يفتح و يغمض عيونه صار له شهر من دخل غيبوبه من وضحت الصوره له التفت عليه اول شي كاله
_انتي منو وشعندج هنا
_كلتلك اني من طرف.....اجيت اساعدك
_تدرين انتي وين هسه
_اي ادري اني وين هسه
_ما خايفه
كان يحجي وياي بكل ثقه و قوه عكس ملامح وجها لي تكول انه...
. . . . كمت من الفراش واني بلكوه افتح عيوني _طور:اجيت مو تكسر الباب انتظر فتحت الباب جان اشوف ابو ميثاق واكف كبال الباب اني شفت لو بلعت طن هوى من الخوف هذا شجابه من الصبح متحلم بينه لو شنو _ابو ميثاق:سلام عليكم كيف حالك _بخير حمدالله وانت _بخير هل يمكن أن أدخل هو كال هيج تيبست مكاني لان اذا دخل و شاف إبو جحيم كاعد راح تصير مشكله ما اعرف شنو ارد عليه _ابو ميثاق:شبيج ما تردين _احممم لا ما تكدر تعرف البيت ما بيه محرم وانت ما يصير تدخل بيت ما بي محرم من يجي ابو حفصه تكدر تدخل ابتسم لي و تقدم وصار كبالي بقه هو يتقدم خطوه كدام واني أتقدم خطوه ليوره حد ما نصدمت بالحيط تقدم خطوه و صار كبالي ما يفصل بينه بس انشه وحده جسمي كله يرجف من الخوف انحنى حنى يصير مستوى وجهي وابتسم _صحيح ما يصير ادخل البيت ما بي محرم ،بس انتي ما يصير طلعين او تفتحين الباب و شعرج طالع اخذ خصله من شعري و لفها بيده ، احس كل الأحرف و الكلمات ضاعن مني بقيت امتمت بحجي _طور بخوف:صحيح نسيت ب س عبالي ناهد _ابو ميثاق بهدوء :لا مو ناهد هذا اني _طور:ممكن تبتعد عني ابتسم لي و ما حجه جان اكو تعلكه خالين بيها شالات اخذ شال و خله على راسي و خنكني بيه _ابو ميثاق بغضب:ممنوع اشوفج مره ثانيه فاتحه الباب لاحد بدون حجاب لان اقسم بذات الله اشوفج شي عمرج ما شفتيه مفهوم هزيت راسي ب اي وخر شال من ركبتي وكعت بالكاع اتنفس بقوه اريد هوى يوصل صدري ماكو هو دار وجهه و طلع بس قبل لا يطلع من وصل الباب التفت عليه وحجه وهو يبتسم _على فكره عطرج حلو بقى بالي على مره جايه راح اشبع ريتي بيه خله و طلع من البيت و سد الباب بس سمعت صوت الباب انسد دموعي نزلت وحدها ما يكفي صار وياي بارحه نوب هذا زودها عليه اليوم بقيت كاعده بالكاع فتره بعدين مسحت دموعي ورحت الحمام اغسل وجهي حتى تروح اثار دموع اباوع على نفسي بالمرايه ركبتي بيها آثار لونها حمره غسلتها و بقيت افرك بيها حيل حد ما صارت حمره بزايد طلعت من الحمام و رحت غيرت ملابسي و رحت الغرفه الي بيها ابو جحيم لكيته واكف يريد يمشي و ايده على جرحه ركضت اله و لزمت ايده و خليته يكعد على جربايه مره ثانيه _طور بعصبيه:ليش واكف ما يصير تمشي هواي _ترى صار لي شهر ما ماشي احس جسمي تكسر _طور:جان صحت عليه اساعدك تمشي لان لازم شخص يسندك و تمشي لان من تمشي وحدك جرحك يمكن ينفتح _العضيد:ما احب احد يسندني اني أسند نفسي _طور بهدوء:الإنسان لازم يجي يوم و يسند نفسه على شخص ثاني مستحيل تمر الحياة بدون ما يكون لك يوم من الايام سند لان ما راح نسميها حياة _بس اني ما احتاج _طور:يجي يوم و تحتاج _ العضيد بضوجه:هسه انتي شلحيتي وخري خلي اسبح هو كال هيج لو وكفت كباله فاتح ثنين ايدي كباله _لا ممنوع تسبح ما يصير اجرح بعده مو كلش طايب _العضيد:شنو ما يصير اسبح ترى صار لي شهر ما سابح وهسه تردين ما اسبح _ترى جرحك مكان حساس اي شي يأثر عليه حتى لو كان مي _العضيد بضوجه:شلون لعد ابقه كتلني الوصخ و ريحتي تكتل