أختطاف ولكـن / مكتملة

حلقة الثامنة والعشرون

#أختطاف_ولكن
للكاتبة:العنود

دخلتني شهد لغرفة ونمت بعد ما حسيت بشي
فتحت عيوني الدينا ضلمة ومشغلة التدفئة كمت اطرافي ترجف
لفيت نفسي بجاكيت ونزلت لكيت امي وابوية واحمد وشهد كاعدين بالحولي يتعشون

ماما اجتي عليه حضنتي
نادية:والله لالعب بي لعب هوة واهلة والله المايستحي لا خلة اعتبار لصغير ولا لجبير

سامي:تعاي بوية اكلي لكمة

دعاء:ماشتهي

واني فعلاً شهيتي انسدت رحت للبراد اشرب كلاص مي
شهد:دعاء حبيبي مشتهية شي اطبخلج شي

دعاء:لا ماريد شي شبعانة

كعدت ع القنفة اجتي ماما بصفي
نادية:انتِ ماحاجيتي ما كتيلة ليش
والله الي يشوفة يكول هاي ساحرتة بكد ما يحبها

سامي:ماكو رجال يتحمل يبقى بلا أطفال لو شكد ما يحبها

احمد:يابه والله لوما فكونا الجيران ألا اكطعة انعل خير هل زواجة الكشرة

انفتح الباب ودخل ابو شهد لبست حجاب اني وماما ودخل الرجال سلم
شهد كامت لحضن ابوها حضنتة وتبوس بي

سامي:أعذرني ابو شهد راح نثكل عليك هل كم يوم

ابو شهد:لا ابد ابو احمد البيت بيتكم صبيلي عشا باباتي

راحت شهد تحمي الاكل وكعد ابوية يسولف لابو شهد الي صار بقت متعجب

ابو شهد:والله حقيقة انتَ فاجأتني لان اني نصر مربي واعتبرة مثل ابني واعرفة شنو
فمن جان يسولفلي يعني تحس مستحيل واحد يحب هيج والبنية شنو قرارها

ابو سامي:ما مقررة واني وياها باي شي تقررة

ابو شهد:شنو رأيج عمو

بقيت اباوعلة ماعرف شجاوب دعاء ببرود:مادري

جابت شهد العشة وكعد ياكل
شهد:البنية مصدومة مو مال تقرر

نادية:جا شلون خالة غير نعرف شتكول حتى نعرف ناخذها ويانة لو تبقى ويا

احمد:شتبقى وياا بعد كل الي صار

دك فون ماما كامت ترد تشوف منو شالتة المتصل ام نصر
نادية:هاي نهلة تخابر

سامي:ردي وكليلها مالكم مرة يمنة

ابو شهد:على كيفك ابو احمد مو هيج تنحل الأمور جاوبي خيتي شوفي شتكول

ردت ماما وفتحت سبيكر
نهلة:هلا ام احمد شلونج عيني

نادية:بعد الي سوا ابنج وين يبقى هلا

نهلة:حقج خية والله بس اني هم حقي اريد ابني يصير عندة ضنة

نادية:بس بنتي مابيها شي سوت كل العمليات الي تحتاجها وكل الدكاترة كلولها مابيج شي
والحمل بيد الله بقى مو بيدها