First Love kong.. Aswang?

5

JOVIE'S POV

Isang linggo na nang nangyari ang sagutan nila ni Naldo at Samantha. Hindi din muna ako tumambay sa bahay nila Naldz kasi alam ko may kasalanan din ako sa nangyari. Naworsen ko pa ang sitwasyon.Yes, i know... i know...

Kung bakit kasi nakialam at nagtanong pa ko.
Simula noon alam ko na ayaw niya sa akin bilang higit sa kaibigan.Ako lang talaga ang mapilit.Kasi naman umiibig lang ako. Kayo ba kung may mahal kayong tao, papakawalan niyo ba agad nang hindi lumalaban? Kaya mo bang makita siya na merong iba? I just took a risk when i confessed na may gusto ako sa kanya.Nagbabakasakali na baka gusto niya rin ako.He did told me na gusto niya ko pero as his childhood bestfriend lang.

Sa nangyari, sana naman at kausapin pa ako nun.I have to do something para magkausap yung dalawa. Kung ano man ang namamagitan sa kanila, i will stay out of it. I may lose the one i love but i don't want to lose my childhood bestfriend just because of my one sided love.
Ayoko nang ipagsiksikan ang sarili ko kasi alam kong hindi lang ako ang nasasaktan, kundi pati rin si Naldz. Nararamdaman ko ang simpleng pag-iwas niya sa akin pagkatapos kong masabi sa kanya ang nararamdaman ko, kaya napagdesisyonan ko na magbakasyon sa Cebu.
Kung kinimkim ko nalang sana iyon, baka masaya pa ang summer ko kasama si Naldo.

As i came back, ginawa kong normal lang ang pakikitungo ko sa kanya.Yung parang wala akong inamin at hindi ako apektado sa pag-iwas niya noon, pero nabigo ako nang malaman kong may nangyari sa kanila ni Samantha. I am affected, i won't deny that. Hindi ko namalayan na i'm out of the boundaries na pala dahil sa pagreact ko. Hmm.. May nangyari nga ba? Imposibli based sa reaction nilang dalawa. Wala din naman akong sapat na proweba. I closed my eyes and think about it. Im trying to evaluate things kung ano talaga ang nangyari.

Matapos ang ilang minutong pag-iisip..

I know now that i don't have any right para kastiguhin siya ng ganoon kasi nga KAIBIGAN LANG AKO.and that's the biggest mistake of my life by falling inlove with my bestfriend! Teka, linya yata yun ni Jolina Magdangal. Hahah. Relate eh. Sapol ako.Pasensya nah.

Alam ko na.

Ang hina talaga ng realization ko!

Ako ang mas nakakakilala sa kanya.I should have known better.

Kaya i have to do this.

To make things clear.

Para may peace of mind nako.

Dali-dali akong lumakad palabas ng bahay hanggang sa nasa harap nako ng sinasabi nilang haunted house which i think is just plainly an old house.

I knocked three times nang si Manang Lucia ang bumungad sakin.Kilala ko si Manang kasi halos magkakilala lang ang mga tao sa bayang ito at pangalawa ko nang punta rito.

"Manang, nandyan po ba si Samantha?"

Pinapasok ako ni Manang saka umakyat sa taas.
Hindi ba uso ni Manang ang magsalita? Hindi man lang ako inalok na umupo. Kahit tubig man lang, hindi din ako inalok.Ang init kaya sa labas.
Maupo na nga lang dito sa sofa.

Ilang sandali lang ng bumaba si Samantha. She still looks beautiful kahit nangitim siya. Nilagay ko sa side table ang hand bag ko saka tumayo bilang galang.

"Anong kailangan mo?" kaswal na tanong niya.

"Nandito ako para linawin ang lahat.Hindi ako mapanatag sa kaalaman na damay ako sa pag-aaway niyo ni Naldo."

"Wala ka namang kasalanan.Ang kaibigan mo lang talaga ang maniakis."she rolled her eyes.

"Alam mo, hindi niya naman talaga pinagkalat iyong ganoong balita."asiwa kong sabi."Narinig lang ng kapatid niya ang usapan nilang mag-ina na naipasa naman sakin ng bata.Akala kasi ng ina nito na may nangyari sa inyo kasi dito siya natulog.In short, his mother jump into conclusion."