ما تخفيه الحروب

part 3

بقلم:جنه بغداد ❤

#ما تخفيه الحروب

• باچر الأيام تحلى، و الفَرَح يترس حَچينة ♥️

.
.
.
جان نسمع واحد يصيح بس بصوت عالي كلش نلتفت عليه جان نشوف علي ابن خاله سهاد بثاني متوسط بس ضخم كلش جان يحجي
_علي:انتن شبيج تعاركن حنه هسه وين وانتن وين يلا عوفن بعض بسرعه
_زكيه:امشي لك هوه ناقصني بس زعاطيط
جان تحجي و رجعت جرتني من شعري واني هم رجعت لزمتها من شعرها أقرب طور من اهل ابوها ابد ما دخلن بس بنات خالها يردن زكيه تعوفني ماكو يوخرن بيها و ترجع عليه شلون ورطت نفسي ورطه ما اشوف علي هم راح هيه موته موته خليت و لزمتها من شعرها بكل قوتي جان تصيح عليه
_زكيه:لج كحب...عرفيني لا اطيح حظج وحك كافل زينب
_وحك كافل زينب لي تحجين بيه ما اعوفج اله تعوفيني
_لو تموتين ما اعوفج بواكه زلم
_مريم:تحلمين بعد اعوفج يا.
ردت اكمل كلامي بس سمعت صريخ زكيه عافتني و لزمت رأسها جان اشوف علي لازم جفجير جبير و ضارب زكيه على راسها
_علي:مره ثانيه من اكول لكم كافي يعني كافي مو صريخ مالجن واصل سابع جار احترمن شوي ادب و أخلاق ماكو
يحجي بس بعصبيه بس صدك شكله صار يخوف
نوب اجه عمو أديب ابو طور هوه و إخوانه وسلام و عمو رعد زوج خاله سهاد و عمو أديب رزل زكيه لان حجت على طور و لان تعاركت وياي و تعارك ويه إخوانه لان دافعوا زكيه و طلعوا إخوانه زعلانين هوه ما اهتم لهم لان يعرف طبعهم اجه و تقدم عليه و بأس راسي وحجه
_اديب:بابا مرايم حبيبي اني اعتذر على لي صار
ابتسمت بوجها وحجيت
_لا عمو ما صار شي اني اسفه لان سويت مشكله بس والله ما تحملت اشوفها تحجي على طور
ابتسم بوجهي
_اديب:بابا اني ما ازعل منج انتي بنتي ثالثه اني اشكر الله لان انطه طور هيج صديقه دافع لها وهيه ماكو
ابتسمت بوجها جان علي يحجي
_علي:اكول جبار بعد اخوك مره ثانيه من تصير نجر و تريد تعارك لا تخليهم يطحون حظك مثل هسه
دارت وجها عليه و ابتسمت بعصبيه
_هوه اني غير لعبت بيها لعب من يكدر يطيح حظي ها
_علي:هوه غير انتي صايره دوشك كتل تروحي و شوفي نفسج
اني هم ما جذب خليت ورحت المرايه جان اشوف شعري مكنش و شفتي مورمه و كحل سايح من صدك صايره دوشك كتل نوب سلام شافني هيج يبوو شلون فشله طاح حظج يا زكيه على هاي دكه ناقصه مثلج عدلت نفسي و غسلت وجهي ورجع يمهم لكيهم كلهم كاعدين يحجون على ضياء
_سلام:والله لو اشوفه له اطيح حظه هذا ساق.... من بدايه كلت لكم اني ما مرتاح اله بس انتم كلكم وكفتوا ويه وتكولن لا حباب وين اكو مثله وره لي سوه صدك ماكو مثله كوا....
