ما تخفيه الحروب

part 14

بقلم:جنة بغداد

#ما تخفيه الحروب
.
.
.
كانت الأيام جميلة عندما كنت بالقرب منك
.
.
.
واني جاي احجي ويه نفسي ما حسيت اله واحد لزمني من جتفي التفت جان اشهك
_شنو جاي تسوين
اخذت نفس و خليت ايدي على كلبي
_طور بغضب:صدك تحجين ناهد ردت اموت من الخوف
_ناهد بضحك:هاي شبيج يمعوده شنوا سويت اني بس خليت ايدي على جتفج
درت وجهي منها و مسحت دموعي ورجعت أشر ملابس:بس وكفتي كلبي غير طلعين صوت وانتي تجين
اخذت ملابس و بدت تشر وياي:ما ادري هيج راح يصير بيج جنت اباوع من الشباك انتظر ابو ميثاق شوكت يرجع و شفتج و اجيت كلت خلي احجي وياها حد ما يجي
_طور:ها لعد ابو ميثاق وين هسه
_مدري وين هو لان دائما يتأخر بس اول مره يتأخر هيج وقت
_طور :لا تخافين ان شاءلله ما بيه شي
و حجبت بكلبي:لان هو العار عمره ما صار بي شيء
_ناهد :ان شاءلله
خلصت ملابس و نزلت اخذ طشت و ردت اروح جان يوكفني صوتها
_ناهد:ليش قبل شوي جنتي تبجي صاير وياج شيء
التفت الها و ابتسمت:لا ما صاير وياي شيء بس جنت ضايجه و دموعي نزلت وحدها
_معتز وياج لو سبيه وياج
_طور:لا محد وياي بس كلتلج ضايجه شويه
_هااا تعالي اكعدي يمي شوي حد ما تروح ضوجه مالتج و نفس الوقت يجي ابو ميثاق
نزلت طشت بالكاع ورحت يمها جانت اكو بلوك رحنا كعدنه عليه
_ناهد:اي شكو ماكو ليش طالعه هيج وقت
_ماكو شي طلعت بس على مود أشر ملابس تعرفين الصبح ما اكدر
_ناهد:اي صحيح اي شلونه أسير ما كعد
_ طور بضوجه :اليوم الصبح جنتي موجوده و شفتي حالته ليش تسألين هذا سؤال واصلا ما اعتقد هسه يكعد وحتى ابو ميثاق تأكد من هذا شي اذا تردين اسأليه
_ناهد بأستغراب:ليش إبو ميثاق اجه الكم اليوم
عرفت من نبره صوتها هي ما كايل لها شكلها اليوم راح تصير مشكله لستار ابتسمت لها :اي اجه مرتين اليوم اول شيء جان معتز مو هنا و اني طلعت اله كتله ماكو هذا حجي يمكن بتسعه الصبح قبل لا انتي تجين و ثاني مره اجه العصر شافه أسير و الكه على نفس وضعه
اباوع الها وجهه صار احمر من الغضب
طور بابتسامة :ليش هو ما كال لج انو هو اجه لنا
_ناهد بابتسامة وتخفي الغضب بداخلها:ها لا هو كال بس نسيت تعرفين ميثاق العب بيه لعب
_اي حقج هو طفل يشلع كلب الله يساعدج
ابتسمت لي اني هم خليت وكمت حتى اروح
_ناهد :وين رايحه بعد وقت
_طور:لا تأخرت تعرفين معتز عصبي واني كلت اله بس أشر ملابس وتأخرت هواي
_ناهد:ها براحتج تصبحين على خير
_وانتي هم
عفتها و دخلت جوه لكيت اضويه كلها طافيه يعني نايمين راحت خليت طشت بالحمام و رحت غسلت ايدي و رحت المطبخ اشوف شيء اكله ماكو شي على طباخ يعني ميان ما سوت اكل رحت فتحت الثلاجه وأخذت كم خياره سويتهن حلقات و خليت عليهن سماك و ملح
اخذت اكلت وحده و تذكرت سلام من مره شافني اكل هيج
****
ساعه ثلاثه ونص الفجر كلها نايمه بس اني كاعده لان جان عندي امتحان فاينل اخر سنه كليه ميته من الجوع نزلت المطبخ راحت فتحت الثلاجه لكيت أشكال بيها بس اتعاجز احمي اكل خليت و اخذت خيار سويته حلقات و خليت خليت سماك و ملح و شوي فلفل و كعدت على الميز اكل و ادرس و ما احس اله ماعون نشال من كدامي و نذب هو و خيار بسله زباله التفت لكيته سلام
_طور بعصبيه:هاي ليش سويت هيج مو جاي اكل
التفت عليه و خزرني
_قصدج جاي تنتحرين مو جاي تاكلين
_طور:ليش جاي انتحر
_سلام:تدرين لي جنتي تاكلينه يعتبر انتحار شنوا انتي ما رايده نفسج مو هذا اكل خير من الله لو اله تاذينها ادلنفسج انسي لازم اخلي مسلم يسوي لج نظام غذائي حتى تبطلين تاكلين هيج اشياء
_ياا سلام شبيك والله جنت جوعانه و اتعاجزت احمي اكل فأ اكلت هيج حباب لا تكول مسلم والله نظام لي يسوي لي كله سلك و بروكلي و ممنوع حلويات و لا شنوا يكول لي وعديني ما تخلفين نظام يدري بي من اكوله وعد ما اكدر اخلف وعدي
_سلام:اذا جوعانه كعدي ماما تسوي اكل
_خطيه ماما قبل شوي نامت وهي تعبانه
_سلام:كعديني اني اسوي لج اكل
_عبالي نايم لان اجيت من شغل تعبان كلش
_سلام:لا مو تعبان هسه اسوي لج اسبكتي و تأكلين و اراجع لج
_بس انت..
