IDELLIC TEAR | JIKOOK AU | ✔️

_Chapter 01_

Idellic Tear | JiKook [ A Fanfiction only ]
Chapter 01

___________ ♡ __________

තට්ටු ගණනක් උස මලානික ගොඩනැගිල්ල එළිය වෙලා තිබුනෙ සුදුපැහැති විදුළි බුබුළු වලින්. එහෙට මෙහෙට වේගෙන් දුවගෙන යන මිනිස්සු, සුදු ඇඳුමින් සැරසිලා හිටපු වෛද්‍යවරු, හෙදියන්, විලාප තියන රෝගීන්, හුස්ම ඉල්ලලා අඬන පණ ගැහෙන හදවත්..

මේ හැමදේම මේ සුදුමැලි තරුණ පිරිමි ළමයට එච්චරටම ලස්සන දර්'ශනයක් වුනේ නෑ.

ජී මින් පාක්..

එහෙ මෙහෙ ඇවිදින මිනිසුන්ගෙ දෙපා දිහා අරමුණක් නැතුව බලන් හිටියත් ඔහුගෙ ඇස් වලට වැඩියෙන් අහුවුනේ රෝද පුටු වල කැරකෙන රෝද සහ තල්ලු කරගෙන යන ඇඳවල් වල කුඩා රෝද විතරයි. ඒ කොහොම වුනත් ඔහුට කිසිම දෙයක් ගැන අරමුනක් තිබුනෙ නෑ.

" මේ ජිමින් පාක් මහත්මයා ද..?"

" ඔව් මේ මම.. කවුද කතා කරන්නෙ..?"

" මම බූසාන් මූලික රෝහලේ හදිසි අනතුරු අංශයෙන්. ඔයා වූබින් පාක් මහත්මයාගෙ කවුද කියන්න පුලුවන්ද..?"

" මන් එයාගෙ සහෝදරයා.."

" ස්තූතියි. ඉක්මනින් රෝහලට එන්න පුලුවන්ද..? හදිසි අනතුරක් වෙලා එයාව රෝහලට ඇතුළත් කළා.."

මොහොතකට කලින් වුන මේ දුරකථන සංවාදය නිසා තමන්ගෙ කකුල් වෙව්ලන්න පටන් ගත්තු එක තවමත් නතර වෙලා නැති එක ඔහුට ලොකු වදයක් වෙලා තිබුනා කියලා පේන්න තිබුනා. ඒ වුනත් ඒ දේ වළක්ව ගන්න ඔහුට කරන්න කිසිම දෙයක් තිබුනෙ නෑ.

තමන්ගෙ අතේ තිබුන කුඩා වොන් අගයේ නෝට්ටු කිහිපය පිට කබායෙ ඇතුලත සාක්කුවේ තැන්පත් කරපු ඔහු අවසිහියෙන් වගේ ඇවිදගෙන ගියේ හදිසි අනතුරු අංශයේ ගොඩනැගිල්ල දිහාවට..

ඔහුට දැනුනෙ එකම හැඟීමයි.

තමන්ගෙ මුලු ලෝකෙම නැතිවෙලා ගියොත් තමන්ගෙ ඉදිරි ජීවිතේ කාට භාර කරන්නද කියලා..

~~~~~~~~~~

හැමදේම වෙන්න ලොකු වෙලාවක් ගියෙ නෑ. හැමදේම ඉවර වෙලා ගියා. ඇත්තටම ඒ හැමදේම ඉවර වෙලා ගියා. ජීවිතේ කවමදාවත් එන්නැති විදිහට ඔහුගෙ වැඩිමහල් සොහොයුරා ඔහුව දාලා යන්න ගිහින් තිබුනා.