أختطاف ولكـن / مكتملة

حلقة سادسة

للكاتبة:العنود

الكل جان مصدوم شلون دعاء الفقيرة الي ما تحجي ولا تجرأ تخلي عينها بعيونهم اليوم متزوجة ومن دون إذنهم يمكن بالنسبة الهم هذا عار بس العار الوحيد هوة فكرهم وافكارهم المنحطة

عمي:شلون متزوجة وولي امرج ماكو؟

دعاء:مايحتاج ولي أمر اني بالغة السن القانوني وخالي موجود

جدي:وانتِ بكيفج تزوجين ما وراج أهل ما وراج زلم

دعاء:لعد اتزوج بكيفكم؟

عمي:اكيد هذا الكلام مو منج من امج وهية عبت براسج

دعاء:لا مو من ماما ابن خالي وحبيتة حرام يعني؟

جدي:لا حول الله اريد اشوف العقد

نصر:تدلل واذا تريد انطيك نسخ منة تحتفظ بيهن ماعندي مشكلة
كام نصر جاب العقد وحطة بيد جدو بقو واحد صافن بوجه الثاني

عمي:يعني انتو تزوجتو زواج فعلي؟

نصر:شتقصد ابو ضرغام شنو مو بعينك رجال طول بعرض

اني هنا كمت لميت الاستكاين وطلعت وهمة ما طولو شوية وراحو
مقداد:هاهية خوية بعد ما الهم ايد عليج ولا على بنتج وبالنسبة لزواج نصر ودعاء فهو حبر على ورق لا أكثر وشوكت متحب تنفصل تنفصل لان همة محد عندة مشاعر تجاه الثاني

نصر اخذ سيارتة وطلع واني ضليت اعزل بالبيت واسمع باجي وماما يسولفن
نهلة:سودة عليه وليدي تمنيت زواجة مو بهاي الطريقة

نادية:اي والله شذنبهم ما ادري

نهلة:بس والله فرحانة لان تزوج دعاء اني من زمان متمنية تزوج نصر لان خوش بنية وتناسبة

مقداد:همة بعدين يحددون يبقون سوة لو كلمن يشوف طريقة
كومو بدلو خل اخذكم لمطعم نتغدا

نادية:عليمن خوية من قلة الخير الي بالبيت

نهلة:دكومي لعبت روحي من كعدت البيت يلا دعاوي صعدي بدلي
صدك رحنا تغدينا وضلينا نفرفر بالسيارة ورجعنا للبيت

اول مرة اتونس هيج اول مرة ما اختنك بطلعة اول مرة واني مرتاحة وية ناس احبهم اول مرة احسني حرة

رجعنا للبيت لكينة نصر راجع
نصر:مبروك نقبلتي تحليلات بجامعة ....

دعاء:عليك الله؟

نصر بضحكة:والله

حضنت ماما ومكيفة اخخخخ واخيراً تحقق حلمي اخخخخ ياربيي الف الحمدالله والشكر
صعدت فوك واني ما احس روحي امشي لا اني اطير أخذت فوني وراسلت زينب سولفتلها كولشي صار وهية فرحتلي هواييي

بالليل اجتي خالتي وبناتها ونذير تسلم وترحب
لحد ما شافتني وتفاجأت

ام نذير:يمة صايرة كيكة صايرة تفاح شههلل جمال هنيالة لابني عليج