مثل هذوال كوا.... غلست على كلمه لي كالها لان هو و إباء نفس لسان زفر _لا ما راح يكتلك الوصخ تعال وياي لزمت ايده وهو صافن عليه باوعت عليه ورفعت حاجبي معنى شنو بيك _العضيد :شنو راح تغتصبين ترى اسويها عشاير وياكم و تزوجيني غصباً عليج وثاني شي اني وحيد امي خطيه لا تكسريها بيها وغطه نفسه بيده ثانيه من سوه هيج ضحكت من كل كلبي درجه عيوني دمعت _طور بضحك:اول مره اضحك هيج من اول ما اجيت هنا بقى صافن عليه شلون اضحك اني من شفته هيج صافن عليه سكتت _طور:احمم ليش صافن عليه _ضحكتج دواء لكل عليل فتحت عيوني بصدمه على كلامه ما جنت متوقعه هيج يكول _طور فهاوه:شنو جان يضحك بصمت بس جتافه تهتز _شبيج ابوي أنتي فهيتي ترى اني من اشوف شي حلو و يعجبني انطي رائي بيه و ضحكتج عجبتني و انتطيت رائي بيها بشعر توتر من كلامه واحس خدودي صارن حمر ما عرفت شنو ارد بالعادة اي شخص يكول لي هيج كلام ارد عادي بس مدري ليش هاي مره ما كان عندي جواب _طور بتوتر:يلا تعال اغسل شعرك لزم ايدي و كام اول ما كام خله ايده على ركبتي واني لزمتها وانه خليت ايدي على خصره حتى يكدر يمشي لان اول شي جرحه بعده ما صاير زين و ثاني شي هو صار اله شهر بالفراش اكيد جسمه متكسر وصلنا الباب الحمام _طور:انت اوكف هنا خلي اجيب كرسي لك و اجي خليته ينتجي على باب الحمام واني رحت اركض اجيب كرسي من صاله خليت الكرسي بالحمام ورجعت اله لزمت ايده و دخلته حمام و كعدته على كرسي رفعت ردن بلوزه مالتي و رفعت شوي بجامه مالتي ورحت اكاسر مي _العضيد:لا تكاسرين مي خلي مي بارد التفت له مستغربه من طلبه:جو بارد اخاف تتمرض _لا اصلا اني متعود من اني و صغير اسبح مي بارد _طور:تمام لعد خليت طشت ينترس مي بارد _طور:بس رجع راسك ليوره رجع راسه ليوره و بديت اغسل شعره و هو كل شوي تافف ما عاجبه حد ما حجه وياي بنتره و عصبيه _العضيد بعصبيه: افف كافي تغسلينه خلي شامبو هسه و وزعي على كل شعر زين ضجت من حجه وياي بنتره يعني فوك ما اساعده هيج يسوي غسلت شعره بالشامبو وزعته على كل شعر بعدين غسلته يمكن بنص ساعه اني اغسل شعره و المي بارد احس ايدي ثلجت خلصت و لفيت شعره بخاولي _طور بضوجه:خلصت _شكرا خليت و ساعته يكون حتى نرجع الغرفه خليته يكعد على جربايه واني واكفه انشف شعره بالخاولي رغم هو كاعد بس صاير ويه مستوى حنجي شكد ما طويل خلصت تنشيف شعره اخذت خاولي و درت وجهي على مود اروح ما حسيت اله لزم ايدي ودارني اله و لزم ايدي ثانيه طبكهن سويه وقربهن من حلكه وبقه ينفخ عليها اني تصنمت مكاني هذا جاي اسوي حاولت اسحب ايدي منه بس لزمهن اقوه من قبل _جاي تسوي عوف ايدي ما اهتم كلامي وبقى ينفخ عليهن و شوي و بعدهن من يم حلكه بس بعده لزمهن _العضيد برود:ايدج بارده من المي هسه تمرضين و اني دفيته لج رديت عليه بنص طريقه كلامه:شكرا مره ثانيه اني اعرف شلون ادفيهن ولا تخاف ما يصير بيه شي سحبت ايدي منه و درت وجهي حتى اطلع جان ينفتح الباب و دخلت ميان و عيونها مقفله من النعاس _ميان:صباح خير ابو جحيم صباح الخير طور _طور:صباح النور رديت على ميان لي ابتسمت لي بس اختفت ابتسامتها و التفت ابو جحيم و باوعت عليه بصدمه و تفرك بعيونها _ميان بصدمه:لج طور اني يمكن بعدني منعسه لو جاي احلم و اشوف ابو جحيم كاعد _طور بهدوء:لا انتي لا منعسه