ما تخفيه الحروب

part18

بقلم:جنه بغداد

#ما تخفيه الحروب
.
.
.
بين أمسح دَمعتي وبين ارد مكسوّر
وبين أضحك چذب مابيّن البيّه ،
.
.
.

باوعت عليه و ابتسمت انتظر سؤال
-العضيد:هم حبيتي من قبل
من دون ما احس جان توكع لفه من ايدي
_طور:ليش تسأل هذا سؤال
_ماكو شي بس خطر على بالي
بقيت صافنه على وجهه يمكن سؤاله خلاني اذكر ضياء و شنو سوه بيه ورجعني ذكريات نسيتها او نكدر نكول تناسيتها بسبب ظروف لي جاي اعيشها هسه
_شبيج ما تحجين شنو اكلت بزون لسانج
عدلت كعدتي باوعت عليه:لا ما اكلت بزون لساني بس تذكرت شي جنت ناسيته هاي فتره كلها
-شنو جنتي ناسيته و سؤالي ذكرج بي
_اول حب اليه
من كلتله هيج انصدم و فتح عينه على وسعهن بس من انتبه على نفسه رجعت ملامح وجهه طبيعيه و عدل كعدته :احمم اي و من حبج الأول دكتوره خيزرانه
_اول شي اسمي طور و ثاني شي ماله داعي احجي بموضوع حبي الاول
ابتسم تك خد:ليش ماله داعي اخاف نظربتي بوري منه

صح هو حجه هيج كلام بشقه بس احس سجين بكلبي صارت عفته و كمت من المكان و رحت الغرفه هواي صدمات عشتها اليوم من طلعت ميان حد سؤال العضيد لي رجعني الماضي ما مدرت انام بقيت كاعده صافنه بالفراغ حد ما سمعت صوت الباب انفتح و شخص يحجي ويه العضيد عرفت إباء اجه كمت من مكاني بسرعه و طلعت لكيته كاعد و منتجي ايده على رجله و يحجي ويه العضيد
_هذا كل شي صار
_ما يهمني كل هذا اهم شي عندي وصلت بخير
ابتسم اله وهز راسه :لا وصلت بخير بس شكله ركن ما ناوي على خير
_حتى اطيح حظه غير
جنت واكفه اسمع كلامهم حمدلله ميان بخير هسه ياله ارتاح كلبي على أقل وحده بينه تطلع من هنا
من انتبه لي إباء ابتسم و أشر حتى اجي اله
رحت وكفت كباله جان يطلع ايده َن وره ظهره
-هاي لج هديه من ركن
-ابتسمت على كلمه ركن عرفته يقصد اركان:قصدك ركيه
-العب بعد كلبي أركان صار ركيه
_اي مو احسن من ركن لي يكول بيت صاير ركن
-اي والله بهاي حقج
ضحكت و اخذت علاكه من ايده من فتحتها لكيت نفس علاج لي أريده على مود العضيد رفعت راسي بصدمه و باوعت عليه لكيته يضحك
_شلون كدر يجيبها لان كلش صعب يلكه منها
جان يرد عليه العضيد
-العضيد:ماكو شي يصعب على ابو عتاد

