ما تخفيه الحروب

part2

بقلم:جنه بغداد

#ما تخفيه الحروب

_‏يَمن طَرواك خاوَة الجرِح والخنجَر

عريان السيد خلف
.
.
.
.
كلها كاعده تركص بس اني ما ادري شنو بيه هل خوف مسيطر عليه و شعور راح يصير شيء ما فارقني ابد اشوف امي و خاله شلون يفترن يوزعن ضيافه و مريم مستلمه دي جي و كل ساعه اغني شكل بنات خالو سعد و عماد و فضل قسم منهن يركصن وقسم ثاني يضحكن بنات عمامي و عماتي كاعدات على صفحه ما تحركن ابد ما شغلت بالي بيهن لان هذا طبعهن من زمان أقرب بابا مثل خطار بس من يصير شي يجون بقيت مركزه على كل شخص اعرفه اشوف فرحه لي بعيونهم لي و كميه حبهم شوي و ستقرت عيني على ماما راحت ورجعت بس ضايجه كلش راحت و حجت ويه عمه ضياء بعصبيه و عمه ضياء مدري شنو كالت لها و ماما خلت و راحت يم خاله و مريم تحجي وياهن و تفرك بيدها وهنا من حجت وياهن نخبصن كلبي من صدك كام يلعب خليت و صحت مريم

_طور:مريم شنو جاي يصير ليش هيج نخبصتوا صاير شي
بتسمت لي ابتسامه مجامله حتى لا تبين خوف لي واضح بعيونها وكالت
_مريم:لا حبيبتي ما صاير ليش تسألين هيج
_مريم لا جذبين عليه شنو صاير ماما مرتبكه وبعدها حجت وياج انتي وخاله ونخبصتوا احجي
_يا طور شنو بيج جاي اكول لج ماكو شي
ردت احجي جان اجتي خاله و شاورتني
_سهاد:ماما طور تعالي شوي ابوج يريد يحجي وياج
من كالت هيج من صدك تأكدت انو صاير شي بدون ما اجوبها خليت و كمت كل حاضرين انتبهوا عليه رحت الغرفه استقبال ثانيه مالتنه جان اشوف بابا واكف يباوع على كاع و صافن عليها

_هاي حبيبي شنو صحت لي
من حجيت رفع راسه باوع عليه وابتسم تقدم وباس راسي وكال

_طور حبيبي اني راح اكول لج لان هذا قرار من حقج انتي اما ترفضين او توافقين و داعتج راح اكون وياج بكل قرار تاخذي

كل كلمه يكولها تأكد انو صاير شي و خوف يزيد بكلبي اكثر و اكثر بلعت ريكي و حجيت ويه بصوت بيه رجفه

_شنو صاير بابا ليش هيج تحجي
_ضياء قبل عقد شرط علينه شرط على مود يتم عقد
_شرط شنو بابا اني وضياء اتفقنا على كل شي
_لا بابا ضياء هسه كال شرط ما متفقين عليه انتي ويه
_طور:شنو هذا شرط

ابوع اله غمض عيونه واخذ نفس بعدها فتحهن وحجه

_ ابو مسلم :ضياء شرط انو تركين مستشفى
_تقصد اترك مستشفى و اشتغل بعياده مو
_لا شرط انو تركين الطب كله واذا وافقتي راح نعقد لكم بس اذا ما وفقت راح ينلغي كل شي

كل كلمه كان يحجيها احسها مثل خنجر تغرز بكلبي كل شي توقعت من ضياء اله هذا شي بقه بابا يحجي وياي بس اني ما اسمعه دوامه افكار الي اني بيها هسه خلتني افصل عن عالم كله ورجعت على واقع من لزمني من خدي

_بابا ادري هذا شيء صعب عليج بس اختاري شي لي تشوفي صح و عرفي اني راح اكون وياج بكل شي

باوعت عليه وأخذت نفس كلش قوي وحجيت بغصه