أختطاف ولكـن / مكتملة

الحلقة الواحدة والعشرون

#اختطاف_ولـكن
للكاتبة: الـعنود

رجعت للصالون واني مغيرة كصة شعري بقيتة على طولة بس سويتة مدرج وسرحتة خلتلي ميكاب خفيف

بالطريق شهد شغلت اغنية عايشة سني وبغني وبحب الحياة وتغني وياها ومندمجة واني لا ارادياً اندمجت وياها وكمنة نغني سوة

"عايزة افرح وارقص واضحك ياناس قلبي عايش سنينو وحياتو بهواه بعمل الي بحبو وبحسو اكيد ثانية ثانية يا دنيا هعيشك انا "

طلعت الطاقة السلبية الي بية وغيرت مودي سلمت على شهد ونزلت لكيت نصر يرش بالباب سلمت علي شهد وهوة رد السلام وراحت

دعاء:هلو حبيبي

نصر:هلا يا كلبي

دعاء:شعجب دترش هيج وقت

نصر:خلصت شغلي واهلي نامو ومليت كليت ارشرش تعاي فوتي يلا

دعاء:شعجب نامو بعدهة الساعة بـ 9

نصر:ما ادري والله نعسو ونامو

فتت جوة لكيتهم صدك نايمين

نصر: متعشية؟

دعاء:لا والله حبيبي بطني خاوية من الجوع

نصر:تمام لعد هسة اروح اجيب عشة واجي

صعدت فوك ذبيت حجابي اخذت شور خفيف وغطيت شعري حتى ليلوحة مي ويخرب نشفت جسمي زين وخليت مرطب لكل جسمي صار يلمع وخليت مورد مال جسم لبست ثوب النوم الابيض ولبست فوكاه الروب الابيض الي اشترتة الي باجي خليت ايلاينر وحمرة لون ترابي ومسكارا
رشيت على شعري سبلاش صارت ريحتة تموت خليت عطر احسني هسة صرت لوز ولو اني من زمان لوز بس هسة تلوزت أكثر 😂

بقت بس الخوفة الي بكلبي ما ادري شسوي اريد اخطي هل خطوة بس خايفة على اخر شي واعيط ياربي سهللها عليه وهونها وكفت كبال المراية واحجي وية نفسي

"دعاء كافي انسي الي صار الي صار مو بيدج ما الج ذنب بي صار غصب عنج لهنا وبس وانتهى حدها حاولي تتعايشين وية الوضع وتتقبلي لان ما بيدج حل غير انو تتقبلي نصر هواي تأذة من هل سالفة بس باقي وياج ومسايرج لان ميريد يضوجج تتعودين بمرور الوقت على هل شي الزمن كفيل انو ينسيج خلاص انهي الموضوع متريدين طفل من نصر متكيفين يملي حياتكم بيبي صغير ويعوضكم عن كل الي صار اكيد تكيفين يلا لعد سايري نفسج انتِ كدها والله كدها "

رحت فتحت فوني اخذت كم سلفي لبين ما يجي نصر انفتحت الباب دخل نصر وبيدة الصينة فات بقة يباوع عليه وعيونة تتفحص كل شي بية يحاول يفهم هل شي صدك لو لا

خلة الصينية ع الميز واجة وكف كبالي واني كاعدة ع الجرباية

نصر: دعاء تحبيني ؟

رفعت راسي وباوعتلة :اي احبك واحس كلمة احبك ما توفي كمية الحب الي بقلبي الك احس اريد اكلك اكثر من هيج بس ما اعرعف شنو