ما خلاني اكمل كلامي
_سلام:كل التعب يهون العيونج يا بعد نظرهن هسه اسوي اكل لج و اجي انتظري
صدك سوه لي اسبكتي تخبل و اكلتها عبالك صار لي قرن ما ماكله من خلصت اخذ ماعون غسله و رجع يراجع لي بوقتها ابد ما نام رغم هو جان كلش تعبان
***
رجعت من ذاكرتي ابتسمت وحجيت ويه نفسي
_وينك سلام تعال شوفني هسه شنو جاي اكل اله تشوي على اذني بصل
خليت و رحت ذبيت اخيار و طلعت من المطبخ من طلعت سمعت صوت بالصالة
_تعالي كعدي اريد احجي وياج
التفت بخوف و اشوف ضوء جكاره طالع عرفته العضيد
خليت ايدي على كلبي:انتم تردون اموت اليوم مو شبيكم كل ساعه واحد مكمزني
نفخ دخان جكاره:على كيفج داده شنوا سوينه لج هو بس حجينه وياج
_طور:لا ابد ما مسوي شي بس مثل جني خاتل بضلمه و تكول ما مسوي شي
_العضيد:عوفج من هذا كلام تعالي احجي وياج شويه
_طور:ممكن نأجل كلام باجر لان مالي خلك هسه
كلت اله هيج و التفت حتى اروح الغرفه مشيت اول خطوتين ما احس اله شخص جرني من ايدي ايدي و ركعني بالحايط
نفخ دخان جكاره بوجهي و حجه بهدوء و برود:مره ثانيه من احجي وياج لا تنطيني ظهرج و ترحين لان ما تعرفين ابو جحيم شنو يكدر يسوي بس هاي مره سماح لج لان ما تعرفيني
_طور بهدوء:ممكن تبتعد عني
اقترب مني أكثر وحجه مثل حيه:واذا ما ابتعد شنو تسوين
جان كلش قريب من رفعت راسي حتى احجي ويه أنفاسه صارت على وجهي
_طور توتر:ممكن تبتعد عفيه
ابتعد عني ورجع كعد على كرسي وحجه مثل اول مره
_العضيد برود:تعالي كعدي هنا
و أشر على كرسي تقدمت بس احس رجلي ما تشلني بسبب لي سوه احس وضعي كله تخربط و دكات كلبي كلها تخربطت
رحت جبت كرسي و صرت كباله كعدت و انتظر منه يحجي وياي بس هو ولا يمي يشرب جكاير و يباوع عليه حد ما صارن اربع جكارات وهو ساكت حد ما خلص جكاره رابعه و طفها بيد كرسي
_ليش رفضتي ترحين بيت ضيافه
سديت قبضه ايدي بعصبيه لان عرفت راح يكون هذا سؤاله: لان ما اريد وبس
تقدم وخله ايده على رجله و رفع راسه و باوع لي:شنو سبب
_طور: مو اله اكو سبب
_العضيد بهدوء:ماكو شي اله سبب حتى جيتج هنا جانت بسبب تساعديني و تساعدين غيري تعرفين بيت ضيافه شكد مهم لنا
_طور برود:اي اعرف شكد مهم بس ما اريد اروح
_ما تردين ترحين لان اباء طلب منج بصيغه امر مو
_طور بوضجه: لا مو هذا السبب
رجع ظهره على كرسي و فتح جكاره جديده : ابو ميثاق السبب مو
بقيت ساكته ما حجيت شي ويه
_العضيد بغصب:مو احجي وياج ردي
بقيت ساكته ما رديت
_العضيد برود:باجر ترحين ويه ابو ميثاق بدون اي نقاش
اني سمعت هيج كمت من مكاني و دفعت كرسي وحجيت بعصبيه
_منو انت حتى قرار مكاني كلت ما اروح يعني ما اروح وهذا آخر حجي لي
هو هم كام من مكانه و حجه وياي بعصبيه
_واني كلت لج ترحين يعني ترحين
ردت ارد عليها بس صوت الباب لي بده يندك بسرعه وكفني
