RUƊIN DUNIYA!

Babi na Bakwai

🌍🌍🌍🌍🌍🌍

     *RUƊIN DUNIYA!*

🌍🌍🌍🌍🌍🌍

*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT🧝*

*PERFECT WRITER'S ASSOCIATION* 🌞

'''( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)'''

/https://www.facebook.com/Perfect-writers-association-100452275039839/

        *P.W.A✍️*

_________________________

*BABI NA BAKWAI*
_______________Da sauri Doctorn ta tashi ta nufo wajensu sabida ta san halin ƙanin nata; yanzu sai a samu matsala, wurin ta nufa tana taran numfashinsa da yake yunƙurin sake yin magana a zafafe jin yarinyar ta raina mishi wayau ta ƙi magana, tace, "Aliyu please I told you to stop, let them go."

Shiru yayi yana ɗauke kanshi ya mayar a kan Auntyn tashi, sai kuma ya ja numfashi yana haɗiye wani abu da ya wuce mishi ƙato daga maƙogwaro, har idanunsa sun soma juyewa sabida tsaban ɓacin rai, kasancewar akwai girmamawa sosai a tsakanin su shiyasa bai sake cewa komai ba; illa wani kallon banza na gargaɗi da ya saukewa Arab, kana ya raɓa ta ya wuce yana ɗaura hannunsa a yalwataccen gashin kanshi yana yamutsawa

Daga Arab ɗin har Zahra sun kasa cewa komai sabida tsananin firgita da suka yi da mutumin, duk tsiwan Arab ta kasa cewa komai illa kallonsa da take yi, motsi ma sun kasa yi sai da Doctor ta sake ce musu, "i said out." Before su taka su fice jiki a saɓule

Itama kuma ta iso ta koma wajen zamanta tana kallon Ƙanin nata wanda ya samu waje ya zauna a kujeran da Zahra ta tashi, sai faman sauke ajiyan zuciya yake yi har yanzu yana yamutsa tulin gashin shi da ya sha gyara ya fito da tsantsan kyawunsa da Allah ya ba shi, gami da kwarjinin sa. Sai da ta ɗauki daƙiƙu tana nazartan shi don ta san tunda ya shiga wannan yanayin ba ƙaramin ɓaci ranshi yayi ba, sau tari hakan yake yi shiyasa ta soma da ba shi haƙuri tana ce mishi, "ya kwantar da hankalin shi please ba ta son ganin shi a haka."

Rikitattun idanuwansa ya ɗago su yana saukewa a kanta tare da cewa, "me ya haɗa ki da tsageran yaran nan da suka zo har Office ɗin ki suna son gaya miki magana?"

Sai da ta sauke ajiyan zuciya tana ɗan kwantar da bayanta a jikin kujeran tare da cewa, "na saba ganin irin waɗannan yaran Aliyu, so ba abun tayar da hankali bane a matsayina na Likita, sun zo zubar da ciki ne nake sanar musu ba ma zubar wa, har ina son yin musu wa'azi but wannan ƙaramar take son gaya min magana."

Shiru yayi yana sauke kanshi ƙasa tare da mirza yatsun sa

"But ka share kawai ka bar maganar."

"Ban ji daɗi ba yanda kika hana Ni koya musu hankali, da na nuna musu inda suka zo ba inda suka saba iskancin su bane."

Murmushi tayi tana kallonsa tare da cewa, "Aliyu kenan! Ka dena irin wannan fushin Please, ba na son ranka yana ɓaci kaji ko? Ka san kai ɗan lele ne a wuri na."

Wannan kalman ne yasa shi yin murmushinsa mai kyau yana kallonta shima, sai dai bai ce komai ba tunda shi ba kasafai yake son magana ba

Sai ta sake cewa, "ina ta jiranka sai yanzu ka zo?"

"Wlh kuwa, ban gama abun da nake yi bane Aunty."

"Ok yaushe zaka koma?"

Yace, "yau nake saka rai."

"Kana nufin baza ka koma gidana bane?" Tayi maganar cikin waro ido

Sai ya ɗan langaɓe kai da cewa, "to Aunty mai zan koma yi?"