ما تخفيه الحروب

part19

بقلم :جنه بغداد

#ما تخفيه الحروب
.
.
.
‏و تظن أن الأمور قد تعقدت
‏و أنت لا تدرى بِأن الفرج قد أوشَك 🖤
.
.
.

فتحت عيوني بصعوبه و جاي اشوف مغوش شوي شوي كدرت اشوف بوضوح خليت ايدي على راسي من الوجع كمت عدلت كعدتي جان اشوف نفسي بغرفه كلش حلوه و جبيره كمت من مكاني بقيت ابوع على تفاصيل الغرفه رغم هي كلش جبيره بس مرتبه بشكل كلش حلو مشيت شوي جان انتبه على حايط بيه هواي صور تقدمت حتى اشوفهن و بكل صوره موجوده طور ويه شخص مختلف و ضحكه تارسه وجهه ابتسمت على ضحكتها و جذبت انتباهي صورتين وحده يم ثانيه اول صوره هي شايله طفل عمره يطلع اربع أشهر او اقل و تباوع عليه عبالك شايفه جوهره ثمينه و صوره ثانيه رسمه بس مبين طفل راسمها و مكتوب بيها اسمها بالانكليزي واني صافنه على صور جان ينفتح الباب و اشوف ام طور دخلت عليه من شافتني كاعده ابتسمت
_عبير:حمدالله كعدتي وكعتي كلبنا
_ليش هو شنو صار اخر شي اتذكر اني كمت وياج و دخت
_ اي من كمتي اغمى عليج من التعب و لو شايفه زوجج شنو صار بي من الخوف راد ياخذج للمستشفى بس اديب ما خله كال اله ما بيها شي و كل شوي يكول اله يحتاج ناخذها المستشفى
ابتسمت الها مجامله:هسه هو وين
_طلع كال عنده شغل بالليل يجي يشوفج
ما حجيت شي وياها بس رجعت اباوع على الصور و هي لاحظت هذا شي جان تحجي و الحزن واضح على صوتها
_هاي بنتي طور راحت تساعد المخيمات اللاجئين
رديت عليها عبالك ما اعرفها :هاا بس تشبهج هواي
_ابتسمت بحزن:اي صحيح بس تدرين صار شكد ما سامعه صوتها احس كلبي مفرفح عليها
_ليش هي ما تتواصل وياج
_لا يمه تتواصل بس شبكه مو زينه هناك بس ترسل رساله كل يوم لنا و تكول اني بخير لا تخافون
التفت الها لكيتها كاعده على جربايه و تمسح دموعها من شفتها هيج رحت الها و حضنتها
_ميان بحزن:يصير تخليني بنتج ثانيه ويه طور لان اني فقدت كل شي لا أهل ولا أصدقاء حتى اقرب وحده لي عفتها هناك و اجيت و ما اعرف شنو راح يصير بيها
خلصت كلامي و دموعي نزلت هي من شافتني هيج خلت هم حضنتني و حجت بهدوء و حنان:شفايتلي اذا تصير عندي بنيه ثانيه حلوه مثلج انتي من هاي لحظه بنتي صح ما اعرف شنو صار وياج هناك بس اني متأكده بنتي قويه و راح تنسى كل شي و ترجع مثل قبل واحسن و ترجعين تجمعين ويه لي تحبهم
خلصت كلامها و بعدتني عنها و مسحت دموعي بكل حنان بعدها مسحت دموعها و كامت و سحبت ايدي و كومتني وياها
_يلا كافي بجي عبالك بومه هسه انزل و اسوي لج شلون عشه و اريدج تاكلين كل شي راح اسوي لج
_بس اني مو جوعانه
_والله هاي مشكلتج مو مشكلتي تاكلين يعني تأكلين
بقت لازمه ايدي حد ما نزلنا جان اشوف دكتور اديب و سلام كاعدين يحجون و سلام كاعد يحجي ويه ابوه بعصبيه بس من شافني سكت بس دكتور من شافني كام و ابتسم
_ها شلون صرتي خوفتينه عليج
نزلت راسي بخجل :لا زينه صرت هسه
_حمدالله
_سلام:حمدالله على السلامه
مدري من حجه سلام وياي ستغربت ما جنت متوقعه يحجي وياي
_شكرا لك
_عبير:كافي حجي تعالوا ناكل ترى ميمي ميته جوع
_سلام:هاي شنو امي شبسرعه دلعتيها
_والله بكيفي اني وبنتي انت ما دخلك من اليوم و رايح ميان بنتي ثانيه حسابها بحساب طور
_سلام:يابه بعد شعليج صرتي مثل طور يعني بعد محد يكدر يحجي وياج
ابتسمت اله بهدوء
_اديب :كافي حجي يلا خلي ناكل اليوم اذا تبقه عليكم ما ناكل شي
_يلا خمس دقائق كل شي جاهز
راحنا المطبخ و هي بدت تجهز اكل ردت اساعدها ما قبلت كالت انتي تعبانه شكد حاولت ما قبل خليت وكعدت أراقبهم شلون يحجون و يضحكون تذكرت ايامي ويه اهلي شلون كنه هم هيج نضحك و نصنف على بعض و قانون حتى لو ما جنت جوعان لازم تكعد وياهم على سفره اكل دعيت لهم الله يخليهم و ترجع طور لهم بخير
_هاي وين صافنه بيج شي
باوعت لكيت دكتور أديب يحجي وياي بابتسامة هادئة
_ماكو شي دكتور
_باعي خلي نتفق ممنوع تكولين دكتور لو تكولين عمو لو بابا لان مثل ما كالت عبير انتي هسه صرتي وحده من هذا البيت يعني بنتي مفهوم
_مفهوم عمو
ما حجه شي و اكتفه بابتسامة جان نسمع الباب يندك
_سلام كوم شوف منو اجه
_صار يابه
كام سلام يشوف منو اجه شوي و جان يدخل هو و بعدها تدخل بنيه بس شافتني نصدمت
____
انفتح الباب جان يدخل نفس الشخص لي شفته بالملف جمدت مكاني ما اعرف شنو اسوي هو هم من شافني تفاجئه اني بس وعيت كبل خليت الملف وره ظهري هو من شافني سويت هيج سد الباب و تقدم عليه كام هو يتقدم واني ارجع خطوه ليوره حد ما طخيت بالمكتب جان يصير كدامي و حجه بصوت كله غضب
_شنو ضميتي وره ظهرج
_ما ضميت شي
احجي واني احاول اضم ملف بين ملابسي من وره بس ما كدرت بقه هو يباوع بعيوني يريد يتأكد من كلامي ما احس اله سحب ايدي و دارني و شاف ملف اخذ مني ملف و فتحه من شاف اول ورقه شنو مكتوب بيها جان يفتح عيونه على وسعهن من صدمه باوع عليه و بعيدين باوع على الملف جان يحجي و هو صاك على سنونه من الغضب
_منو شاف هذا ملف غيرج احجي
_ما ادري اني اجيت و شفته على المكتب و أخذته و ما ادري منو شافه
_ليش اخذتي هااا
_مدري بس ما ردت هذا يوصل بيد ام حجاج
من حجيت جان يلزمني من جتفي حيل و حجه وياي بكلام كله تحذير:اسمعي اقسم بذات الله اذا سمعتج حاجيه بخصوص هذا الملف ما تلومين اله نفسج لا عبالج هذا بس تهديد حتى اخوفج لا اعتبري هذا تهديد ويه تنفيذ يعني بس اسمع انتي حاجيه لأحد بنفس ساعه اخليج تلاكين ربعج هناك