باوعت عليه بدون ما انطي اي رده فعل و رحت حظرت الابره حتى اضربه بيده خلصت و رحت تقدمت عليه
_كف اردنك حتى انطيك الابره بالوريد
ما حجه شي و كف ردانه بس عيونه ما شالها عني لزمت ايده حتى اكدر اشوف الوريد وين و من لكيته و ضربته الابره
_راح دوخ شوي من يبدي مفعول العلاج لازم تنام
هز راسه معنى اي
واني لميت العراض و ذبتهن و رحت الغرفه ما كدرت انام بقيت كاعده حد ما صارت صلاه الصبح طالعت من الغرفه البيت هدوء و ظلمه لان ماكو كهرباء طفت قبل ساعه او أكثر بس اكو ضوء خفيف جاي من شباك رحت توضيت و طلعت ردت ارجع الغرفه جان ينفتح الباب رئيسي بس شنو احس كلبي وكف من الخوف عبالي واحد من داعش خليت و ركضت المطبخ لان قريب على حمام و اخذت منه سجين مال ثرم و طلعت امشي على كيف حد ما وصلت بدايه صاله جان اول ما دخل شخص صرخت و ردت اضربه بظهره بس واحد من وره لزم ايدي و ثاني اخذ سجين مني نتر بيه بصوت ناصي
_شبيج خاطر الكعبه
نزلن دموعي من سمعت صوت إباء
_إباء هذا انت
_لا خيالي يحجي وياج
بهاي لحظه اجت كهرباء جان اشوف إباء كبالي ملابسه كلها دم من شفتها ردت اصرخ من الخوف جان ايد تخله على حلكي من وره
_العضيد بنتره:شبيج انتي تردين تفضحينه ما عندج بريك بحلكج حتى سدينه و سكتين
بقيت ادفر على مود يعوفني
_باعي راح اعوفج بس نفس ما اريد يطلع منج مفهوم
هزيت راسي بسرعه معنى اي
عافني ابتعدت عنه و التفت اله جان اشوفه هو هم كله دم بس اكثر من إباء يعني درجه حتى وجهه ما مبين من الدم خليت ايدي بسرعه على حلكي حتى ما اصرخ
همه هم واحد بقه يباوع على ثاني جان احجي وياهم بصوت ناصي كلش بكوه تطلع الكلمه مني
_طور بهمس:شنو صار بيكم و شعدكم بره وليش هيج ملابسكم كلها دم
_إباء برود:هسه انتي شكعدج خاطر محمد ترى مو وكتج والله
_إباء احجي شنو صاير وياكم ليش هيج حالتكم وانت العضيد شعندك طالعه بره مو محد يعرف بيك كاعد ها
_العضيد بابتسامة:ثاني مره
_شنو ثاني مره وانت على شنوا تبتسم شايفني قرقوز كدامك
_العضيد:لا حشه قرقوز
_ابووو جحيم
_العضيد:كافي صوتج هسه افهمج بس تعالي اكعدي
راحت كدامه و هو جان التفت على إباء و كمل كلامه:جيب الغراض من بره و خليهن مكانهن باجر اخذهن
ما حجه شي ويه خله و طلع وهو أجاب الكرسي و كعد كدامي و واخذ ايدي بين ايده وحجه بهدوء
_اسمعي خيزرانه اني و إباء قبل لا تجون و قبل لا انلزم كنه بين فتره و فتره نطلع نقتل شخص من داعش كدرين تكولين لي عنده سلطة هنا اليوم رحنا اني و إباء قتلنا شخص و رجعنا
يحجي و اني دموعي تنزل من الخوف يعني هو يكول نقتل بكل رحابه صدر عبالك رايح يتونس
_شلون اذا لزموكم ليش هيج تسون فدوه بعد لا تسون هيج خلي نطلع من هنا بسرعه
_لا تخافين ما يلزمونه ترى ما حصلنا اسم ابو جحيم و ابو كتمان على خالي بلاش
يحجي بهدوء و من خلص كلامه مسح دموعي بيده علي كيفه لا شعور غمضت عيوني واني احس بأمان لي ما احس بيه اله و هو يمي
_هسه ما كولي شعندج كاعده هيج وقت
