#unicode
Lisa's Pov
လုံခြုံရေးကနေ တစ်ဆင့် ငါ Roseanneရဲ့ အဒေါ် နေတဲ့နေရာကို သိလာတယ် Eleanor Parkက သူမအိမ်ကို မုန့်မှာစားခဲ့တဲ့ ဘောက်ချာက ဆေးရုံကော်ရစ်တာမှာ ကျကျန်ခဲ့တာကို ငါ့ဘော်ဒါက ရှာတွေ့ခဲ့တယ်လေ
အခုတော့ Roseanneကို ငါအိမ်ပြန်ပို့ပေးပြီး Eleanor နေတဲ့ အိမ်ကို စုံစမ်းဖို့ ထွက်လာခဲ့တယ်
Eleanor ရဲ့ အိမ်ကိုရောက်တော့ အရာအားလုံးက တိတ်ဆိတ်ပြီး ခြောက်ကပ်နေတယ် တံခါးဖွင့်ကြည့်ပေမယ့် သော့ခတ်ထားတာကို တွေ့လိုက်ရတယ်
ဒါကြောင့်မို့လို့ ငါလည်း မတွေဝေတော့ဘဲ ဝတ်ထားတဲ့ ဂျာကင်ကို ချွတ်ပြီး လက်ဖဝါးမှာ ပတ်လိုက်ပြီး တံခါးမှန်ကို ဆောင့်ထိုးလိုက်တယ်
ကွဲကျသွားတဲ့ မှန်ပေါက်ကနေတစ်ဆင့် ငါ တံခါးလက်ကိုင်ကို လှည့်ဖွင့်လိုက်သည်
ရဲတွေမလာခင် ငါအမြန်လှုပ်ရှားမှဖြစ်မယ် ဘေးအိမ်ကလူတွေက အိမ်ဖောက်ဝင်နေကြောင်း ဖုန်းဆက်တိုင်မတိုင် မသိနိုင်ဘူးလေ မဟုတ်လား
ဒါပေမယ့် ငါဘာကို ရှာဖွေရမှန်းမသိဘူး
Eleanor ကတော့ သပ်သပ်ရပ်ရပ်နေရှာသား အိမ်ထဲမှာ အမှိုက်ဘာညာရှုပ်နေတာတွေ မတွေ့ရဘူး
အင်း ဟုတ်ပါ့ ငါဘာတွေ လျှောက်တွေးမိနေပါလိမ့်
အချိန်ခရီးသွားတစ်ယောက်ရဲ့ အိမ်ဆိုတော့ အိပ်ဆေးတွေ စိတ်ကျန်းမာရေးအတွက်ဆေးတွေ ရူးကြောင်ကြောင် အရုပ်တွေ တွေ့ရမယ်လို့ ထင်နေခဲ့မိတာ
မီးဖိုခန်းထဲက ပန်းကန်တွေလည်း အတူတူဘဲ ဘာမှမသုံးထားသလိုဘဲ...Roseanneရဲ့ အဒေါ်က အသန့်ကြိုက်တဲ့သူဘဲ
မီးဖိုခန်းထဲက ထွက်လာပြီး မျက်နှာချင်းဆိုင်မှာ အခန်းသေးသေးလေးကို တွေ့လို့ ငါလည်း မတွေဝေဘဲ ဝင်ကြည့်လိုက်တယ်
ကြည့်ရတာ Eleanorရဲ့ ရုံးခန်းနဲ့တူသည် စာအုပ်တွေ ဖိုင်တွဲတွေမှာ အစီအရီနေရာချထားသည်
စားပွဲခုံပေါ်က ကလင်ဒါကို ငါယူကြည့်လိုက်တော့ ဘုရားရေ သူက အခုပဲရစ်ကို ရောက်နေတာပါလား
