أختطاف ولكـن / مكتملة

حلقة الثالثة والثلاثون

#أختطاف_ولكن
للكاتبة:العنـود

داومت طبيعي اثناء الشغل اتصل عليه بابا ، لزمت كلبي كلت اكيد وصلة خبر اني ببيت نصر

شلت الموبايل وجاوبت
دعاء:الو

سامي:ها بابا شلونج

دعاء:الحمدالله بابا انتَ شلونك

سامي:آني زين الحمدالله هسة طمأنيت عليج رجعتج لنصر بهيج وكت وضروف لصالحنا

دعاء:شلون لصالحنا

سامي:جا احسن ما تبقين وحدج وبالي يمج لا يصير شي ع الاقل انتِ ببيت رجلج

دعاء:بابا شهل حجي رجعت علمود خالو حالتة حرجة فدنوب

سامي:اي بس بعد ماكو سالفة طلاك تكعدين ببيت نصر وتسكتين

دعاء:لا بابا فدوة تدري بية اريد اتطلك

سامي: اطلكتي وبعدين ! تبقين عايشة وحدج ماعندي بنات يكعدن وحدهن

بهل أثناء اجتي زميلتي كلتلي تعاي محتاجيج
سديتة منة ورحت اشتغل حرفياً انكتم نفسي من ورة هذا اليونيفورم الي يغطي كل الجسم بحيث بالكوة اشوف من ورا
بس اهم شي الالتزام

كملت دوام وعقمت نفسي ورجعت للبيت ، رحت لخالو شفتة موخر الماسك التنفسي وشوية احسن وصيت باجي تسويلة فواكه وصعدت سبحت وعقمت نفسي

صار بية هوس حرفياً بحيث بحيث اذا اعطس اعقم نفسي
ما نزلت اكل جوة لان بعدني لحد الان مستهضمة شلون باجي كلتلي طلعي لا تعدينة وتجيبيلنه مرض
طلعتلي بسكت وعصير اكلتهن
اتصل نصر عليه جاوبتة

نصر:ها حب

دعاء:هاا

نصر:بعد ماكو شقة ام حلك

دعاء:اهوو عفية نصر ماريد ابقى هنا

نصر وهوة يقلد صوتي:لا عفية تبقين هنا

دعاء: رجاءاً اني هناك تعودت

نصر:مو بكيفج ابوج خابرني وكلي تبقى يمك لتخليها ترجع وحدها

دعاء:هوة بكيفكم تتحكمون بية والله ارجع اني امرأة مستقلة ما احتاجكم بحياتي
مو من حقكم تاخذون قرارات عني

نصر:خوش لعد رجعي للشقة وحيري بالايجار

دعاء: تعيرني شنو

نصر:لا هذا الواقع المهم اجي ونتناقش بهل موضوع
ابوية شلون صار ؟ شفتي؟

دعاء:اي شفتة من اجيت احسن من البارحة

نصر:الحمدالله دعاء ما اوصيج عينج على ابويةة

دعاء:بعيوني اخلي خالي هذا

نصر:اروح فدوة لعيونج يلا حبيبي مع السلامة راح اروح