#unicode
Roseanne's POV
ကျွန်မ အဆင်ပြေပါတယ် ကျွန်မ အသက်ရှင်မှာပါ
Lisaကလည်း ကျွန်မကို အကောင်းဆုံးဖြစ်အောင် ကုသပေးမှာ မဟုတ်လား
အမေ့ဆီ ကျွန်မ ဖုန်းခေါ်ဖို့ လုပ်ပေမယ့် ချက်ချင်းဘဲ ခေါ်နေရာက ပြန်ချလိုက်တယ်
အမေက ကျွန်မရဲ့ brain tumor အကြောင်း မသိသေးဘူးလေ ကျွန်မလည်း သူစိတ်ပူမှာဆိုးလို့ မပြောဘဲ နေနေတာ
ပြီးတော့ ဘာကြောင့် အခုလိုဖြစ်ရတယ်ဆိုတဲ့ သူ့ရဲ့ theory တွေကိုလည်း ကျွန်မ နားမထောင်ချင်ဘူးလေ သိတယ်မလား ဖြစ်မှာပေါ့ အလုပ်ဘဲ နင်းကန်လုပ်နေတာကိုးဆိုပြီး သေချာပေါက်အဆူခံရမှာလေ
ကျွန်မ အိမ်ကိုပြန်ရောက်လာတော့ Jackက ရပ်ကွက်ထဲက ကလေးတွေနဲ့ ဘောလုံးကစားနေတယ်
ကျွန်မကို မြင်တော့ Jackက ပြုံးပြပြီး ဘောလုံးကို Erenဆီ ကန်ပေးလိုက်သည်
ပြီးနောက် ကျွန်မရဲ့နောက်ကို လိုက်လာတယ်
"Erenက တကယ်တော်တဲ့ ကလေးဗျာ့ ဘောလုံးယူဆော့တာများ သွက်လက်လျှင်မြန်လို့ "
ကျွန်မတို့ ညစာချက်နေတဲ့တစ်ချိန်လုံး Jackက Erenဆိုတဲ့ ကလေး ဘောလုံးကစားတာ တော်ကြောင်း ပြောနေသည်
ကျွန်မကတော့ Brain tumorက ကျွန်မတို့ရဲ့
ညနေခင်းလေးကို ဖျက်စီးသွားမလား စိတ်ပူနေပေမယ့် Jackကတော့ ဆေးရုံအကြောင်း လုံးဝစကားမဟပေ
"Roseanne ကိုယ်တို့ Manassasဘက်ကို ပြောင်းရအောင်... ကိုယ့် အလုပ်က အဲ့မှာတဲ့ "
"Manassasမှာ မနေချင်ဘူးလို့ ကျွန်မ ပြောဖူးတယ်လေ ပြီးတော့ အဲ့ဒီကနေ အလုပ်ကို သွားရင် နှစ်နာရီတောင်ကြာတယ်..."
"အဲ့မှာလည်း အလုပ်တွေပေါနေတာကို "
မဟုတ်သေးပါဘူး သူ့အလုပ်အတွက်ကြောင့် ကျွန်မကလည်း လက်ရှိအလုပ်ကနေ ထွက်ပြီး သူ့နောက်လိုက်စရာမှမလိုတာ
"ဒီအလုပ်က ကျွန်မကို နှစ်ဆပိုပေးတယ်လေ Jack "
"ဒါပေမယ့် "
"ကျွန်မ ဒီကနေ မပြောင်းနိုင်ဘူး "
jackနဲ့ဆက်မငြင်းချင်တော့လို့ ကျွန်မ အခန်းထဲဝင်လာလိုက်တယ်
