#unicode
Lisa's Pov
Charles de Gaulleကို ပင်ပန်းခြင်းများစွာနဲ့အတူ ငါရောက်လာခဲ့ပြီ....
လမ်းမပေါ်က ဖြတ်သွားဖြတ်လာတွေကို ကြည့်ရင်း ယခုအချိန် Roseanneကို ငါဖက်အိပ်နေရမယ့်အချိန်ဘဲလို့ တွေးနေမိသည်
မျက်လုံးလေး ခဏမှိတ်ထားရုံနဲ့ Roseanneရဲ့ နူးညံ့တဲ့ အသားအရေအထိအတွေ့ကို ခံစားနေရသည်
သူမနဲ့ ခွဲရတာ တစ်ရက်တောင် မပြည့်သေး လွမ်းနေမိပြန်ပြီ
ပဲရစ်မှာ ကားငှားပြီး ရုံးခန်းထဲက ငါကူးယူထားတဲ့ လိပ်စာကို မောင်းပို့ဖို့ ကားဆရာကို ပြောလိုက်တယ်
ပဲရစ်မှာ အလည်အပတ်သွားသူတွေနဲ့ ပြည့်နှက်နေပေမယ့် ငါကတော့ သောက်ကျိုးနည်း အချိန်ခရီးသွားကို လိုက်ရှာနေရတယ်
လူတိုင်း လူတိုင်းက လိုချင်တဲ့အရာတွေ အများကြီးရှိတယ်မလား အချိန်ခရီးသွားနိုင်တဲ့သူလည်း တစ်ခုခုလိုချင်တာရှိမှာပါ ဘာလည်းဆိုတာ ငါဖော်ထုတ်ပြီး Roseanneကလွဲရင် ငါ့မှာ ပိုင်ဆိုင်သမျှ အားလုံး သူ့ကိုပေးပစ်လိုက်မယ်
ကားဆရာလည်း ငါပြောထားတဲ့နေရာကို ရောက်တော့ ရပ်ပေးခဲ့တယ်
ကားပေါ်ကဆင်းပြီး ထိုအဆောက်အဦးတံခါးကို ငါသွားခေါက်လိုက်သည်
ခဏကြာတော့ အသက်ကြီးကြီးမိန်းမတစ်ယောက်က ငါ့ကို တံခါးလာဖွင့်ပေးတယ်
သူက Eleanor Parkတော့ မဟုတ်ဘူး
"Bonjour..."
"Bonjour..."
ငါလည်း ပြန်နှုတ်ဆက်ပြီး ထိုအမျိုးသမီးနောက်ကို လိုက်သွားတယ်
"Je suis désolé , je suis ici parce que"
အချိန်ခရီးသွားကိုရှာနေကြောင်း ဘယ်လိုပြောရမှန်းမသိလို့ ဖုန်းထဲက google translate ကိုရှာပြီး ပြင်သစ်လို ပြောလိုက်သည်
"Hey ဘာလို့ ငါတို့ Englishလို မပြောကြတာလည်း နင့်ရဲ့ ပြင်သစ်အသံထွက်က တော်တော်ဆိုးရွားတာဘဲ "
အမျိုးသမီး စကားကြောင့် ငါရယ်လိုက်ပြီး တစ်ပြိုင်ထဲမှာ ထိုအမျိုးသမီးက English လိုပြောတတ်လို့ ငါစိတ်သက်သာရာရသွားတယ်
