أختطاف ولكـن / مكتملة

الحلقة الثانية عشر

للكاتبة:العنود

ورا ما راحت امي استاحشت حيل كوة اكل وبس اصفن اكمل شغلي لو انام لو ادرس ع الرغم حاولو وياي كومة يغيرون من نفسيتي باجي اخذتني ورحنة للمول كلتلي شنو بنفسج اخذي اني اخذت بس المحتاجتهن وحولت غراضي وملابسي بغرفة نصر
ونصر كلي ما اريد منج شي بس خليج كبال عيني ووعد ما اطلع رجال إذا لمستج غصب عنج بدة كلبي يلين علي وبدة يحبة من يصبح عليه ويكولي وردتي لو من يشوفني ضايجة يكلي كومي نطلع يعاملني كأنو بنتة حرفياً واني احتاج احس بهل شعور لان فاقدتة نصر حسيت ويا بالأمان الجنت فاقدتة ببيت جدي حسيت ويا بالحنان بالحب مرات اكول هاي لان بالبداية فيتنامي وياي هيج بعدين اكيد يتغير ماكو هيج رجال اصلاً بس بالبداية واحدهم يسوي روحة سوبر هيرو فجنت ع الرغم الحب الي بداخلي الة جنت ما ابين واتعامل وويا ببرود فضيع اذا حجة وياي لو ابقى ساكتة لو اجاوبة بكلمة او كلمتين

امي اشترت فون فتقريباً جنت احجي وياها يومية
رؤى تتواصل وية عباس بس تكول بعدها تحب وليد كتلها حياتج وانتِ ادرى
امتحانات الفاينل قربت بعد اسبوع فلتهيت ادرس بالنهار وبالليل اروح الكة نصر منتظرني وفاتحلي حضنة على الرغم بالبداية جنت ما اقبل بحضني بس هوة يبقى مصر الا يحضني واني تعودت على هذا الشي
بس هوة مخبوص بحيث الفون ميوكع من ايدة ابد وهذا الجهاز الأسود مدري شسمه 24 ساعة مشتغل ومن تسألة باجي يكللها شغل يمة
واني يصير عندي فضول اعرف شنو هذا الشغل الي يخلي مخصوص لهل درجة انتظرتة ينام وكمت اخذت فونة وجريت اصبعة على كيف وفتحت الفون ضليت ادور طلع صدك شغل ماكو شي واصلاًوما فهمت شي حجيهم بالتشفير

بدت عندي تصير دوخة مو طبيعية واوكع واكل ابد ما اتقبلة
باجي عبالها حامل ومكيفة واني اكللها مو حامل ومتصدك اجة نصر كلتلة يمة يمكن مرتك حامل عكد حواجبة

نصر : شنو حامل منين

نهلة:شنو منين غير منك

نصر:هااا دعاوي كومي بدلي هل ايام ما عاجبتني

كمت لبست ورحنة للمختبر نحلل هوة لازم ايدي ويكلي صحتج بالنازل ليش
اني ما اجاوبة لان ما ادري ليش
طلع التحليل فقر دم حاد ونقص فيتامين دي
كملنا التحليل وكلي كعدي هنا الصيدلية هوسة اجيب علاج واجي
اني كعدت هوا بغداد بالليل والجو بدة يكسر يصير صيف واتصفن تالي وين راح اروح شسوي

اجيت من الحلة علمود مستقبلي وهسة اني بنص مستقبلي بس ما مرتاحة
نصر لو شكول قليل بحقة ما غثني ولا اذاني بعد اخى عركة بشي ابد لو اكلة انطيني روحك ينطينياها بدون تردد
باجي وخالي معتبريني مثل بنتهم وأكثر وباجي تكلي حتى شغل لتشتغلين صعدي درسي وخالي دوم يشاقيني ويجيبلي هدايا من سفراتة بس اني رغم كل هذا الدلال احس نفسي مخنوكة احبهم بس ما مرتاحة نفسياً اريد نصر بس ما اتقبلة