ولا بحلم هو بارحه بالليل كعد _ميان بفرح:يااا صدك ليش ما كعدتني و ابو كتمان يدري _جنتي نايمه انتي اي ابو كتمان يدري بي ابتسمت اله ميان و رفعت ايدها لوحت اله _هلو اني ميان _العضيد ابتسامه:هلا بيج ابوي أنتي اي اعرفج بارحه حجت لي خيزرانه عليج من كال اسم خيزرانه باوعت عليه ميان بستغراب هزت رأسها معنى منو اني رفعت جتفي يعني ما ادري _ميان بفضول:منو خيزرانه ابتسم الها و أشر عليه وضحك _ميان بضحك:ياااا طور صارت خيزرانه بس تريد صدك صحيح هيه ضعيفه كلش باوعت عليه ورفعت حاجبي اله بضوجه:اسمي طور مو خيزرانه _العضيد:اني اصيح لج باسم لي يعجبني بكيفي ما رديت عليه التفت على ميان _ميان حظري لي مخدر خلي انطي اله _ميان:تمام هسه احظر ردت ميان تروح و هو صاح عليها _العضيد بعصبيه:هيووو وين انتظري وين رايحه وانتي شنو تنطيني مخدر باوعت عليه وأخذت نفس وحجيت ويه:قبل شوي اجه ابو ميثاق و رد يشوفك بس كلتله ما يصير يدخل البيت لان ابو كتمان ما بيه فأ كال راح يجي من يجي ابو كتمان و هو على جيه _العضيد:ليش هذا العار بعد ما ميت حد هسه هزيت راسي معنى لا _العضيد:اي و شنو يعني ترى ما يخوف جلبي على شنو تخدريني رحت كعدت كباله على جربايه ثانيه وحجيت ويه طور بهدوء:ابو ميثاق ذكي كلش يعني راح يكتشف انت كعدت و هذا مو صلحنا هسه فأ لازم نسوي هيج حد ما نلكه حل أو نطلع من هنا ردي عليه بعصبيه:باله ما طلعنا منا ولا لكينه حل يعني يوميه لازم تخدريني حتى هذا ساق..... ابو نعال ما يشك بينه تدرين شنو آثار جانبيه لي راح تطلع عليه _اعتقد ماله داعي هاي عصبيه احنا جاي نتناقش ما جاي نتعارك حك جانب خده :استغفرالله انطيني صبر بس هاي فتره باوع عليه بغضب:بس اليوم راح اخليج تخدريني بس اليوم مفهوم _اي بس اليوم فهمت باوعت على ميان و هزيت راسي لها وهيه راحت _العضيد بهدوء:هو لي سوى آثار على ركبتج مو رفعت راسي اله ركزت نظري على عيونه اريد اعرف شلون عرف _العضيد بعصبيه:شبيج سكتي احجي هو مو بلعت ريكي حجبت ويه برتباك:لا مو هو ليش _كولي حقيقه احسن لج لا وحق كافل زينب هسه العب بيج لعب _اي هو لان فتح الباب بدون حجاب اني عبالي ناهد زوجته و هو خنكني خلصت كلامي و خليت ايدي على ركبتي _العضيد بعصبيه:وانتي شلون تفتحين الباب بدون ما تأكدين منو على الباب فوك هذا شعرج كله طالع و جسمج متفصل تفصل بهذا ثوبج و شلون كاعده هيج كبالي بدون حجاب باوعت عليه برود هذا هسه تذكر شلون كاعده هيج بدون حجاب و قبل شوي جان يتغزل بضحكتي و لازم ايدي _ طور برود:اول شي كلتلك ما ادري بيه هو عبالي زوجته لان هيه دائما تجي هيج وقت و ثاني شي اني مو محجبه يعني عادي اطلع هيج بدون حجاب كدام اي شخص و ثالث شي اني من اجيت هنا صرت الابس حجاب بسبب قوانين مالتهم وبس _يعني هسه انتي ما تخافين من ربج تخافين من قوانيهم و لبستي حجاب كمت من مكاني:هذا شي يخصني اني وربي و اي شخص ماله دخل بهذا شي ردت اطلع و دخلت ميان و بيدها مخدر _وين جنتي سنه ياله جبتي مخدر _ميان:شبيج رحت اغسلت و كملت و رحت سحبت لج تخدير _جيبي جيبي سنه ياله لو رايحه اني احسن أخذته منها ورحت وكفت يمه _يلا نام عدل خلي اضربك ابره عدل نومته وهو كالك حواجبه مبين كلش ضايج اخذت ايده و مسحت على مكان لي راح اضرب ابره بيه _اخر مره هاي _اي اخر مره و ضربته