رغبة قاتله

داخلي بركان سينفجر

تقترب سوسن من أسامه بمكر: دحين إنت عندك سيارة جديده وأخر موديل .. طبعاُ مستحيل تتنازل وتركب سيارتك القديمة .. وأكيد إنت عارف أنه أنا السبب في أنه صار عندك سيارة جديده

تبتعد سوسن بثقة: وبعدين إنت اللي قولت لشوكت أنه هذه سيارة سوسن .. وما أعتقد تحب تبان كذاب قدام شوكت .. ولا تحب أروح أقوله أنا

أسامه بتأفف: خلاص .. أوووف منك .. خذي المفتاح .. بس لعلمك هذه أول وأخر مره راح أسوي زي كدا .. شوكت مو مقصر معايا وبحبني

تأخذ سوسن المفتاح منه بإنتصار: لعلمك هذه السيارة من نصيبي في هذه العملية .. أما بالنسبة للمرة الثانية بنشوف كيف .. خليني أفكر

تركب سوسن السيارة الجديدة وتتحسس كل شيء فيها من الداخل بإعجاب .. يفتح أسامه باب السيارة بتملل ويجلس داخلها: سوسن .. أنا عارف إنك ما راح تخليني بحالي .. إيش اللي تبغيه .. فهميني

سوسن بإستمتاع: إنت دحين وديني البيت وخليني أفكر لك بخطه جديده

ينطلق أسامه بالسيارة .. وبعد دقائق يتصل عليه براء ليبارك له على السيارة الجديدة ويطلب منه المجيء بسرعة ليحتفلوا بهذه المناسبة .. يرحب أسامه كثير بهذه الفكرة وينهي المكالمة

سوسن تتمتم بإهتمام وبصوت منخفض: خلينا نأخذ البيت و بعدين نشوف إيش راح نسوي مع براء وجلال

يلتفت أسامه نحوها بتوتر: سوسن إبعدي عن براء وجلال .. هم مالهم دخل في اللي بنسويه .. أصلا خلاص راح يتزوجوا خلال سنه بالكثير

تضحك سوسن بخبث: طيب يا القلب الحنون .. راح نشوف

يصل أسامه وسوسن للبيت ويتزل براء ويركب معهم أما جلال وماريا في سيارة جلال وينطلقوا إلي كافية راقي .. يجلس الجميع ويتبادولون الأحاديث والسعادة ظاهرة عليهم .. سوسن كان تراقب براء وجلال بتركيز بنظرات وإبتسامه خبيثة

كان براء وجلال يتحدثان معاً وأعينهم تلمع من الحب وإبتسامتهم الرقيقة تدل على حب كلاهما للأخر .. حركاتهم عفويه ولكنها تعبر عن مدى تقربهما من بعضهما .. سوسن كانت تراقب كل هذا وبعدها تنظر لأسامه كنوع من السخرية عليه لأنه تزوج من شخص كبير بدون حب أو إستمتاع بحياته مع شريك حياة

حاول أسامه تفادي تلك النظرات الساخرة من سوسن وعدم الإنتباه لحركات براء وجلال لكي لا تدخل الغيرة منهم لقلبه .. ماريا كانت سعيدة جداً بمنظر حبهما ومستمتعة به كثيراً .. تقترب سوسن وتهمس في أذن أسامه بحسرة على حاله: شايف كيف .. هالغريب قاعد ومبسوط ومعه فلوس .. يعني هو يستمتع بفلوس زوجك وبولده وإنت خليك كدا .. كله من غير تعب ولا شقي .. وممكن يأخذ الثروة كلها ويرميكم كلكم في الشارع