أختطاف ولكـن / مكتملة

حلقة تاسعة

للكاتبة:العنود

ثاني يوم كعدنا ب 9 تقريباً كملنا ريوك وبدلنا ورحنا للنجف سيارتين سيارة خالي وسيارة نصر

نصر:دعاء وسهى ورافد وعباس ورؤى لان ضعيفة تجي ويانة

صبا:شقصدك اني سمينة

نصر:ههههه لا بس هية أضعف منج

بسيارة خالو ماما وخالة وباجي ونذير وصبا وريام بحضن ماما
عباس كعد يم نصر وليورا احنا

رافد:والله لوما رايحين زيارة جان شغلت معزوفة

نصر:ههههههه سربوت

رؤى:نصر يعني تقريباً بيش ساعة نوصل

نصر:بالوحدة تقريباً

اني درت وجهي ع الجامة ونمت
بحيث من وصلنا يلا كعدت

اول مرحنا للمقبرة ضلينا نفتر لحد ما وصلنا لقبر جدي قريتلة سورة الفاتحة وبقينا ننتظر خالي الي بعدة مجاي خابرة نصر طلع متيه ولحد ما اجو
قرينا سورة الفاتحة ومي ورد على قبرة وتوجهنا للامير

كعدنا شوية ارتاحينة عباس جابلنة جاي اشرب جاي وانتبهت احد يباوع علية
رفعت راسي شفتة نفسة الولد
بقيت صافنة هذا شجابة هناا هوة شافني باوعتلة ابتسم
نصر انتبه عليه وباوع علي كمت رحت لنصر وهمستلة
دعاء:نصر هذا نفسة الولد الحاجاني بالكلية

نصر عكد حواجبة وراحلة بقى يحجي وياا ونصر فتح فونة مدري شنطا وذاك راح بعد ما شفتة
نادية:خوماكو شي دعاء

دعاء:لا ماما ماكو شي
اجة نصر رؤى سألتة:نصر شحجيت وية الولد

نصر:لتتدخلين رؤى يلا يابه كومو زورو ورانة طريق

صبا:لا شنو اني اريد اروح للكوفة

خزرها نصر وكمنة زرنة
ونصر خلصها كالب وجهة وبس يباوع عليه

سهى:دعاء شبي نصر شو من حاجيتي هوة كالب وجهة

دعاء:علمي علمج مدري شبي

فعلت نت وراسلتة
دعاء:نصر ليش ضايج غثك بشي الولد ؟

رد عليه:حسابج بعدين

دعاء:شبيك يمعود

ما رد عليه بعد
زرنة وكملنا ورجعنا والطريق كلة هوة كالب وجهة وميحجي وية احد
اول ما وصنا

نصر:دعاء بوجهج لغرفتي كبل

اني ضليت صافنة شبي هذا
صعدت سبحت ورحتلة للغرفة لكيتة كاعد ع الجرباية يدخن والغرفة كلها ريحة جاير

دعاء :شبيك شههل ريحة هاي شلون متحمل ييااا هاي كم جكارة مدخن
رحت فتحت الشباك وذبيت الجكاير المدخنهن

نصر:هذا خطبج

دعاء:منو هذا

نصر:هذا الاجاج