يحجي بحركه قلب و وجه صاير احمر من عصبيه حجه عمو ويه
_اديب:سلام لسانك اني ما علمتك على هيج معصب و كلبك محترك على اختك وياك كلنه كلبنه محترك بس ما غلطنه مثلك
_هوه اني لو بيدي هسه اروح اطيح حظه بس اخخخخ غير انته ما تقبل
_ابوي انته ما يصير هيج ها هيه موضوع خلص وراح و عرفنه شنو طينه ضياء و كشفنه شخصيته حقيقه قبل لا يصير شي بينهم
_ما فكرت بطور شنو يصير وياها هسه
_اختك قويه ما اعتقد هذا شي راح يأثر عليها انت تعرف كلش زين من هيه تخلي علامه اكس على شخص بعد يحلم يدخل حياتها واني واثق منها راح تنسى ضياء و تعيش حياتها بس انته سد سالفه
_سلام:ها هيه يابه راح اسكت
يحجي بس واضح انو هوه ما قابل على لي كاله ابوه
_اديب:طور وين هسه
_عبير:راحت غرفتها ما كدرت اروح اشوفها بسبب عركه لي صارت
_أديب:روحي شوفيها اذا جانت بخير او لا
ردات ام طور تكوم جان يحجي علي
_علي:لا طور ما بيها شي اصلا نايمه اني رحت اشوفها لكيتها نايمه خاله لا كعديها خليها تنام خطيه
_سلام:وانت شعندك رايح الها ها
_والله رحت اشوفها بخير او لا اصلا محد يدري شكد فرحت لان هاي خطوبه ما صارت اصلا من بدايه ما حبيت هذا ضياء لي يشبه ابو بريص مدعوم
كلها ضحكت على حجي علي لان هوه اكثر شخص متعلق بيها و يموت عليها رغم شخصيته لي تبين هادي بس هوه دائما يخبث ويه كل اله طور ما يخبث وياها وينفذ كل شي تريده وبعد مده كلها راحت محد بقه بس خاله سهاد و علي يم خاله عبير منتظرين طور تكعد على مود يحجون وياها
..........
كعدت من نوم جان اشوف ساعه وحده ونص بالليل شكد نايمه بعد كعدت باوعت على نفسي بعدني بملابس خطوبه وتذكرت كل شي صار كمت وكفت كبال مرايه وأخذت نفس وبديت احجي ويه نفسي
_لا تفكرين انو يوم من أيام يجي شخص ويكسر كلبج و روحج انتي اقوه من كل هذا انتي طور كل شي صار وياها ما نكسرت مو هسه بعد ما وصلت لي تريده تنكسر لي يعوفج هوه خسران مو انتي اثبتي اله و روحج انتي قويه و تخطين كل شي
جنت دائما كل ما اضوج من شخص او انكسر من شي اوكف كبال مرايه و احجي ويه نفسي و اشجعها وهيج تخطيت كل الأوقات الصعبه لي واجهتها بتسمت لنفسي بس بثكل يمكن هاي اول مره ما اتقبل كلام لي كلته لنفسي بعدها اخذت ملابس مال البيت ورحت سبحت بقيت فتره جوه مي بارد بس على مود تنطفي النار لي بكلبي صعبه كلش من تحب شخص و يخذلك ويكسرك كدام كل خلصت نشفت جسمي و لبست ملابسي و لفيت شعري و طلعت جان اشوف علي و سلام بغرفتي بتسمت لهم ورحت جبت مشط وكعدت على جربايه على مود امشط جان سلام يحجي
_طور حبيبي انتي بخير
بتسمت اله لان شفت كميه قلقل لي موجوده بعيونه
_اي يا بعد كلبي بخير اني ليش
احجي ويه و امشط شعري
_طور فدوه اروح لج لا ضمين عليه اني اعرفج
ذبيت مشط من ايدي وحجيت ويه بهدوء عكس لي جاي اعيشه بداخلي
_طور:هاي شبيك سلام حبيبي طبعا اني بخيرلا تخاف مو اني لي اخلي شي مثل هذا يكسرني شنو نسيت لي صار بيه قبل لو اذكرك اني اقوه من هذا وداعتك اني من طلعت من باب غرفه للاستقبال نسيت كل شي و بديت صفحه جديده
