RUƊIN DUNIYA!

Babi na sha Shida

🌍🌍🌍🌍🌍🌍

     *RUƊIN DUNIYA!*

🌍🌍🌍🌍🌍🌍

*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT🧝*

*PERFECT WRITER'S ASSOCIATION* 🌞

'''( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)'''

/https://www.facebook.com/Perfect-writers-association-100452275039839/

         *P.W.A✍️*

_________________________

*BABI NA GOMA SHA SHIDA*
_______________Gab da zata shiga room ɗinsu ta ji ana mata magana, tana juyawa ta ga babban Mutum a tsaye a bayanta

Murmushi yayi mata yace, "Baby ɗan tsaya mana, if not worries I want to talk to you."

"Why not." Ta ƙare maganar tana ƙare masa kallo; yayinda take karantar yanayin sa cikin hikima, a kayan jikinsa kaɗai ya tabbatar mata kalan sa, shiyasa ta saki fara'a a kan kyakkyawar fuskarta tana mishi kallon nan nata mai shiga jiki da ƙara nutso a shauƙin ta

Tuni Alhajin ya sake ruɗewa saboda kallon ido ciki ido da suke yiwa juna, narkakkun idanuwanta ba ƙaramin sake tafiya da shi suka yi ba, tare da sake nutso a tafkin ƙaunarta da sha'awar ta, jiki na rawa ya zaro wayansa yana cewa, "I look like you're in a hurry, but if you don't mind, give me your phone number; We'll talk later."

Bata ɓata lokaci ba ta karanta mishi Numban

Sai yace, "ban yi tunanin kina da sauƙin kai haka ba, kin haɗu sosai, Allah yasa zan samu karɓuwa duk sanda na kira ki?"

"Don't worry Alhaji, whatever you want you will find in my place." Tayi maganar tana cije leɓe cikin salo irin na gogaggun ƴan hannu, waɗanda lokaci ɗaya da salon su suke janye Mutum, har wani gantsaro ƙirji take yi tana karkaɗa mishi fararen manyan idanuwanta masu shegen kyau da ɗaukar hankali

Shi kuwa tuni ya washe baki yana cewa, "yauwa na gode, ki sanar min da sunan ki bazan so in bar nan ba sai naji sunan ki duk da nima ina sauri ne, but Ni suna na Alhaji Sammani, what about You?"

Before ta ba shi amsa ne Tariq ya fito daga ɗakin don ganin shiru bata shigo ba bayan tace mishi, "ga ta nan." Ya kasa haƙura shiyasa ya leƙo don ya duba ta, karaf idanuwansa suka faɗa a kansu, da sauri ya fito daga ɗakin daga shi sai gajeren wando da Singlet yana kiran sunanta

Hakan yasa ta juya ta ganshi don bata ji buɗewar ƙofan nashi ba tunda ta juyawa ƙofan baya

"Me kike yi a nan kuma? Waye wannan?" Yayi maganar da damuwa a kan fuskarsa yana sake kai duban sa kan Alhajin da ke tsaye wanda a ƙalla zai kai shekaru 50 a duniya, duk da hutu da jin dadi ya ɓoye shekarun nasa sai zallan ƙuruciya da ya bayyana a kan fuskarsa, baza ka taɓa cewa babba bane kuma ba shi da jikin girma sosai ɗan dai-dai ne

Murmushi ne ya suɓuce a kan fuskarta, tana riƙe masa hannu ta saƙala nata cikin nashi, cikin salo da yaudara irin nata nan da nan ta kalallame murya tana narke mishi da cewa, "haba Sweetie mene ne kuma na kishi? Kaga fuskarka kuwa?" Sai ta shafa fuskar tana ɗan zizira mishi tsinin ƙumban ta cikin jan hankali tace, "wannan ɗan uwan Mamana ne ai, na zo shiga ciki ne muka haɗu muna gaisawa." Sai ta kalli Mutumin da cewa, "Kawu Sammani wannan shi ne wanda muka zo nan ɗin tare ai, kuma shi ne wanda zan aura."

Da sauri Alhaji Sammani ya washe baki yana cewa, "Ah ah ashe shi ne surukin namu? To Masha Allah! Allah yasa za'a yi damu."

Tuni Tariq kunya ya kama shi har yana sunne kai ƙasa, kana ya gaishe shi cikin girmamawa yana cewa, "Kawu ina wuni."