أختطاف ولكـن / مكتملة

حلقة التاسعة والعشرون

#أختطاف _ولكن
للكاتبة : العنـود

بقيت كاعدة بمكاني بالاستقبال افكر شسوي نصر جاب النجار وغراضي اخذت فوني فتحت الفيس وبديت اكلب بكروبات سكن بغداد
بطني فارغة من البارحة ماماكلة شي ابد

انفتح الباب ودخلت صبا ونهلة

صبا:اريد احجي وياج بموضوع

ماجاوبتهة بقيت بس اباوعلها
كعدن مقابيلي تفاجأت بدموع صبا

صبا:دعاء عليج الله لتخلي يطلكني والله اني احبة من قبل لا تزوجون ما صدكت يجي يوم وازوجة
حتى لو يجيني بس يوم وباقي الأسبوع  يمج راضية والله بس لا يطلكني

دعاء:ليش انتِ بلا كرامة

نهلة:ييااا البنية فحطت بجي وانتِ تكليلها هيج

دعاء ببرود :نصر كالي يطلكج بدون لا اني اكلة اصلاً يعني مرايدج شكو ذابة روحج علي

دخل نصر وباوع كالي هاا

دعاء:هاا

نصر:النجار كمل تكدرين تصعدين

كمت اخذت جنطتي الصغيرة
دعاء:نصر جنطتي الجبيرة جيبلياها

صعدت للغرفة دخلتلها اختنكت حيل فتحت الشباك حتى تتهوى
دخل نصر وراي
نصر:توها نورت الغرفة

هزيت ايدي وأخذت منة الجنطة طلعت ملابسي
اجة لزم ايدي

نصر:شنو هذا الكلام الي كلتي جوة

دعاء:هذا واقعك

نصر:ترة جفصتي ببطني هواي واني ساكت اكول خطية

دعاء:عليمن تسكت احجي عادي

نصر:ياصبر ايووبب دعاء ترة وصلت وياي لهناا

عفتة ودخلت للحمام طلعت من الحمام صليت وهوة نايم ويكلب بفونة
كملت صلاة وطلعت فراش فرشتة ع الكاع

نصر:المن هذا الفراش

دعاء:الية

نصر:ليش تعاي نامي يمي

دعاء: ماريد

نصر:بكيفج ما اضغط عليج أكثر من هيج اهم شي انتي يمي

مددت ع الفراش وبقيت اكلب بكروبات السكن
لحد ما لكيت شقة بيها سكن طالبات
راسلت صاحب الشقة وطفيت فوني ونمت

كعدت قريب ال 6 شفت الصلاة رايحة عليه
كمت شغلت الضوة باوعت على نصر لكيتة نايم على بطنة
فتحت الباب ونزلت حميت الجاي اريد اسويلي جاي وحليب

اجت يمي صبا تباةعلي صفح
صبا:ليش رجعتي

دعاء:شهل سؤال ترة بكيفي ارجع ما ارجع شيخصج بابا

صبا:لا بس ثابرتنا كرامة وكرامة ورجعتي عادي ياعديمة الكرامة

دعاء:هههههه عديمة الكرامة انتي الي هاجرج من يوم العرس مسكينة