#unicode
Lisa's POV
Roseanneရဲ့ စာကို မြင်တော့ ငါ ချက်ချင်းဘဲ Roseanneဆီကို ဖုန်းဆက်လိုက်တယ်
"တစ်ခုခုဖြစ်နေတာလား ဘာဖြစ်နေတာလည်း "
"ငါ....Jack မရှိတော့ဘူးထင်လို့ ဟို အိမ်ကို ပစ္စည်းတွေ သွားယူတာ သူရောက်လာတယ် ...."
တောက် အဲ့ကောင်ရဲ့ ခန္ဓာကိုယ်က အရိုးအားလုံးကို ရိုက်ချိုးပစ်ချင်လိုက်တာ
"သူမရှိတော့ဘူးထင်နေတာ "
"ဟုတ်တယ် ငါရောဘဲ... သူ့ကို လမ်းခွဲခဲ့တာ နင့်ကြောင့်ဆိုပြီး သူက ပြောနေတာ ....နင်က ငါ့ကို သိမ်းသွင်းခဲ့တာ လက်ဆုပ်လက်ကိုင် ပြစရာသိပ်မရှိပေမယ့် နင့်ဘဝကို ဖျက်စီးပြမယ်လို့ သူကြိမ်းသွားတယ် "
"ကိုယ်သိတယ်လေ မင်းနဲ့စတွဲကတည်းက ကိုယ်ဒါမျိုးဖြစ်မယ်ဆိုတာ သိပြီးသား "
"Lisa...နင့်အလုပ်ကို ငါ့ကြောင့် မဆုံးရှုံးစေချင်ဘူး "
"Rosie "
"Jackက သက်သေရှာတွေ့ပြီဆို အကုန်လုပ်လိမ့်မယ် နင့်အတွက် ကောင်းတာ တစ်ခုမှမရှိဘူး Lisa ...တကယ်တော့ နင်က ငါ့ထက်ကောင်းတဲ့ မိန်းကလေးနဲ့တွေ့နေရမယ့်အချိန်ကို မကြာခင်သေတော့မယ့် ငါ့ကို အချိန်ပေးနေရတယ် တစ်ကိုယ်ကောင်းဆန်တဲ့ ငါ့အတွက် နင့်အလုပ်ကို မဆုံးရှုံးစေချင်ဘူး "
"Rosie....ကိုယ်ပြောပြမယ်.."
"ငါ့ကို မဖြောင်းဖျပါနဲ့ Lisa....နင် လူတစ်ယောက်ကို ဂရုစိုက်တယ်ဆိုရင် သူ့အတွက် အကောင်းဆုံးဖြစ်စေချင်တာဘဲ မဟုတ်လား....ငါက နင့်အတွက် အကောင်းဆုံးလူ တစ်ယောက် မဟုတ်လို့ ငါ့ကို လက်လွှတ်ပေးပါ Lisa "
"Rosie...."
ငါ ဆက်မပြောခင် Roseanneက ဖုန်းချသွားတယ်
ဒါကြောင့်မို့လို့ အလုပ်ကိစ္စပေါ်လာတယ်လို့ အဘိုးတို့ကို လိမ်ပြောပြီး ငါ အိမ်ထဲကထွက်လာတယ်
"Lisa နေအုံး "
အဘိုးကလည်း ငါ့နောက်ကိုလိုက်လာပြီး ငါ့ပခုံးကို လှမ်းကိုင်တယ်
"သမီး ဒီမိန်းကလေးရဲ့ ကိစ္စတွေထဲ ဆက်ပြီး ပါဝင်နေမှာ သေချာလား....သမီး သူ့ကိုကယ်နိုင်ရင်တောင် ဇာတ်သိမ်းတော့လှမှာ မဟုတ်ဘူးနော် "
