ما تخفيه الحروب

part17

بقلم:جنه بغداد

#ما تخفيه الحروب
.
.
.
_‏ولعلك تلتقي بشخص انت عوضه، وهو عوضك.!♥️
.
.
.

خليت ميان بالسياره و طلعنا طول طريق جان اكو سيطرات بس لان يعرفوني ما يوكفوني و يخلوني اعبر حد ما وصلت اخر سيطره و جانت هاي من أخطر سيطرات موجوده خففت السرعه و وكفت يم سيطره و نزلت جامه جان يحجي وياي واحد شيشاني و طريقه كلامه مكسره
_وين راح تروح انت
_اباء:عندي شغل و هذا طلب من الامير
_وهاي لي يمك
و أشر على ميان
_اباء:زوجتي
_و هي شعدها وياك اذا انت عندك شغل خارج مدينه
_اباء:راح أخذها تشوف اهلها لان نفس المدينه لي بيها شغل عندي
_انتظر اسئل احد اذا كنت تكذب علينا او لا
هزيت راسي اله معنى اي
طبعا عرفت هذا شي راح يصير و طلبت من ابو محجن اني اروح انفذ اخر مهمه لي هي تروح تجيب ملفات مهمه من مدينه ثانيه و بيها هواي اشياء تفيدنا هذا طلبت منه اروح
راح بعيد يحجي بجهاز و شوي رجع هز راسه لي وحجه
_روح مع سلامه
ابتسمت اله و طلعت بالسياره بأسرع ما عندي بقيت امشي ساعه ونص حد ما وصلت مكان لي اتفقنا عليه خففت السرعه و طفيت لايت سياره و بقيت امشي على خفيف الدنيا ظلمه كلش طفيت سياره و انتظر اركان يجي شوي و اشوف ضوء سياره من بعيده جاي انتظرت يقترب حتى اتأكد اذا كان اركان او لا خففت السياره سرعتها و كامت تأشر بالايت سياره عرفت هذا اركان فتحت الايت سياره و سقت حد ما وصلت اله نزلت منها و رحت اله جان هو واكف من شافني اجه حضني
_اشتاقيت لك وبائي
_اباء:اني هم ركيه
ابتعدت عنه و ابتسمت اله
_شلونك شلون الوضع يمك
_اباء:بخير كل شي حد هسه
_طور و العضيد شلونهم
_اباء:بخير اثنينهم العضيد جاي يخطط واني اتفذ و طور كدرنا ندخلها البيت ضيافه
_ها خوش تسوي بس دير بالك عليها
_ اباء:لا تخاف عليها ما بيها شي تعرف تتصرف هي هسه كولي شلونها جماعه
ضحك و ضرب جتفه:جماعتك بخير بس الخوف عليكم ماخذ عقلهم بس لا تخاف محد يكدر على لسانها
ابتسم اله و التفت على سياره لي بيها ميان:أخذها حد العنوان لي كلتلك عليه بس دير بالك عليها ترى صارت مثل اختي
_باوع على سياره بضوجه:يعني لازم أعقد عليها عادي أخذها الهم بدون ما اسوي هيج
_اباء:اركان لا تعاند العضيد شنو كال لك هذا أفضل حل بين ما تصير زينه و يمكن احنا نطول ياله نرجع من نرجع احنا نتصرف
ما حجه و راح اتجاه السياره فتح الباب و صارت بوجهه لي ما مبين وجهه لان جانت لابسه خمار لزم ايدها يمنى و سحبها اتجاها بعدين شالها جانت مثل لعابه بيده و ما تدري شنو جاي يصير لان حد هسه ما صاحيه من تخدير
من وصل يم اباء حجه بأستغراب:اكولك اشو هاي ضعيفه عبالك شايله ريشه شنو ما تنطوها اكل
ضحك اباء بسبب كلامه:جا غير هي لي تسوي لنا اكل و داعتك مسويتنه فيران تجارب يوميه مسويه اكله لو تطلع مالحه تكطع كلب لو تطلع ماصخه يعني احنا ميتين جوع مو هي
ضحك و راح أخذها خلاها بالكرسي الأمامي و سد الباب و دار على جهه السايق و فتح الباب و اخذ علبه و سد الباب تقدم على إباء و انطه اله العلبه
_هذا علاج لي طلبته طور
اخذه علبه منه :انطيني همزين ذكرتني جنت ناسيها وهسه لازم اروح حتى محد يشك اني مو هناك
_الله وياك و سلم لي على العضيد و طور ان شاءلله اشوف وجهكم على خير
شبكه و ضربه على ظهره ضربات خفيفه :دير بالك على نفسك و عليها
_لا تخاف عليها هاي امانه ابو جحيم
ابتعد عنا وراح السياره و شغلها و راح انتظرته يبتعد ياله اني صعدت السياره التفت باوعت عليها و حجيت بكلبي
_شنو السر لي يخلي العضيد و إباء هيج مهتمين بيج هل درجه
درت وجهي و باوعت على الطريق و بديت اسوق اخذت الطريق فارغ محد بي لا سيطره و لا داعش بس رغم هذا جان اكو قلق اخاف يطلعون لنا داعش ما جنت خايف على نفسي لا جنت خايف عليها هي بقيت اسوق حد ما طلعت الشمس و قربنا نوصل على بغداد و جان اسمع شخص يان التفت عليها لكيتها تحرك ايدها و خالتها على راسها