أختطاف ولكـن / مكتملة

الحلقة السابعة والثلاثون

#اختطاف_ولكن
#للكاتبة : العنـود

=======================
خلصنا الاسبوع نفتر وتونسنة حيل بعيد عن مشاكل الاهل وتقربنا من بعض اكثثر
حاولنا نتفاهم اكثر

رجعنا لبغداد للشقة سويت تحليل الحمدالله طبت مابية شي

الحكم على ذولة الجلاب طلع
خنجر اعدام ووليد 40 سنة ووائل 25 سنة

ارتاحيت الحمدالله من اخذو عقابهم
وربي اخذ حقي منهم

صبا يومية جايبة رقم جديد ودك بي على نصر
ما خلت احد ما دزتة حتى يحاجي يرجعها وهوة يرفض

رحنا اني ونصر نسوي تحليل
سويت تحليل شامل حتى اشوف اذا تعافيت او لا
وانتظرت النتائج يومين وتطلع

دعاء:عازمتك اليوم

نصر:الله صايرة خواردة

دعاء:مدري اشتغل بداخلي حاتم الطائي

نصر:انعمالله عمي وين عازمتني على عشا لو غدة

دعاء:لا شدعوة عازمتك على عصير

نصر:ههههههههه شكد جلفة

دعاء:اههوو اني مو جلفة بس شكو اذب هلكد فلوس علمود عزيمة خو انتَ اعزمني

:هاهية يابة خلي عزيمتج الج وعصيرج الج واني عازمج

:خوش حجي هذا

:ايي اهم شي ما تصرفين

:زوجي العزيز يصرف عليه

:يروحللج فدوة

رحنا تغدينا بمطعم وراها رجعنا للشقة
العصر حضرتلة جنطتة لان عندة خفارة

أثناء ما احضر الجنطة اتصلت علية شهد ف فتحت سبيكر حتى احجي وياها وارتب الجنطة

شهد:اريد اكلج شي بس ما متأكدة منو

:كولي شنو

:رؤى وصبا يمكن يردن يسون سحر لعباس ونصر

عكدت حواجبي مستغربة :سحريش يمعودة

:والله شبيج البارحة رؤى واكفة بالحديقة المغرب وحدها وتحجي وية صبا تكلها
روحي بس لا تخلين امي ونذير يحسون بشي وعباس هم كشفيلي عنة

وما سمعت شي بعد

:بربج

:وداعت ابني

رفعت راسي اريد اجيب العطر لكيت نصر واكف وسمع كل الحجي
:باي شهد بعدين احاجيج

:شبيج دعاء ولج والله هسة يخبلنج ويسولج سحر

سديتة منها
نصر:شهل حجي السمعتة

:مثل ما سمعت

نصر: لمي ملابسج ع السريع

:نصر واللعبة لعبت نفسي يومية مهجولني بمكان

:انجبي وفضيني