أختطاف ولكـن / مكتملة

الحلقة الثانية والعشرون

#اختطاف_ولكن
للكاتبة: العنـود

رجعت للبيت واني مخنوكة وهيج احس وكفت الدنيا بعيني
بدلت ملابسي ومددت ع الفراش ونمت محسيت بشي بعد نصر عفتة جوة

فزيت باوعت ع الساعة لكيتهة ب 8 حيل هاي شكد نمت من 12 لهسة وصلاة ما مصلية كمت غسلت وجهي وتوضيت وصليت
حمدت ربي وشكرتة على كلشي لا اعتراض على إمرة وحكمة ضليت استغفر ع الكلام الي كلتة قريت كم صفحة من القرءان كملت لميت سجادتي ونزلت اشوف نصر وين مالكيتة بالمطبخ ولا بالصالة طلعت للحديقة هم ماكو

رحت دورت على فوني مادري وين شمرتة دكيت علي ميجاوب لكيت شهد مراسلتني بقيت ادردش وياها صعدنة اتصال
حجيتلها الي كالتة الدكتورة بقت مصدومة
شهد:صار بيج هذا المرض بسببهم مو

هزيت راسي وما حجي
شهد:اووف ياربي اوووف تردين اجيج هسة حبيبي

دعاء:لا يكلبي ميحتاج

شهد:ان شاء الله بالعلاج تصيرين زينة وماكو شي

دعاء:ان شاء الله شخبارج وية احمد

شهد:كال هل ايام راح يحجي وية خالة

دعاء:اييي خل تصير عدنة مناسبة

شهد:تصير ان شاء الله

دعاء:شهد تحبين احمد

شهد:الصراحة ايي

دعاء:شحبيتي بي وانتِ تدرين بافكارة شنو واهلي شلونهم

شهد:دعاء احب العائلة اني هنا ببيتنا عايشة وحدي بابا مو دوم متفرغلي احب عائلتج احب حنية امج احب الهوسة الي اسمعها ببيتكم من اتصل باحمد هاي الأجواء كلها اني فاقدتها والأكثر احب احمد احب شخصيتة رزانتة اسلوبة خوفة عليه الغيرة مالتة كلشي بي حلو

دعاء:ههههههه اني الشي الوحيد الي احبة بأهلي ماما وريام والباقي الي كلتي كلة مايوكل خبز عندي

شهد:ههههههه ليش ولج واحمد متحبي

دعاء:احبة شلون ما احبة بالنهاية غير اخوية بس تبقى انو ما وكف وياي ضد عمي وابوية غصة بكلبي بس هوة حرفياً احسن واحد باخواني بهواي شغلات

شهد:ماكو شخص كامل كل واحد وبي عيوب

دعاء:اي صح اكول من تزوجين تطلعين ببيت وحدج لو وية اهلي

شهد:اكيد وية اهلج توني اكلج مفتقدة حس العائلة

دعاء:بكرة هتندم ياجميل

شهد:هههههههههههه

سمعت صوت سيارة عرفت اجة نصر سديتة منها وكمت فتحت باب المطبخ اباوعلة ضايج وحواجبة مطبوكة من شافني ابتسم

دعاء:وين جنت حبيبي غير تكلي من تطلع ضل بالي يمك

نصر:رحت اجيب عشة يكلبي