ما تخفيه الحروب

part20

بقلم:جنه بغداد

#ما تخفيه الحروب
.
.
.
يبقه حضنك احن الاماكن الي🤍🫀.
.
.
.
اول ما فتحت الباب جان اشوف ابو جحيم و هو يلبس تشيرت مالته من شفته هيج كبل خليت ايدي على عيوني و درت وجهي من الخجل
_طور بخجل:اسفه والله ما ادري بيك جاي تبدل
_غير دكين الباب يا بعد حيلي
_طور:هسه مو كتلك اسفه ما اقصد
احجي و اني بعدني على نفس وضعي جان يحجي و هو يضحك
_اشاقه وياج جا انتي اكيد شفتيني واني بلا تشيرت لان اكيد من سويتي لي عمليه شفتني هيج و ثاني شي منوا جان يعتني بيه غيرج واني بغيبوبة
_طور فهاوه:اني غير
ما احس اله واحد دارني عليه و وخر ايدي من وجهي باوعت عليه لكيته مدنك حتى يوصل مستواي
_لعد ها هي شبيج سويتها قصه ابو عريب
_منو ابو عريب
جان يضحك بصوت عالي و يباوع عليه
_ما تعرفينه بس شنو هذا طولج الله يساعد لي راح ياخذج ركبته راح تنسى يلا يكدر يشوفها وجهج
من جحه هيج كبل تخصرت باوعت عليه من فوك حد جوه
_والله انت شطولك طول طول نخله و عقل عقل صخ..
كبل تلحكت نفسي و ما كملت كلامي جان طيح حظي غير
_العضيد:كملي كملي عقل عقل صخله مو
_لا استغفرالله انت عقلك عقل اينشتاين لو بدي اطلع عقلك ابوسه و ارجعه مكانه شكد ما ذكي غير
ضحك بصوت عالي و اني استوعبت شنو كلت متت خجل بس على ضحكته كمت اضحك راح كعد على جربايه و أشر على الباب
_اذا ما عندج شي اطلعي خلي انام شوي لان تعبان حيل
بقيت واكفه عبالك نثولت بعدين درت وجهي ردت اطلع وصلت الباب جان تذكرت موضوع البنات جان ضربت كصتي حيل و التفت عليه لكيته مضيق عيونه و يباوع عليه ابتسمت اله
_خيزرانه احجي شنو بيج بسرعه
تقدمت عليه و كعدت على طرف جربايه كباله
_بااااوع اكو شي صار اليوم
_بااااوعت داده
حجه مثلي شلون اجر كلمه باوع هاي عاده عندي اكو كم كلمه اجر بيها أحرف يعني عبالك مثل لي يتماوع
_اهووو ابو جحيم كافي اسمع اليوم صار هواي أحداث
عدل كعدته واخذ وضعيه جديه :احجي اسمعج
حجيت اله كل شي يخص السبايا و الشخص اخذ الملف من خلص كام من المكانه و راح يم الكنتور رفع ايده و وصل نهايه كنتور بكل سهوله و طلع منها الابتوب بقيت فاتحه حلكي هذا شنو يسوي هنا لان اني و ميان قبل كم يوم نظفنه فوك الكنتور و ما لكينه شي هو من شافني هيج مصدمه
_سدي حلكج لا تجي طلقه تايهه تدخل بيه
_هذا شلون وصل هنا
كعد على الكرسي و حجه و هو يكتب الرمز:جان يطير يشوف الوضع هنا جان شاف شباك الغرفه مفتوح و دخل و حط على كنتور
_يمعود شبيك اليوم بس تصنف لابتوب شنو يسوي هنا
_اني جبته اليوم حتى اشوف شنو يصير مكتب ام حجاج
من كال هيج تذكرت هو من البارحه ماكو جان اوكف كباله واحجي بجديه
_صددك نسيت انت وين جنت إباء كال انت من البارحه من رجعتوا شوي و اختفيت و شلون كدرت تطلع بدون محد يدري بيك و ترجع هم
جان سد لابتوب حيل و باوع عليه بخزره:لج اليوم شبيج شكد حجيتي و شكد سألتي حتى امي ما تسأل هيج بكدج
_هاي فوك ما خايفه عليك والله صوجي اني اسألك
جان عفته و طلعت من الغرفه رحت الغرفتي بدلت ملابسي و بعدها رحت المطبخ اشوف شنو موجود لكيت كدرين فتحت الأول تمن ابيض فتحت كدر ثاني فاصوليا رحت صبيت تمن و طلعت خيار و طماطم و سويت زلاطه و خليتها على التمن لان ما احب فاصوليا و اخذت الماعون و رحت الغرفه بديت اكل و افكر شلون راح اكدر اساعد البنات خلصت اكل خليت الماعون بالكاع لان ما بيه حيل اتحرك بعد خليت راسي على مخده بسرعه نمت التعب ما كعدت اله الصداع موووتني باوعت على الساعه جانت بالتسعه يعني نايمه بس ساعتين
كمت من الفراش غيرت ملابسي و طلعت من الغرفه لكيت البيت هدوء ماكو اي صوت الهم رحت الغرفتهم و دكيت الباب جان اسمع صوت إباء
_تعالي ادخلي
دخلت لكيتهم ثنينهم كاعدين يشتغلون إباء كدامه ملفات و العضيد كدامه لابتوب و لابس سماعه و مركز بشاشه جهاز
_طور بهدوء:شنو صاير ليش هيج مركزين
جان يحجي وياي إباء بدون ما يرفع رأسه من على اوراق:جاي نشوف الوضع حتى نكدر نساعد البنات و ثاني شي و نطلع من هنا نهائي
رحت كعدت يمه وحجيت بهدوء لان كل شي ما جاي افهم هما قبل ما تطلع ميان كالوا احنا نطلع وراها بس ما توقعت بهاي سرعه :اباء شنو تكول ليش بسرعه راح نطلع صاير شي
ترك الأوراق و باوع عليه و حجه برود:قبل شوي اجه امر من لواء حتى نطلع من هذا المكان لان راح يصير قصف جوي باجر بس احنا أجلنا الموضوع عكب باجر حتى نكدر نطلع و نطلع البنات ويانه
_بس شلون راح تكدرون طلعون البنات واحنا ما نعرف شوكت راح يروحن هذا البيت
جان العضيد يرفع راسه و ينزع السماعه و حجه و هو يورث جكارته:البنات بعد ساعتين راح ياخذوهن البيت احنا راح نروح ساعدهن حتى نطلع باجر بالليل من هنا
_ليش كل هذا صار بسرعه
_مو مهم ليش صار بسرعه مهم احنا نطلع من هناا