#أختطاف_ولكن
للكاتبة: العنـود
....بعد مرور سنتين......
هاي السنتين مرت عليه كأنها عشر سنين مريت بحالة أكتئاب فضيعة بسبب انو ما اكدر أنجب سويت أكثر من عملية وحدة بالعراق ووثنين بلبنان وماكو فايدة كلها فاشلة كلـمرة أشوف بيها طفل اتكطع من داخلي الف مرة أريد يصير عندي طفل أريد احس بالامومة
من أكعد وافضفض يكلولي كولي يالله بعدج بعز شبابج والطب يتطور والف حل تلكين ان شاء الله
بس بداخلي ماكدر
أكثر من موقف مرن عليه مثل السم
اول واحد بعد ما رشا مرت حسن جابت طفلها الاول
رحنة اني ونصر نباركلهم شلت الطفل بيدي وايدي ترجف خليتة لصدري وبستة جرتة من ايدي
رشا:كافي عيوني كطعتي ابني بنضراتج ادري بيج محرومة بس مو تطلعين حرمانج بابني
نادية:أحترمي نفسج لج واعرفي شتحجين شقصدج دعاء تحسد مثلاً
رشا:اي اخاف تحسدني اني وابني تدرين اني احبل واجيب وهية لا
باوعت عليها شكد سطحية وتافهة
دعاء:اني ما اتأثر لو شما تحجين ثقتي بربي قوية واعرف ورة منع ربي انو احمل سبب هاي اولاً ثانياً ابن اخوية هذا شلون ما احضنة وابوسة بطلي نحاسة عاد
طلعت 25 خليتها نقوط للطفل ورحت برة واني من داخلي متكطعة بس ما ابين
امي طلعت وراي تكلي لا تهتمين وعادي والله يرزقج
واني بس اهز براسي
وثاني موقف بعد زواج عباس ورؤى حملت ورة 3 اشهر وجانت يمنة صبا وخالة ام نذير خابرت ماما تبشرنة حيل فرحتلها يشهد الله خاصة انو هية بدت تنسجم وية عباس وتحبة
صبا باوعتلي يلا عيني دعاوي شدي حيلج وترسي حضن نصر اطفال يااا نسيت انتِ ميصير عندج
بقيت صافنة هاي شبيها
نصر حط ايدة على جتفي :منو كلج اريدها تترس حضني اطفال كافي هية تارسة حضني
الشي الحلو الي صارلي بهل سنتين تخرجت من معهد
وصرت محللة وكمت اشتغل بمختبر وبالمستشفى صارت عندي صداقات وعلاقات شعور الاعتماد ع النفس حيل حلوو
باجي نهلة تريد طفل واكثر من مرة اسمعها تحجي وية نصر تزوجة الثانية بس متحجي هل شي كدامي
وهوة يكلها شتزوج يمة مرتي احبها
نصر شحجي بحقة قليل حرفياً وياي بكل شي على رغم نفسيتي حيل تعبانة ومن اقل شي اصيح وابجي بس هوة متحمل وراضي
مرات اصفن بوجهة وهوة نايم اكول وين اكو هيج رجل شرقي يتحمل زوجتة وراضي باشياء محد يتقبلها
مافد يوم حسسني بنقص او اني ثكيلة علي او جرحني بكلمة بالعكس يحاول كد ميكدر ميقصر وياي بشي
واني تعلقت بي لدرجة مو طبيعية بحيث اذا بالدوام وخفر اخابرة واني ابجي اكلة اريدك ترجع
شخصيتي يم نصر اختلفت تماماً مو ذيج القوية الي توكف بوجهة وتراددة هسة بالعكس
احبة حب فضيع
أنت تقرأ
أختطاف ولكـن / مكتملة
Fiksi Umumگـُل مـُر سيمـر العادات والتقاليد الي تحد وتقلل من المرأة ولا زال يتوارثها جيل بعد جيل ترسخت بعقل الاطفال قبل الكبار يرمون السبب بالمرأة مهما گانت المشگلة سواء اختطاف او اغتصاب او اعتداء بالضرب تتحدث قصتنا عن فتاة وُلدت مـن رحم المعاناة وحاربت اهل...
