أختطاف ولكـن / مكتملة

حلقة السادسة والعشرون

#اختطاف_ولكن
للكاتبة:العنـود

خابرت عمتي وبلغتها انو راح يجي ابوية وانطتني عنوانها بالتفصيل
ثاني يوم اخذت اجازة من الدوام ورجعت للبيت لكيت ابوية واحمد واصلين سلمت عليهم
بابا ما قبل يتريك

سامي:تريكنة بالطريق ما يحتاج بابا بس امشونة نروح

اول مرة اشوف ابوية متلهف لشي وكلاممة بي رجفة
سامي:انتِ شفتيها مو

دعاء:اي شفتها

ابتسم سامي:نسخة منج مو

دعاء:ايي

طلعنا اني ونصر بسيارة واحمد وابوية بسيارتهم
وصفت المكان لنصر ووصلنا

دعاء:هية كلتلي شقة بالطابق الثاني

نزلنا من السيارة وصعدنا خابرتها تطلعلنا لان اكو شقتين
انفتح باب من بيبان الشقة وطلعت اول مرة اشوف ابوية هيج منهار دموعة نزلت وعمتي اجت علي حضنته وتبجي
سامي:ليش هيج سويتي ليش والله لو منتظرة اني ازفج بيدي الة والله خليتي اليسوة والما يسوة يجيب طارينة

سندس:حبيتة سامي حبيتة وجنت طفلة ما افتهم والله

بهل أثناء احنا واكفين بالباب صعد ولد معضل بكد احمد تقريباً استغرب شاف ابوية حاضن عمتي
اجة دفع ابوية من عمتي
:بعد يدك عنها ولااا

سندس:اهدة عبدالله حبيبي اهدة هذا خالك وهذا زوج لبنت خالك وهاي بنت خالك وهذا مين

دعاء:هذا احمد

راحت حضنتة وباستة
سندس:يعمري

احمد خجل بعد عنها :الله يحفظج عمة

سندس: تعالو تفضلوا ليش تبقون بالباب

دخلنا جوة كعدنا
سندس:تعاي إيليانا سلمي على خوالج

اجتي ايلينا جانت ضعيفة حيل وجوة عيونها اسود سلمت على بابا وراحت على احمد تريد تبوسة
بس احمد خلا ايدة على صدرة وبعد نفسة بمعنى وصل سلامج ونصر كذلك

عبدالله:خالي انا وامي واختي عايشين هون بهادي البناية ومرتاحين ولله الحمد ما بدنا مشاكل
الماضي راح وطوينا وانا وعيلتي نتمنى تكون الئلوب صافية ومابينا مشاكل

سامي:يا مشاكل بعد خالك احنا ماصدكنا نلكة امك جدك وبيبتك يردون يشوفوها قبل لا الله ياخذ امانتهم عمرهم طويل ان شاء الله

اجتي عمتي شايلة عصير بايدها
سامي:بس يا اختي ليش هيج ما لابسة حجاب شعرج مو مال عمرج

سندس:أووفف سامي سالفة طويلة هاي

سامي:سولفي بعد اخوج شلون عشتي شصار بيج هناك

سندس:ورة ما شردت وية عيسى رحنا لبنان هناك جانت اموري ويا تمام رتب وضعنا واشترى شقة
اقاربة اكثريتهم بلبنان ف بسهولة لكة وظيفة اول عشر سنوات جان زين وياية وحباب
بس اني ابجي عليكم يعني ميمر يوم اذا ما اكلة اريد اهلي اخر شي طكت روحة رجعنا لبغداد ب 2003
رحنا لبيتنة مالكيناكم هوة ضل يسأل ما لكالكم أثر عاد رجعنا للبنان ومن ذاك اليوم خوية
وهوة لا محترمني لا مقدرني لا مخليلي مكان