باوعت اله هو ولا عبالك جاي يندك الباب و هذا يعني واحد من داعش ممكن يشوفه و يقتله اني بس فكرت هيج اجه لي مغص بطني و نخطف لوني
رحت وكفت وره و ادفع بيه حتى يمشي
_طور بخوف:امشي يمكن هذا واحد من داعش لا يشوفك و تصير مشكله
هو باقي واكف ولا عبالك احجي ويه و الباب جاي تزيد دكاته اكثر و اكثر
_العضيد فدوه راح الغرفه لا أحد يشوفك
_العضيد برود:ما اروح شنو تسوين
دموع صارت بطرف عيني:بداعت امك ادخل الغرفه
_العضيد:ادخل بس بشرط
هو يحجي وطلع إباء و ميان من الغرفه نفس الوقت و إباء عيونه حمر لان كاعد من النوم شافوني اني واكفه وراء إلعضيد و ادفع بي والباب يدك بسرعه بقوا مصدومين من جاي يصير
_طور بخوف:شنو شرط
_ترحين باجر ويه ابو ميثاق بيت ضيافه و تنقلين لي كل معلومات
_طور بأستعجال:موافقه بس أدخل
ابتسم لي بنصر و باوع على إباء و راح من تأكد إباء دخل العضيد الغرفه راح فتح الباب واني و ميان وره من فتح الباب جان نشوف ناهد هي لي دك الباب بسرعه
_إباء برود:شكو ام ميثاق ليش دكين الباب هيج صاير شيء
تحجي ويه و دموعها عشره عشره تنزل:ابو حفصه وين طور خلي تجي تشوف ابو ميثاق
حجه وياها بدون ما يغير نبرت صوته:ليش شنو بي
_مدري وين جان و اجه ايده متصوبه و ما يقبل يروح المستشفى و جاي ينزف دم هواي
_إباء برود:روحي انتي بس اخليها تحظر غراضها و تجي
مسحت دموعها وراحت سد الباب و التفت شافني اني و ميان واكفين
_إباء :سمعتي شنو صاير حظري غراضج حتى نروح نشوف هذا سكط شبيه
هزيت راسي وراحت الغرفه بدلت ملابسي و لبست خمار و العبايه و اخذت اشياء لي احتاجها و طلعت من الغرفه
جان اشوف إباء واكف يم ابو جحيم يحجون بهدوء من شافوني سكتوا و تقدم إباء و نطاني علبه صغير
باوعت عليه معنى شنوا هذا بدون ما احجي ويه
قبل لا يجاوبني العضيد جاوب
_العضيد بهدوء:هذا سم خليه على ادوات راح تستخدميها حتى طلعين رصاصه من هذا ك.... ما راح يبين مفعولها هسه بعدين راح يبين
بدون ما انطق حرف واحد أو اعارض اخذت السم و فتحت جنطه لي خاله بيها غراضي و اخذت شاش خليت بيه السم و بديت امسح الأدوات الطبيه بيهن حد ما خلصت
_خلصت هسه نكدر نروح
تقد مني العضيد و سحب السم من ايدي
_كومي غسلي ايدج زين و روحي وبعد ما تستخدمين الواتس ممنوع تخلين ايدج على عيونج او وجهج لان راح تأذين
هزيت راسي اله ورحت غسلت ايدي و رحنا اني و إباء البيت ابو ميثاق جان بصفنه بينه مسافه كلش صغيره
دك إباء الباب و طلعت ناهد
_ناهد بتوسل:فدوه طور ساعديه
_وين هو هسه
_ناهد:جوه تعالي ادخلي
دخلت و دخل إباء ورايه لكيته كاعد بالصالة و دم تارس الكاع و هو يتلوه من شافنه عدل كعدته تقدمت عليه و رفعت النقاب تقربت منه و شفت الجرح مالته جان مو كلش عميق او رصاصه واضحه
_ابو ميثاق بألم:رصاصه مكانها قريب اني تلمتسها و شفتها بس ما كدرت اطلعها