أختطاف ولكـن / مكتملة

الحلقة السابعة والعشرون

#أختطاف_ولكن
للكاتبة:العنـود

اجاني صوتة العالي نصر:آني مو كتلج مترحين لبيت جدج

رديت واني صوتي مبحوح دعاء:شبيك نصر

نصر:ابقي يم بيت اهلج احسلج
وسد الفون اتعجبت من تصرفة شهل اسلوب هذا
غسلت وجهي ورحت كعدت يمهم

جدي:جيبي غراضج وغراض جهالج وتكعدين يمنة وعبدالله يشتغل ويانة بدال ذيج شغلتة
وهاي البت شسمها

ايليانا: اسمي ايليانا جدي

جدي:اي لينا ضرغام ياخذها لإيران نعالجها بلكت الله وتطيب

ضرغام:ابشر حجي

سندس:الله يخليكم الي ولا يحرمني منكم

الجد:  احمد وجعفر روحو للسوك جيبو عشة واخذو وياكم عبدالله دلو وعلمو

احمد:صار حجي

كمت ورة احمد صحتلة
دعاء: اريد ارجع للبيت احمد

احمد:ليش

دعاء:هيج بدون ليش اريد ارجع

احمد:البيت فارغ والبنات كلها هنا هسة نتعشة ونروح

دخلت جوة بعد ما ايست وضليت افكر منو كايل لنصر اني ببيت جدي
رحت لرؤى

دعاء:'رؤى انتِ موصلة حجي لنصر اني ببيت جدي

رؤى:لا وروح أبوية

دعاء :لعد شمدري

رؤى:بس صبا خابرتني تريد تعرف شصار وكتلها هسة انتِ ببيت جدج بس يجوز هية كايلتلة لان هية يمهم

دعاء:حلوو الحية وصلتلة حجي

رؤى:لا تكولين على اختي حية

دعاء:مو بس حية اختج مجموعة حياية

عفتهة ورحت دزيتلة رسالة

دعاء:اولاً ما من حقك تكلي وين اروح ووين اجي اني انسانة كبيرة بالغة اعرف شسوي ماسوي ثانياً حجاية ابقي يم اهلج مو حلوة تطلع منك وانتَ عود الرزن والثكيل بس مدام طلعت منك هاهية اني باقية يم اهلي

وبقيت الكعدة كلها اني ضايجة وماحجي وأريد ارجع للبيت
خلصو عشة وكمت اغسل مواعين ووراها صعدنة نرتب ملابس وغراض عمتي بالغرفة اخذت غرفتنا القديمة

قريب ال 11 يلا رجعنا للبيت
فتحت الفون طلع ما شايف الرسالة ولا فاتح النت بقيت اربع ايام هيج لا شايف الرسالة ولا فتح نت
رؤى كالبة خلقتها متحجي وياي
خامس يوم كلت خل اتصل ع الرصيد اتصلت بقة يدك ووين يلا شالة

نصر:الو 

دعاء:الو نصر

نصر:شتردين

دعاء:شبيك نصر

نصر:آني شبية لو انتِ

دعاء:عود انتَ من كل عقلك تحجي هيج كلام بس لان رحت لبيت جدي