_اني ما نايمه بس ما حسيت بيكم من طلعتوا و سمعت اذان كلت اكوم اصلي و اقرا قرآن شوي حتى انام بس كهرباء طافيه نوب سمعت الباب انفتح عبالي داعش جان بدون وعي ركضت المطبخ و جبت سجين
ابتسم و مسح على راسي جان يدخل اباء احس اباء الله مسلطه علينه
_اباء بضحك :اي شلون سجين تخبل مال الثرم يعني حتى لو تضربين شخص بيها راح يموت ضحك مو يموت من الالم
باوعت عليه بضوجه : اي و شبيها سجين الثرم تخبل مو احس ما ابقه بس اباوع
_العضيد:اباء عوف خيزرانتي بحالها والله كفو منها ما توقعتها هيج سباعيه و ما تخاف
من كال هيج رجعت شعري وره بغرور :اي طبعا سباعيه لعد شعبالك
_لا يابه ما عبالي شي
_اباء:هو منو راح يطلع عينها غيرك يا ابو خيزرانه
_ العضيد:ما دخلك انت يلا خلص شغلك بين ما اروح اسبح
و باوع عليه و كمل:وانتي هم روحي نامي باجر ترحين المقر سوي مثل ما كلتلج خوش
من كال اروح المقر اختفت ابتسامتي يعني باجر ارجع اشوف ابو ميثاق
_اباء:طور شبيج مو العضيد صار اله ساعه يحجي وياج
_ما بيه شي راح اروح انام
خليت و كمت منهم و رحت الغرفه تمددت على جربايه و بقيت اباوع على الفراغ حد ما غفيت حتى ما صليت
ما كعدت اله حسيت واحد جاي يهز بيه فتحت عيوني بثكل و رجعت سديتهن بس اسمع صوت واحد يحجي وياي
_خيزرانه بيج شي كومي ولج وكعتي كلبي
رجعت فتحت عيوني جان اشوف اباء وجهه كدام وجهي وملامح قلق واضحه عليه كمت بسرعه جان ينضرب راسي براسه
_طور برتباك:اسفه ما اقصد بس
سكت ما عرفت شنوا اكول اله
_عادي ما صار شي كومي ابو نعال راح يجي ياخذج حتى ترحين
اخذت نفس و باوعت على ساعه هو يجي بثمانيه وهسه بسبعه و نص كمت على سريع الحمام غسلت وجهي ورجعت بدلت و اخذت الغراض لي انطاني اياها ابو جحيم جان اشوف اباء كاعد بالصالة
_إلعضيد وين ليش ماكو
_راح عنده شغل اني هم راح اطلع عندي شغل
_إباء صدك تحجي شلون تخلي يطلع
_يعني ما تعرفين العضيد من يخلي شي براسه يسوي و غصباً على كل
_شوكت طلع هسه لو قبل شوي
_طلع من رحتي الغرفه اعتقد يرجع بالليل
اخذت نفس و خليت ايدي على كلبي من الخوف احس راح يصير شي بس ما اعرف شنوا هو
شوي جان نسمع صوت الباب اندك راح اباء يشوف منه شوي و صاح لي
_طور تعالي ابو ميثاق اجه
نزلت الخمار على وجهي جان اشوفه كدامي من شافني ابتسم تك خد و سلم على إباء و طلعنا صعدنا بالسياره
جان يلتفت عليه و عيونه تجول على شكلي عبالك جاي يشوف وجهي
_شلونج
مدري ليش توترت من نظراته احسها مو عاديه
_احمم حمدالله وانت
_من سمعت صوتج صرت زين جان بسرعه يرجع يكول:شكرا الله انا بخير
هزيت راسي اله و ما حجيت شي هو هم ما ما حجه شي شوي و لاسلكي مالته صوت واحد يكوله
_يا أمير وجدو جثه ابو السفاح مقطع أجزاء
_أين وجدوها
_في القمامه القريبه من المقر
_انا في الطريق
اني سمعت هيج اجه بالي العضيد و إباء نوب هذا يكول أجزاء هذا يأكد الدم لي عليهم اباوع عليه وجهه احمر من العصبيه بس ما اكدر اله اسأل اريد اعرف منو اقتلوا
_طور بهدوء:احمم ابو ميثاق منوا هذا لي