Evil or Innocent

Chapter 7

Napasinghot ako. Bakit sya ang sumasagot? Si Paulo yung nagbigay ng pagkain at tubig pero bakit boses nung Mr.Dejas ang narinig ko?

"Tama na yan Drey—" naputol ang sasabihin nito ng biglang sumingit si Drey.

"Sandali! Sandali! Anong titigil? Hindi pa ako tapos sa babaeng to!." Kasabay ng pag tulak nito sa noo ko.

"Gusto mo bang mapagalitan ka ulit ni Sir?" Sagot nung si Mr.Dejas.

"May gusto kaba jan sa babaeng yan?" Rinig kong singit ni blue hair. Boses niya yun.

Isang tsked lang ang narinig ko kasabay ng pagtanggal ng piring sa mata ko at pang-angal ng mga tao sa paligid ko.

"Anong ginagawa mo?!" Sigaw ni Drey.

"Tumahimik ka Drey, wag mo akong galitin." Madiing saad ni Mr.Dejas.

Pahirapan pa bago luminaw ang paningin ko. Agad akong tumayo pero inalalayan ako ng isang lalaki, hindi ko muna Ito nilingon at agad na iniikot ang paningin ko sa kanilang lahat. Lahat sila, nakatingin sakin, walang awa sa mga mata nila, merong walang ekspresyon samatalang si Thea naman ay nakataas ang kilay na nakatingin sakin.

"*Sob* ang s-sasama niyo!" Sigaw ko sa kanilang lahat.

"Let's go, I'll bring you to the clinic." Saad ng lalaking katabi ko ng lingunin ko Ito ay galit ko din siyang tiningnan.

"Bakit mo ako tinulungan?! Huh?" Galit kong sigaw sa kanya. Si Paulo ang tinawag ko at hindi siya. Pinunasan ko ang luha ko, nanginginig din ako dahil ramdam ko padin ang masaganang pagtulo ng dugo mula sa braso ko, ng tingnan ko Ito ay hindi nga ako nagkamali.

"Hindi naman ako ganun kasama, at baka ireport mo pa kami, we don't know you yet. And.....you f*cking called me and asked me to help yo—" hindi ko siya pinatapos at agad ko siyang itinulak.

Hindi sya si Paulo! Hindi sya yung hinihingian ko ng tulong masama din sya.

"Paulo *sob*" mahinang hikbi ko at iniikot ang paningin ko sa kanilang lahat ng makita ko ang hinahanap ay lumuluhang mabilis akong tumakbo dito. Agad ko siyang niyakap at umiyak sa dibdib niya, ni hindi ko man lang siya naramdamang magulat sa halip ay hinawakan ako nito sa bewang at parang inaasahan na na lalapit ako sa kanya.

Rinig ko ang pagsinghap ng iba at ramdam ko ang masasamang tingin nila sakin.

"Wtf is that Geo?!" Rinig kong sigaw ni Drey na bahagya kong ikinaigtad.

Sino si Geo?

Hindi ko man sila kilala sa pangalan lahat pero may katangian daw ako sabi ni Daddy na mabilis makakilala ng boses.

"Tol? Chixxx mo na Yan?" Si blue hair.

"Naakit ka din niyan? Mangkukulam ata, dalawa na nadali ah."

Nanatili akong nakayakap sa kanya, wala siyang kahit na anong ginawa at sinabi pero nakayakap pa din siya sakin, malakas ang tibok ng puso niya.

"Let's go, dadalhin Kita sa clinic, may dugo na yung damit ko, di mo pa nga nabayaran yung pagkaing bigay ko kanina."? Mahinang bulong nito sa taenga ko.

Mas napahikbi ako dahil sa sinabi niya. Sa kanilang lahat siya na yung mabait kahit tinulungan ako ni Mr.Dejas kanina para hindi na ako sugatan ni Drey.

"Nang gag*go kaba? Kanina si Paulo yung tinatawag mo tapos ngayon sa kanya ka lumalapit?!" Sigaw nung kung hindi ako nagkakamali ay yung may blonde hair.

Kumalas ako sa yakap ko sa kanya at mabilis ko siyang hinarap.

"Si Paulo naman talaga ang tinatawag ko eh," paos na saad ko. "Pero 'yang si Mr.Dejas yung lumapit sakin eh hindi naman siya si Paulo!" Malakas kong saad. Galit ako sa kanila.