أختطاف ولكـن / مكتملة

حلقة عشرون

#أختطاف_ولكن
للكاتبة: الـعنود

ثاني يوم الصبح فتحت عيوني نصر مو يمي عرفتة طلع لدوامة كمت شغلت السبلت وفتحت الشبابيك والبردات ونزلت جوة لكيت خالو موجود ما رايح لدوامة

دعاء: صباح الخير

مقداد: صباح النور بوية شلونج اليوم ان شاء الله أحسن

دعاء:اي خالو الحمدالله تمام لعد باجي وين

مقداد:راحت للسوك تسوك

دعاء:متريك خالو؟

مقداد:اي خالي تريكنة وية نصر الصبح

دعاء:الف عافية

رحت سويتلي كوب چاي وحليب وراسلت نصر
دعاء:صباح الخير حبيبي
شفتهة صارت صح واحد يعني ماعندة نت شلت الكانولا من ايدي
ورحت نزلت البردات خليتهن بالغسالة وفتحت بيبان البيت حتى يطب هوا نضيف ويتجدد وشغلت قرأن بصوت عبد الرحمن مسعد

وطلعت مواعين والگدورة حتى أرتبهن عدل لان الكاونتر صاير هوسة لحد ما صار يلمع ورجعت رتبتهن عدل
طلعت كيك من الثلاجة وصبيت عصير ووديتة لخالو

أتصل فوني رحت أركض وكلبي يدك كأنما أول مرة أحجي وية نصر
نصر:يا هلاا ومية هلا صباح النور يبعد حيلي

دعاء:شلونگ يقلبـي

نصر:من سمعت صوتج صرت بخير انتِ شلونچ عمري؟ أحسن من البارحة؟

دعاء:اي كلبي الحمدالله

نصر:يييمماايييي ولج انتِ الي كـلبي والله

دعاء:أحبك نصر والله انتَ الشي الحلو الي طلعت منة بهل دنيا

نصر: انتِ روحي دعاء هذا النفس الي يصعد وينزل عندي أحسج صاعدة براسي مو شلون ما جان

دعاء:عمري انتَ

نصر:دعائي شرايج نروح سفرة

دعاء:وين نسافر

نصر:بكيفج الي يعجبج

دعاء:ما عندي جواز

نصر:نطلعلج جواز

دعاء:ودوامك شلون

نصر:بين ما اطلعلج جواز أدبرلي أجازة

دعاء:دوامي بعد اسبوعين

نصر:ياللييل كولي ما ا ريد اسافر

دعاء:ههههههههه مودي مو مال سفرة قلبـي

نصر:يتدلل مودچ يابه شوكت متردين تسافرين أمري وتدللي

دعاء:ما تدلل عليك صاكة غيري

نصر:راح أعوف الدوام واجييج والله

دعاء:لاا عفية ملتهية أشتغل لتجي هسة

نصر:يلا كلبـي اني حروح محتاجة شي

دعاء: اي جيب وياك گـلوب أحمر لان مال الغرفة انكسر