Unicode
Roseanne's Pov
Lisaက ကျွန်မဆီကို နေ့ခင်းလောက်မှာ ဖုန်းဆက်လာတယ်
Lisa ရဲ့ အသံကို ကြည့်ရတာ ဒီမှာရှိနေချိန်ထက် ပိုပြီး အားနည်းနေတဲ့ပုံစံရှိသည်
ပြီးတော့ လူသတ်သမားလား ဘာလားမသိတဲ့ သူရှိနေတဲ့ နိုင်ငံမှာ ရောက်နေတဲ့ သူက ကျွန်မကို စိုးရိမ်နေသေးတယ်
"အဆင်ပြေရဲ့လား Jennieက မင်းရဲ့အမေအိမ်ကို သေချာလိုက်ပို့ပေးရဲ့လား "
"လိုက်ပို့ပေးတယ်ဆိုပါတော့ "
"Roseanne! "
"Hey.. အဆင်ပြေပါတယ် ငါဘာမှမဖြစ်ဘူး ဒီမှာလုံခြုံပြီး အဆင်ပြေနေတယ် ဟုတ်ပြီလား အပြစ်ပေးချင်တယ်ဆိုရင်လည်း အိမ်ပြန်ရောက်မှပေး "
ကျွန်မရဲ့ စကားကြောင့် Lisaက တစ်ဖက်ကနေရယ်လိုက်သည်
"ကိုယ်အပြစ်ပေးတာကို မင်းက အရမ်းသဘောကျနေတယ်ပေါ့ "
Lisaရဲ့ အက်ရှရှနဲ့မေးတဲ့မေးခွန်းကြောင့် ကျွန်မရဲ့ ဝမ်းဗိုက်ထဲ လိပ်ပြာလေးတွေ ပျံဝဲသွားသလို ခံစားရသည်
"ဒါဆိုလည်း အိမ်ပြန်ရောက်တဲ့အခါ အပြစ်ပေးခံရဖို့ သတိပေးပေါ့ ဒါနဲ့ ဒီနေ့ တစ်ခုခုများ ရှာတွေ့ခဲ့လား "
ကျွန်မရဲ့ မေးခွန်းကြောင့် Lisa သက်ပြင်းချလိုက်တယ်
"ဟူး ကိုယ် ရခဲ့တဲ့ လိပ်စာက ဟိုတယ်လည်း မဟုတ် သူ့အိမ်လည်း မဟုတ်ဘူး လက္ခဏာဟောပေးတဲ့ ဆရာမဖြစ်နေတယ် လမ်းကြုံတာနဲ့ သူဟောပေးတာ ဝင်နားထောင်တော့ တော်တော်များများမှန်နေတယ် "
"ဘာလည်း နှာခေါင်းနဲ့ အသက်ရှူပြီး ပါးစပ်နဲ့ ထမင်းစားတယ်လို့ ဟောတာလား "
ကျွန်မရဲ့ ဟာသကြောင့် Lisa ရယ်လိုက်သည်
"မဟုတ်ဘူး အချစ်ရဲ့ မင်း brain tumorဖြစ်နေတာ သူသိတယ် ပြီးတော့ ကိုယ့်နာမည်ကိုလည်း သိတယ် "
"Oh...Wow "
"အင်း ဟုတ်တယ် Cecelia လက္ခဏာဆရာမက မင်းမှာ ကိုယ်ဝန်ရှိနေကြောင်းလည်း ဟောလိုက်သေးတယ် "
Lisaရဲ့ စကားကြောင့် ကျွန်မ နှလုံးခုန်ရပ်သွားသလိုပင်
မဖြစ်နိုင်တာ ကျွန်မ ဆေးလည်းသောက်သလို လွန်ခဲ့တဲ့ ရက်ကမှ ရာသီလာပြီးတာလေ