باوع عليه و طول بنظره مثل ما مقتنع بكلامي ابتسمت اله هوه كام من مكانه و اجه بأس راسي وحجه
_اني ما يهمني اي شي غير انو تكونين سعيده و ما تخلين هذا شي يأثر عليج و تعدين كل لي صار و تنسين
_ان شاءالله كل شي صار راح انسه
خله وطلع من طلع اخذت نفس قوي لان حمدالله ما كشفت نفسي انو اني متحطمه درت وجهي باوعت على علي جان لكيته خال يده على خده وابتسامه خفيفه مرسومه على وجها
_ها ولك شكو ليش تباوع عليه و تبتسم
_تدرين اني اكثر شخص فرحان لان ما نخطبتي
_طور:ليش باله فرحان لان ما نخطبت
_تذكرين من مره شفت ضياء وكلت لج اني ما بلعته وانتي زعلتي مني من هذاك الوقت حد اليوم اني ما مقتنع بيه
_اني لو سامعه كلامك من هذاك اليوم و عايفته احسن لي
_علي:لا تكولين هيج اعتبري لي صار لج درس حتى تختارين شخص صح وتحبي و يكون لج سند بكل اوقات يعني مثلي اني
صدك من كال هيج حصرتني ضحكه
_هسه لو انت جبير مو جان حبيتك و تزوجنه
_علي:شنو نسوي بعد بس كدرين تنتظرين كم سنه و نتزوج
_طور:شنو تاخذ وحده عجوز اكيد بعد كم سنه اصير مو حلوه وعجوز وانت حلو وبنات يركضن وراك واني اغار عليك ما يصير هيج
ابتسم لي و تغيرت ملامح وجها لي نرسمت خباثه هنا عرفت انو هوه مسوي شي لا مو بس شي يعني كارثه مسوي
_طور:احجي شنو مسوي اليوم
_شلون عرفتي اني مسوي شي
_ملامح وجهك من تصير هيج يعني مسوي كارثه
_علي:لعد اسمعي كارثه اني من سمعت ابو بريص مدعوم اقصد ضياء كال لازم تقبلين شرط ياله يوافق تم خطوبه و من سمعت شنو شرط عرفت ما تقبلين كمت من يمهم ورحت جوه درج طفيت كامرات وطلعت السياره شخطتها لج بس شلون شخص تخيل لو ما ادري وين يوديها ما تصلح عدل و جان من رجعت على مود افتح كامرات حتى محد يشك بشي شفت مريم و زكيه تعاركن رزلتهن بس هاي زكيه
و حجه مثلها
_امشي لك اني ناقصني بس زعاطيط ننننن جان اني سمعتها هيج تحجي رحت المطبخ و دورت على اكبر جفجير عد خاله و أخذته و رحت ضربتها براسها نوب اجه عمو كعد يرزل بيها
هوه حجه شنو مسوي من صدك ضحكت من كل كلبي على سوالفه اكثر شخص يكدر يضحكني واني ضايجه لو مقهوره نوب اريد احجي ماكو بقيت بس اضحك وهوه على ضحكتي يضحك نوب هديت نفسي وحجيت
_لك انت مسوي كوارث مو كارثه نوب سياره ضياء لي يموت عليها يبيع عائلته كلها على مودها اخ بطني وبعدها راجع على زكيه لي تموت عليه خرب بيومك شكد لوتي
احجي بس اني كل ساعه اضحك من خلصت كلام باوعت عليه لكيته صافن عليه
_طور:ليش صافن عليه هسه بس لا بيه شي وجهي
_تدرين ضحكتج تخبل لا تخلين اي شي يمحيها لان محد يستاهل تسوين هيج خاطره ابقي هيج دوم
_لا تخاف اني والله قويه راح اتخطى كل هذا بسرعه و ضحكتي ما راح تختفي
كام من مكانه وراح المكتبه مالت كتب اخذ كتاب كلش احبه لي هوه السر
_راح اخذ هذا الكتاب اقره
_اخذه بس ترجعه واذا ما رجع اموتك
راح يم باب وحجه
_اي وداعت مرايم ارجعه لج
_طور:لا ها هيه راح كتاب مالتي
طلع وسد باب وره واني هم كملت تمشيط شعري و شمرت نفسي على فراش بس اريد انام ما اكدر فجأه دك تلفوني باوعت على اسم فتحت خط اول كلمه سمعتها
_...:انتي بخير
_طور:اي اني بخير
