Dear Uncle Wang [Complete]

Ep-22

Uni

_____________

ရှောင်အိမ်တော်မှာ ညဘက်ကြီး မီးတွေ ထိန်ထိန်လင်းနေခဲ့သည်။
ဘယ်နှခါဘဲ ခေါ်ခေါ် ဖုန်းမကိုင်လာတဲ့ ရှောင်ကျန့်ဟာ တအောင့်နေတော့ သူကိုယ်တိုင် ဆက်သွယ်လာသည်။
ဆေးရုံမှာစောင့် မနေဘဲ အိမ်ပြန်လာမည်ဆိုတဲ့ အကြောင်း သူကတော့
Wang Company အနားမှာ ရှိနေခဲ့ပြီး လိုက်မလာဖို့ အကြောင်းပါ ဆိုလာခဲ့သည်။

" ကြာနေပြီ ကျွန်တော်လိုက်သွားလိုက်မယ်"

"မောင်! "

ထိုင်စောင့်နေရာကနေ စိတ်ပူလွန်လာတာမို့
ကားသော့ ဆွဲပြီး ထွက်သွားတော့မည့် ရိပေါ် ခြေလှမ်းတွေဟာ ယွိယမ်အော်သံကြောင့် ရပ်တန့်သွားသည်တော့ မဟုတ်ပါပေ
ခြံရှေ့မှာ ရှိနေတဲ့ အရိပ်ကလေးတစ်ခုကြောင့် ရပ်တန့်သွားခြင်းသာ

" အင့် !!"

" ကိုယ်မင်းကိုစိတ်ပူနေတာ~"

ရိပေါ်မျက်လုံးထဲရော အတွေးအာရုံတွေထဲမှာရော ရှောင်ကျန့် တစ်ယောက်သာ
ရှိတော့သဖြင့် ကြောက်အားလန့်အားနဲ့ ဖက်မိတော့ သူ့ အမျိုးသားဆီက အင့်ခနဲ အသံလေး ထွက်လာသည်။
ရိပေါ် တစ်ကယ်ကို ထိတ်လန့်နေခဲ့တာ ဒီ ကောင်လေး ထပ်ပြီး တစ်ခုခု ဖြစ်သွားမှာကို

" ရှောင်းငယ် "

အတင်း တွန်း ထုတ်ခံလိုက်ရတာမို့ မျက်လုံးမှေးမှေးကလေးတွေ ပြူးကျယ်သွားသော်လည်း ရှောင်ကျန့် မျက်ကွယ်ပြုကာအိမ်ထဲ ဝင်လိုက်သည်။
ဒါဟာ ခက်ခဲတယ်ဆိုတာတော့ ရှောင်ကျန့် တစ်ယောက်ဘဲသိပါလိမ့်မည်

"သားငယ် ဘာလို့ မပြောမဆိုနဲ့ ပြောက်သွားရတာလဲ ကွယ် "

ရှောင်မားသည် သူ့သားကို ဖက်ကာ စိုးရိမ်တကြီး ဆိုနေသည့်တိုင် ရှောင်ကျန့်ကတော့ ကျောက်ရုပ်တရုပ်လို ရပ်နေရှာတုန်းပင်
ခြံဝက ရိပေါ်ကလည်းလေးကန်သော ခြေလှမ်းတွေနဲ့ တရွေ့ရွေ့လာနေပြီးမှ ယွိယမ် အနား ရပ်တန့်သွားတော့သည်။

" သိနေခဲ့ကြတာမလား "

"ဘာကိုလည်း သားငယ်"

တည်တည် ငြိမ်ငြိမ်လေး ဆိုနေသော်ငြား
ထို အသံတွေ မြစ်ဖျားခံရာဟာ နာကျင်နေသော နှလုံးသားကလေးမှ ဆိုတာ ရိပေါ် သိသည်။ ဘာလို့ဆို သူကိုယ်တိုင် လည်း နာကျင်နေခဲ့လို့
အမဲရောင် Hoodie အပွကြီးကို ဝတ်ထားသော ရှောင်ကျန့်ဟာ ခေါင်းစွပ်ချွတ်လိုက်တဲ့အချိန် နီဆွေးကာ ဒေါသထွက်နေသော မျက်ဝန်း တစ်စုံ ပေါ်လာခဲ့သည်။