[ ANIMALS ] completed

Үгүйсгэх аргагүй

Хуурамч хими цэвэрлэгээний зоорийн давхар дахь агааржуулалт муутай лаборатори саяхан амрагласан эрчүүлийн фермоноор дүүрчээ. Бергамот давамгайлсан нойтон, модлог ургамлын үнэр иланг-иланг цэцэгтэй холилдсон нь борооны дараах амазоны ширэнгийг санагдуулна.

Энд тэнд туршилтын шилэн хэрэглэлүүд хагарч, чамин хослол арьсан цүнхний хамтаар шалаар нэг тарсан нь орон дээр, дээр дээрээсээ давхралдан хэвтэх эрс нэгэн рүүгээ шунаглан дайрсныг гэрчлэх аж.

Үён гараараа тулан байж арайхийн өндийгөөд амандаа тамхи зууж эргэн Даниелийн цээжийг дэрлэхэд залуу эр ч мөн хайрцагтайгаас нэгийг сугаллаа. Тэгээд өөрийг нь ойшоосон шинжгүй тааз ширтэх омегад хандаж "Өнөөдөр ширүүн байх чинь. Өөрөө түрүүлж өдөж байхыг чинь харалгүй удаж. Юу чамайг ингэтэл чинь бухимдуулаав?" хэмээн лавлавал өнөөх нь "Өрөөний хамтрагч" хэмээн товчоор хариулав.

-Ахиад л шинэ өрөөний хамтрагчтай болоо юу? За за, хамаа алга. Зүгээр л хөөгөөд явуул. Чи хүн залхаахдаа сайн биздээ?

-Энэ удаагийнх тийм ч амар байхгүй л болов уу

Хөвгүүн хариу хүлээлгүй босож тэр чигтээ гарах гэж байна уу гэлтэй, шалавлан хувцаслахад залуу альфа орныхоо түшлэгийг налан суухдаа тоглоомтой нь аргагүй "Юу вэ? Ашиглуулчихаад хаягдаж байгаа юм шиг санагдчихлаа" хэмээн бувтнана.

-Ашиглуулаад хаягддаг нь хэн билээ дээ, нэг удаа ч гэсэн орондоо ганцаараа үлдээд үз л дээ

-Наад үгээрээ юу гэх гээд байгаа юм?

Даниелийн тохуутай инээмсэглэл үгүйрж залуу эр үл мэдэг хөмсөг зангидахуйд хөвгүүн амжиж гарахаар ухасхийсэн ч бүтэлтэй юм болсонгүй. Профессор жаал омеган гарнаас татаж өөрийнхөө урд авчраад цээж рүү нь ганцхан түлхээд л ор луу унагаж орхив.

-За тэгэхээр, ноён Жон. Бүдүүлэг аашлах тухайд би танд хэд хэдэн удаа сануулга өгж байсан байх аа?

-Больж үз, Даниел. Надад чамтай тоглох сонирхол алга

Үён нүдээ эргэлдүүлсэн даруйдаа гарыг нь хүчтэй угзрахыг мэдэрж цааш юу болоод байгааг ойлголгүй хэсэг балмагдсанаа төдөлгүй 2 гар нь орны толгойд хүлэгдэхийг мэдэрлээ.

-Одооноос би чиний хувьд ноён Чүэ эсхүл профессор. Бид эргэн ажилдаа орох хүртэл энэ дүрэм үйлчилнэ

-Хах, хэрвээ одоо чи надтай ахиад "хийж" эхлэвэл энэ чинь шал утгагүй юм биш үү? Эсвэл чи өөрөөсөө олон насаар дүү оюутнаа эдэлж байгаагаа санах дуртай юм уу?