أختطاف ولكـن / مكتملة

الحلقة الثالثة عشر

للكاتبة:العنـود

اني سمعتة كال هيج تخبلت
دعاء:تخسي والله تمد ايدك عليه يا حقير

خنجر:ططللععوو يلا
اجة وائل شال شهد وضلت تدفر بي متريد تكوم اخر شيي دفرها ببطنها وشالها راح للغرفة الثانية
اجة خنجر يمي مد ايدة على رجلي يتحسسها ان كمت طفرت لنهاية الغرفة اجة وراية حط ايدة على راسي راد ينزعني الحجاب ما خليتة
ركع راسي بالحايط وضربني راشدي جتفني بايدة وايد ثانية تتحسس جسمي واني من الدوخة كوة مفتحة عيوني واحاول كد ما بية اقاومة

اندك الباب وليد:حجيي منشار يكول يمكن عرفو مكانةةةة ححجججيي

طفر من يمي وراح فتح الباب واني كعدت بالكاع ابجي جريت ايدي جوة الحجاب جريت خصل من شعري ذبيتهن بالكاع

خنجر:شلون عرففوو

وليد:ما ادريي بس يمكن واحد من الحماية الجانو وية وائل يعرفون هذا المكان وجايين اعتقد

خنجر:جتفوهن بسرعةةة واائلللل جيب شهد خل نطلع منااا
اجة شالني وليد وصعدني بالسيارة ما احس بشي بالكوة منتبهة لحجيهم متقززة من لمساتة ومن كلامة
اجة وائل لازم شهد فتح باب السيارة ودفعها حتى تصعد

مشو بالسيارة واني هم جربت خصل ذبيتهن بالسيارة ولعابي خليتة على مقبض السيارة بدون مينتبهون اخر شي بعد ما كدرت فقدت ما حسيت على اي شي بعد
فتحت عيوني بمكان اضلم وبس اكو بي ضوة احمر

شهد:كعدتي دعاء

دعاء:وين احنا شهد

شهد:لج ذولة الجلاب جابونة ببيت دعارة المايخافون الله

دعاء بصدمة: شهد شدتحجين

شهد متحملت كامت تبجي:جابونة ببيت دعارة الخايسين من فتنة شفت بنات كاعدات برة لابسات بدلات رقص وأغاني وين واصلة دعاء اني ما اتحمل يسون بية شي والله

كعدت عدل احاول استوعب كلامها نزعت الحجاب الي انتبهت نص شعري طالع منة
دعاء:هسة شنسوي ماكو شباك صخام نشرد

شهد:ماكو شكد حاولت ولا ينفتح

دعاء: زين همة شيردون من عدنة شغلتهم ويانة شنوو

شهد:حسب ما فهمت من اجينة عدهم راس جبير مسجون ويردون يطلعو والمسؤول على قضيتة ابوية ونصر وبعد كم واحد واحنا صرنا الطعم

دعاء: اوووف ياربي شهد تدرين هذا حاول يغتصبني لو ما اجاا ذاك الجلب جان اغتصبني الحيوان

شهد:جلاب شتتوقعين منهم يعني حتى وائل الخرة تحرش بية الحيوان

كمت حركت روحي حاولت افتح الباب مقفول رحت ع الشباك هم مقفول بقفل
انتبهت اكو مسافة بين الباب والكاع دنكت اباوع منها ما شفت شي بس نسوان لابسات كعب يمشن حاولت اشغل غير ضوة ماكو بس احمر