_...:ليش كذبين عليه مبين من صوتج انتي مو بخير
بس حجه هيج بجيت اي ضعفت و كدام شخص صح مسلم اخوي لي يفهمني من نبره صوتي حتى بدون ما احجي بقيت ابجي واحجي
_والله حبيته من كل كلبي جنت انتظر هذا اليوم اكثر من اي شي ليش هيج يسوي بيه ليش عمري ما فكرت اعرفه حتى من جان يغلط بحقي لو يحجي ويه غيري ابقه ساكته حتى ما اخسره ليش مثل هذا اليوم يعوفني ليش شنو سويت اله حتى يكسرني هيج جان لازم هسه احنه سويه ليش يخلي ذكره مو حلوه لي بهيج يوم ليش
بقيت احجي واني ابجي ادري هوه ما فهم ولا كلمه من لي كلته بس أهم شي حجيت لي بكلبي اله حد ما سكت ياله حجه
_مسلم:اذا تردين بعد تبجين ابجي
احجي بس شهكه بجي حد هسه بيه
_لا بعد ما ابجي خلص فرغت لي بداخلي
_خوش لعد اسمعي زين لي اريد اكوله
_طور:تمام راح اسمع زين احجي
_مسلم:اني ما راح اكول لج كلام مثلهم انو انتي لازم تنسين و لازم تصرين قويه اني راح اكول لج لا تبقين شي بكلبج و تسوين نفسج قويه لان انتي واني ندري وره فتره راح تمرضين و راح تصير حالتج زفت وراح تبقين فتره طوله تعالجين ياله عود تصرين زينه كل شي يضوجج واجهي نفسج بيه لان هاي مواجه راح تحسن من نفسيتج و سوي شي تحبي حتى ما تفكرين بلي صار وياج هنا شوي شوي راح تخطين كل هذا وترجعين اقوه من قبل
_اي راح اسوي شي احبه اني مفكره من قبل ادرس شي غير عن تخصص مالتي يمكن راح أقدم على مود ادرس تخصص جديد
_اي عفيه بروح كلبي اني اعرف هذا كله ما يهمج وهسه كولي لي شنو تردين درسين اي تخصص
_ما ادري ما مفكره صراحه شنو اريد ادرس
_فكري زين واختاري واني متأكد راح تصرين احسن من كل دكاتره لان انتي من تحبين شي راح تبدعين بيه
_احبك هواي لان تدعمني وشكرا لان سمعتني
_اني هم احبج وهم انجبي كم مره كلت لج اني وانتي ماكو بينه شكرا وهسه خلصن فلوسج لان خلصت استراحه مالتي ولازم اروح دير بالج على نفسج
_وانت هم دير بالك على نفسك
سيدت خط من مسلم بس احس براحه بكلبي وهنا وعدت نفس بعد ما ابجي وراح ابدي صفحه جديده بدون ماضي ولا حب جديد بقيت كاعده لان بعد ما اكدر انام لان نمت هواي بقيت ابوع على عمليات لي يسوها دكاتره مشهورين على مستوى عالم حد ما نعست نمت جانت هاي اخر ليله واني كلبي بيه كب شخص كعدت الصبح من دك منبه جانت بسته ونص بدلت ورحت شنو اسوي شعري اخر شي سويته كعكه خليت ونزلت لكيت كل كاعد يتريك
حجيت بصوت كله طاقه:صباح خير يا احلى عائله بالعالم
وبست بابا و ماما من خدهم وكعدت اكل
كل بقه مستغرب خاصه بابا توقع بعد لي صار بارحه لي راح انهار او يمكن ما اطلع من غرفتي بس من باوعت على سلام لكيته يبتسم ويشرب جاي
_اديب:صباحه نور يا حياة ابوج شنو ليش مبدله وين رايحه
_طور:هاي شنو يا حلو نسيت اليوم عندي دوام ولازم اروح
جان تحجي ماما
_ماما طور حبيبي انتي لازم اليوم ترحين المستشفى اخذي اجازه
بلعت لكمه والتفت عليها وحجيت
_ليش ماما مو لازم اروح ترى عندي هواي شغل
_دايب:بابا خلي شغل بغير وقت و ارتاحي اليوم
_طور:بابا شنو قصه هاي عود انت لي تكول لا تأجل عمل اليوم الغد هسه جاي تكول لي أجلي شغلج