#Unicode
Roseanne's Pov
"တစ်ခါတစ်လေ Roseanne Parkက ထူးဆန်းတာတွေလည်း တွေးတတ်တာဘဲ "
ကျွန်မရဲ့ စကားတစ်ချို့ကြောင့် Jackက သဘောကျပြီး ရယ်နေသည်
"အမေတို့လည်း ရောက်လာပြီဆိုတော့ ကိုယ်တို့ လျှောက်ပတ်ကြည့်ရအောင် "
Jackက ထရပ်ပြီး လက်ကမ်းလိုက်တော့ ကျွန်မလည်း Jackရဲ့ လက်ကို တွဲလိုက်တယ်
ကျွန်မရဲ့ အနာဂတ်ယောက္ခမ Jackရဲ့ အမေနဲ့ ကျွန်မရဲ့အမေက ကျွန်မတို့ နောက်တစ်လကျရင် လက်ထပ်ဖို့အတွက် လက်ထပ်ရမယ့် အင်း ထဲကို ဝင်လာကြတယ်
ဟုတ်တယ် ကျွန်မတို့ လက်ထပ်ပွဲကို ရေတွေပေါ်မှာ ဆောက်ထားတဲ့ အင်းမှာ ကျင်းပကြမှာလေ
ကျွန်မနဲ့ Jackက အစောရောက်နှင့်ပြီး အမေတို့ကိုစောင့်နေခဲ့ကြတာ
ရုတ်တရက် ထရပ်လိုက်လို့လားမသိ ကျွန်မ ခေါင်းထဲ မိုက်ခနဲ မူးဝေသွားသလို ဖြစ်လာတယ်
"Roseanne အဆင်ပြေရဲ့လား "
ကျွန်မ ရုတ်တရက် ယိုင်သွားတာကို Jackက သတိထားမိပုံပေါ်သည် အဆင်ပြေလားလို့ မေးရှာသည်
"ပြေပါတယ် ရုတ်တရက် ခေါင်းမူးသွားလို့ "
Jackကို အဆင်ပြေတယ်လို့ ပြောလိုက်ပေမယ့် ကျွန်မ အဆင်မပြေပါဘူး ကျွန်မ ကိုယ်တစ်ခြမ်းဘဲ ရှိနေသလို ခံစားနေရတယ်
"အမေတို့နေရာကနေ ဒီကို လာရတာ နည်းနည်းကြာပေမယ့် ဒီနေရာက တော်တော်လှတယ် "
ကျွန်မရဲ့ အမေကတော့ ခန်းမကို ကြည့်ပြီး စိတ်တိုင်းကျနေတယ်
"သမီးလေးက တစ်ခြားသတို့သမီးတွေလို ပြာယာခတ်မနေဘဲ တည်ငြိမ်နေသားဘဲ "
Jackရဲ့အမေ Joeyက ကျွန်မရဲ့ လက်မောင်းကို လာတွဲရင်း ချီးကျူးစကားပြောနေပုံပါဘဲလေ
"ကဲ အင်း မန်နေဂျာနဲ့ ချိန်းထားတဲ့အချိန်မရောက်သေးတော့ တို့တွေ နေ့လည်စာသွားစားကြမလား "
"ဒီအနားတစ်ဝိုက်ဘဲ လိုက်ပြလိုက်ပါ အမေ "
အစာစားချင်စိတ်မရှိလို့ ကျွန်မ အင်းတစ်ဝိုက်ကိုဘဲ လိုက်ပြဖို့ အမေ့ကို ပြောလိုက်တယ်