ابره شوي و بدت ملامح وجهه تلين و عكده حواجبه تنفك عرفت بده مفعول مخدر شتغل طلعت اني و ميان من الغرفه _ ميان:ليش سويتي هيج _طور:اذا بقه هيج راح يكشفونه لان ابو ميثاق شاك بينه وهسه راح يرسل مرته حتى تشوف اذا ابو جحيم كاعد واحنا ضامين عليه أو صدك بعده بغيبوبة _ميان:انتي شمدريج بهذا حج.. بعدهي ما مكمله ميان كلامها جان يندك الباب هيه بسرعه باوعت عليه ابتسمت الها بمعنى شوفي راحت ميان تفتح الباب جان اسمعها تكول _هلا بأم ميثاق شلونج _ناهد:هلا بيج طور هنا _اي جوه تفضلي دخلت ناهد وراها ميان تغم بيها حصرتني ضحكه بسبب حركتها اجتي ناهد و باستني و حضنتني _ناهد وهيه تمثل الخوف:والله لو تعرفين البارحه من ابو ميثاق كال لي شنو صار وياج و شنو سوى ابو هاجر متتت خوف عليج ردت اجي لج بس جانت دنيا الليل _لا تخافين ما صار شي لو ما ابو حفصه وصل بالوقت المناسب جان الله ستر _شكرا الله انتي بخير بس انتي ليش دخلتي و نقذتي رافضي خسيس _طور برود:لان هو عنده معلومات مهمه مساعده دوله اسلاميه هذا ما خليت ابو هاجر يقتله و ثاني شي ابو هاجر مندس لازم يتعاقب لان خان دوله اسلاميه وحتى يكون عبره لي يفكر بس يخون اسلام و خلافه الامير _أحسنتي هذا صحيح هنا الناس تريد تخلص منا حتى ترجع المعاصي و ذنوب _ميان بصوت ناصي:هو بس خلي نخلص منكم طن حصو وراكم اشمر التفت ناهد على ميان :شنو كالت ما سمعت خزرت ميان و سويت الها بسيطه _لا ما كلت شي بس كلت ليش بعدنا واكفين _ناهد بضحك:اي صحيح نسينه نفسنه بسوالف _ميان:اي صحيح _ناهد:اكولج طور ممكن اشوف أسير لي ضحيتي بنفسج على موده _ليش تردين تشوفينه _بس هيج مجرد فضول _ميان:هااا مجرد فضول مو غير شي _ناهد:لا بس فضول بس شنو قصدج بغير شي ردت ميان ترد عليه بس رديت اني بسرعه _طور:لا ما تقصد شي تعالي خلي اشوفج رحنا نشوف ابو جحيم حمدالله سويت اله تخدير جان احنا كلنا رحنه بيها دخلنا الغرفه لي بيها ابو جحيم اني و ميان بقينه واكفين يم الباب بس هيه دخلت و مشت اله حد ما وكفت يم رأسه بقت تباوع على شعره لي بعده رطب لزمت شعره _ليش شعره هيج رطب عبالك سابح _طور بتوتر:لان قبل شوي مسحت وجهه و ايده و بقى شوي مي و شمرته على شعره _ناهد بدون ما تصدك:هااا خوش بس ليش هيج تسوين _طور:لان نظافه من إيمان و هو صار شهر ما نايم اكيد راح تطلع منه ريحه _ناهد:هاااا صحيح حجيج يلا خلي نطلع طلعت كدامنه و راحت الصاله _ميان بصوت ناصي:شهل عقل لي عندج و قدره على جذب _طور :اششش لج لا نفضح _اريد لزم هاي كوبره و اطيح حظها بنعال _طور:امشي امشي لا احنا يطيح حظنه بنعال وصلنا الصاله لكينه ناهد ولكفه _طور:هاي ليش واكفه ما كعدين _ناهد:لا اريد اروح اخاف ميثاق يكعد و هو وحده بالبيت _طور:تمام بس عيديها مو كطعين _لا تخافين اجي لج بغير وقت هسه راح اروح اجتي باستني و راحت من وصلت حد الباب نزلت نقاب مالتها و طلعت سديت الباب و رجعت الصاله _ميان:بس شلون عرفتي هيه راح تجي _ابو ميثاق اجه قبل شوي هنا بس ما خليته يدخل و يمكن بسبب ارتباك بكلامي عرفت احنا ضامين شي عليه و اول شي يخطر باله انو أسير كعد بس ما نريد نكول له هذا رسل ناهد حتى تشوف كل شي وتكول اله و تأكد من كلامه _شهل عقل لي عندج شهل ذكاء _شكرا شكرا كافي مدح _طاح حظج و حظ لي يمدحج ضحكت على كلامها _ميان:اكولج شنو نسوي غدا اليوم _ما ادري بس فدوه لا تسوين بتيته لان والعباس صارت تلعب نفسي منها و ابو كتمان اذا يشوف بتيته على غدا يمكن يروح يعترف داعش على كل شي و يخلص _ميان:اي على كولته اتغدا ويه الحمزه ضحكت لان دائما هو يكول هاي كلمه_اي سوي غير شي _ميان:راح اسوي تمن احمر و عدنه روبه هم شنو رائيج _اي خوش لعد راحت ميان المطبخ واني رحت اخذت كتابي و اقره بيه صارت وقت الظهر و اجه إباء اول ما دخل البيت صاح بصوت عالي _هاي شنو رايحه لي تموت _طور بضحك:هاي ريحه تمن احمر مسويته ميان _إباء بفرح:لك العب عمي ميان مكرمه علينه اليوم و مسويه تمن احمر شهل تطور _اي شعبالك احنا أشخاص تحب تطور بعدني ما مكمله كلامي جان تجي ميان و بيدها معاون صغير و خاشوكه حجت و هيه ما منتبه على إباء _ ميان بحماس:لج طور باله اكلي تمن و انطيني رائيج اخذت منها ماعون اباوع على تمن معجن بس اكلته خطيه اكسر خاطرها اول ما اكلت لعبت نفسي لان كميه ملح جان موجوده مو طبعيه اكلت بس بلعتها و عيوني دمعت من ملح _طور:ميان خلي إبو كتمان ياكل منه و ينطي لج رائيه اني ما جاي احس بشي بدايه من كلتله هو يأشر لي معنى لا بس من خلصت حجي هو غم كصته و سوى لي معنى بسيطه _ليش إبو كتمان هنا أشرت عليه و هيه اخذ ماعون اله هو أول ما شافه _اباء:لج هذا معجن هو من شكله ما يبشر بخير _ميان:لا تكول هيج اكل منه بدايه بعدين احكم _إباء بهمس:هو شحكم غير صرت فار تجارب يمج اخذ منها ماعون و اكل اول ما اكل كبل رجع اكل من حلكه الماعون _لج اني اخلص من داعش طلعين لي انتي تردين تموتيني شكد خاله ملح هاي خبله شلون كدرت تاكلها _ميان:ليش اني ما خليت ملح هواي _يا ما خاله ملح هواي غير انتي دايره كونيه ملح هنا هاج اخذي روحي سوي لي بتيته خلي اتزقنب و انام شوي جرت ماعون منه بزعل و راحت _هاي ليش هيج وياها خطيه هيه تريد تسوي اكل لنا _اباء:تقصدين تردين تموتنه يا اكل هذا مره تخلي كونيه ملح مره تحرك اكل والله احس صرت جلده على عمضه لان ما اكل مثل البشر _اذا جلده على عضمه و هيج بعد لو مو جلده شلون جان يرفه ايده على راسه و يفرها ويصيح _حصنت نفسي بالا الإله له الله قل اعوذ برب فلق عيون حاسود بيها عود _طور:بعد ما تريد اجيب لج خرزه زركه و بخور او اوديك إلى أم عباس تحصنك _الله شكد مشتاقه ام عباس هيه و سحورتها ضحكت على كلامه ابو كتمان شكد ما هو يضحك بس شخصيته مو هيج ابد لان هو يحاول يغير جو لنا بسبب الوضع لي احنه بي _اباء:شلون ابو جحيم اليوم كعد لو لا من كال هيج تحولت ملامح وجهي جديه هو انتبه لي _خير يا رب شبيه وجهج هيج نكلب _لان صار شي من انت مو هنا شغل جكاره و عدل كعدته _اباء:شنو هو و بديت احجي اله كل شي من اول ما اندك الباب و طلع ابو ميثاق حد ما راحت ناهد من البيت _لا يا ولد نغ.... عرفت راح يسوي شي من اروح لان هو اصلا ذكي ما تفوته فايته حتى اسئل على كامرات _شنو نسوي هسه لازم يعرفون هو كعد و اكيد راح يحققون ويه جان سمعنا صوت ميان و لتفتنه عليها جانت ولكفه يم الباب _اني عندي خطه حتى نكول الهم كعد بس بدون ما يحققون ويه _إباء بجديه:شنو خطه _ميان:نكول لهم انو هو....... . . . يتبع...
لا تسوين تصويت و تعليق احبكم♥️
-ins @janaa20_j
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
