أختطاف ولكـن / مكتملة

حلقة ثانية

للكاتبة : العنود

بعد ماغفيت بالسيارة كعدتنة ماما لان وصلنا نزلت والنعاس بعيني ضليت اتعاين البيت لان أخر مرة شفتة من جنت عشر سنوات انتبهت سيارة اكو بباب البيت وماشاء الله يعني مو بكبر بيتنة بس حسيت براحة من شفتة

هوة ب الاصل البيت مال جدو ابو ماما بس خالي ما قبل يبيع البيت وباقي بي هوة وعائلتة

نزل خالو جنطنة وراح فتح الباب ودخل السيارة واحنا دخلنة ورا الحوش جان مو حيل كبير ومسوين على جهة حديقة صغيرة

انفتح باب المطبخ طلعت منة مرة لابسة دشداشة صفرة قصيرة وشعرها قصير ورجليها بيض يلمعن

نهلة : هلا هلا شلونج دادة ام احمد مشتاقتلج حياتي
ولج عيني هاي شصاير بيج ليش هيج متأذي وجهج
هذني بناتج هلا عيوني هلا شلونجن حبيباتي

: هلا خالة الحمدالله

:لا داده شنو خالة كوليلي باجي بعدني صغيرة ما احب احد يكبرني يحلوة الله يساعدك عيني ابو نصر اشتاقيتلك يبعد رويتحي

اني بقيت متعجبة على اسلوبها أول مرة اشوف هيج تعامل كدامي ما شايفة هيج اشياء بس بالمسلسلات والاحلى خالي مبتسملها وفرحان وعيونة يلمعن

:يي والله يا عيوني هيج صار وياية

:كسر بـ ايدة كون للمتخلف تعالن فوتن محضرتلجن شلون عشة يلوك لهل وجوه

دخلتنة جوة وريحة البيت ما شاء الله تخبل ونظافة وترتيب صعدنة فوك

:عيوني هاي الغرفة جهزتهة ورتبتهة الكم واخذو راحتكم وبدلو بين ما اصب العشا

طلعت اتمشى لحد موصلت للحمام نزعت حجابي وغسلت وجهي ورجعت للغرفة لكيت ماما فاتحة الجنط وتريد ترتبهن بالكنتور

:ماما راح نبقى هنا بعد منرجع

:اذا ما طلعلي ببيت وحدي منرجع

:زين ماما شلون وكُليتي واخواني قابل نبقى على كلب خالو

:معليج اني ادبرها

سمعنة صوت دكة باب دخلت مرت خالي وبيدها الصينية

:يلا ريومة عيني يلا يحلوة يلا داده رجاء تعالو اكلو
وسولفيلي هذا ليش هيج مسوي بيج

:والله ياخية علمود كتلهم بنتي تكمل دراسة وتدخل كلية وهمة ماقابلين كعدت صيحت وملخت شعري وغلطت عليهم كام سامي وضربني

:كسر بـ كون اوي والله انتِ مدري شلون متحملتهم

:غير كاسرين كلبي الجهال والبنيات

:اوف اووف هسة دخلينة من ذولة المعقدين انتِ شلونج ليش هيج كاطعة بينة فرد كطعة

:ميقبلون أجي واذا اجي كون بناتي ميجن وياي واني ما اكدر أعوفهن وحدهن مرت عمهن توليهن وتخليهن خدم وينضفن جيافتهة وموبايل تدرين بية ما عندي والولد مو دوم بالبيت حتى اخابر مقداد واسأل عليكم