أختطاف ولكـن / مكتملة

حلقة واحد وثلاثون

#أختطاف_ولكن
للكاتبة:العنـود

ثاني يوم داومت طبيعي من طلعت وكفت أجر تكسي طبكت كبالي سيارة نصر
تأففأفت نزل من السيارة واجة يمي
نصر:صعدي بالسيارة

دعاء:اهو عفية والله مالي خلك

نصر:صعدي دعاء

دعاء:ماصعد عوفني ياخي

نصر:ليش رافعة قضية طلاك

دعاء:شنو ليش رافعة من حقي اعتقد اعتقني لخاطر دين محمد

نصر:اصعدي اني اوصلج

دعاء:ماريد

مشيت عنة اجرت تكسي وصعدت وهوة يمشي وراي لحد مانزلت من التكسي هوة وراي
عرفتة يريد يندل مكاني
صعدت للشقة سويت روتيني المعتاد صليت ونمت

كعدت العصر سويتلي شي اكلة واتصلت على بابا بلغتة باللي سوا نصر اليوم
كالي معليج اني احاجي خالج يوكف ابنة عد حدة

سديت الاتصال من بابا اتصل نصر انطيتة رفض
وبقيت ادور بالفيس على مختبرات لان ذاك المختبر عفتة

شفت معرض مسوي عروض ع السيارات بقيت ادور واشوف الأسعار شفتهن يناسبني
كمت حسبت فلوسي يكفن وزايد صح السيارة مو ذيج الطاكة بس حلوة ع الاقل اخلص من سالفة التكاسي
واني سياقة علمني نصر وكذا مرة سقت سيارة شهد يعني اموري توب

سويتلي جاي وحليب وطلعت بالبلكونة الأفكار تاخذني وتجيبني منا سالفة نصر منا هذا المرض الي يوم عن يوم ديزيد
واني كاعدة انتبهت سيارة نصر كبال العمارة واكف ومنتجي ما منتبه اني بالبلكونة
اتصلت علي
دعاء:شعدك كبال العمارة

رفع راسة شافني نصر:يمج غير

دعاء:نصر ماريدك ارجوك افهمني

نصر:المهم اني اريدج

دعاء:اهوو ياخي هاهية خلاص الي بيننا انتهى افهم هل شي

نصر:مو بكيفج تقررين شوكت ننتهي

وسد الفون بقى واكف ويباوع عليه
اني دخلت جوة متنرفزة حيل من موقفة
شافتني وحدة من البنات

ريم:خير حبيبتي بيج شي

دعاء:لا قلبي

دخلت للغرفة والأفكار تاخذني وتجيبني احس مستحيل اخلص من نصر
تفاجأت برسالة من واحد متوضف جديد ويانة اسمة علي

علي:سلام عليكم

دعاء:وعليكم السلام

علي:شلونج

دعاء:تمام

علي:دومج يارب حبيت اسأل عليج

دعاء:تسأل عليك العافية

علي:شكراً مع السلامة

دعاء:الله وياك

بداخلي كلت هذا شكد بطران
هوة اني زين مني اسأل على روحي
مادري منين جايب رقمي