتوتر بينما لا تنزال سوسن تبتسم بتلك الإبتسامه الباردة وهي تنظر لشوكت وتنتظر خروجه .. ما إن خرج شوكت إلا وقد تغيرت ملامح سوسن وظهر عليها الإنزعاج والغضب .. تلتفت نحو أسامه وبصوت غاضب: ممكن تفهمني .. إيش المهزلة هذه اللي قاعدة أشوفها

أسامه بدهشة وإرتباك: م م م مهزلة .. مهزلة إيش .. إيش قصدك

سوسن بإنفعال: يعني إنت كنت حارم نفسك من الزواج طول هذه المدة وفي النهاية تأخذ واحد أكبر منه .. إنت مو شايف ولده .. فهمني كيف وافقت

أسامه بإبتسامه: لاااا .. مو للدرجة هذه .. ترا شوكت كويس ومو مخليني أحس بفارق العمر .. بالعكس بحبني كثير وحنون عليا

تنظر سوسن لأسامه بتعالي وتبتسم بسخريه: تمام .. خلينا دحين نروح نتعشي .. الناس ينتظرونا .. وبنتفاهم بعدين

تقترب سوسن بوجهها من وجهه أسامه وبتحذير: إعمل في حسابك بكره لازم تقابلني .. عشان تقولي اللي صار بتفصيل .. إنت فاهم

يهز أسامه رأسه بإرتباك بالموافقة وهو يبتسم برهبه: تمام .. تمام

يسير كلا من أسامه وسوسن لغرفة الطعام ليتناولوا العشاء مع الجميع .. يجلس الجميع ويتناولوا العشاء في أجواء عائلية دافئة .. يتبادل الجميع الحديث ولا تزال سوسن تراقب شوكت وطريقة تعامله مع أسامه .. وأيضاً إنتبهت على طريقة تعامل جلال مع براء ولكن لم تهتم كثيراً بهما

كانت سوسن تراقب الجميع بصمت وبإبتسامة مرسومه على وجهها بدون أي مشاعر .. أخيراً تقطع سوسن صمتها وتنظر لأسامه بحماس: أيوااااا صح نسيت أقولك يا أسامه .. فاكر إلهام بنت خالتنا .. إتصلت عليا بتقول عندي مشكله

ينظر أسامه لها بتعجب: أيوا .. إيش مشكلتها

سوسن بتملل: زي ما إنت عارف ما سمعت كلامي وتزوجت شخص ما يناسبها ودحين تبغاني أساعدها

تنظر سوسن لأسامه بنظره حاده وكأنها تحذره: مع إني حذرتها وقولت لها ما تتزوجيه .. ما ينفع لك وهيا مصره .. وهذه النتيجة