ما تخفيه الحروب

part 10

الكاتبة:جنة بغداد

#ما تخفيه الحروب

إلهي أنا أؤمن وأنت قادر هذا كُل شي
.
.
.
.

نصدمنه من كلام إباء محد كان متوقع راح يكول هيج
_إباء بجديه:مثل ما كلتلج راح اوفي بوعدي الج و راح اطلعج من هنا
_ميان بفرح:صدك شلون راح اطلع
_راح تكونين سبيه عندي
_ميان بصدمه و صوت عالي:شنووووو اني كلتلك تساعدني مو تستغلني
ركض عليها إباء و سد حلكها بيدها و ركزت عيونه بعيونها
_إباء بعصبيه:انجبي لج شنو استغلج طايحه الحظ صوجي اني جاي اوفي بوعدي لج اخذج سبيه مو مثل لي بالج اخذج تصرين مثل اختي يعني مثل طور حالج من حالها احسن من خر... لي جنتي كاعده بي بس شكل مكان هنا يم نغ... عاجبج
يحجي وياها و عيونه حمر و شراين ايده كلش واضحه و هيه اختنكت بسبب ايده اباوع الوجهه نطعن احمر تريد تبعد ايده ما تكدر
تقربت منهم و بعدت إباء منها
_طور بهدوء:كافي شبيكم ترى احنا مو مكان وحدنا حتى تعاركون هسه يعرفون احنا شنو
ابتعد عنها ودار وجهه
_استغفرالله واتوب اليه انتن نسوان الا طلعن واحد من طوره ياله ترتاحن
_ميان:اي احسن انتم ما تجون اله بعين حمره
التفت عليه رد يتقدم عليها بس وكفت كبالها وحجيت ويه
_هسه شنو راح يصير
_اباء:شنو قصدج
_وين راح نبقه
_اباء:راح نروح البيت هناك حتى ترتاحين شويه
_طور:منو راح يبقى يمه
و أشرت بأيدي على الغرفه لي بيها ابو جحيم
_واحد من جماعتنا راح يبقه يحرسه هنا منا لحد باجر بعدين انتي تجين يعني تصير بينكم مناوبه
_تمام لعد هيج احسن بس اخاف شخص يقتله هنا
رفع حاجبه بمعنى كلام ما عاجبه
_اباء:لا تخافين ما راح يقتلونه لان عنده هواي معلومات راح تفيدهم هذا خلو عايش و ما قتلوا من اول لحظه
هزيت راسي معنى فهمت
_يلا امش كدامي
مشينه كدامه وهو ورانه كل يباوع على ميان بحقد وغضب لان هيه ما لابسه نقاب اما هيه ولا يمها الموضوع ما مهتمه لهم عبالك مسويه إنجاز لان تمشي بينهم بدون ما مطبقه شروطهم
وصلنا باب المخرج جان يقابلنا شخص باوع علينا و بعدها حول نظره إباء
_...:من هذا يا أبا حفصه
أشر على ميان
_اباء:انها أسيره اعطها الامير الي
_..:لماذا غيرت رائيك بهذا الامر لم تقل انا لا اريد اي واحده من السبايا
_اباء:أبا ميثاق صحيح انا قلت هذا ولكن غيرت رأيي قد فكرت بهذا الموضوع كثير و من ثمه غيرت رأيي
_ابو ميثاق:حسنا عرفنا هذا احد سبايا ولكن من التي بجانبها
حول نظره عليه
_اباء:انها اختي
رفع حاجبه يريد تفسير اكثر
_إباء:انها اختي التي اخبرت الامير عنها من أجل الموضوع اسير
_ابو ميثاق:هل نجحت بنقاذ أسير
_اجل نجحت و قد وضعت احد أشخاص امام الغرفه من أجل حراسته و اخذ حذر من اي شي قد يحصل
_خير ان شاءلله يمكنك ذهاب الان
أشر لنا نطلع طلعنا و طلع ورانه صعدنا بالسياره
كعدت اني كدام و ميان وره وهو يسوق
بقه يسوق حد ما وكف سياره يم سوك
_راح انزل اجيب لكم غراض و اجي اي شخص يحجي وياكم و يكول لكم ليش وحدكم كولي اله ابو حفصه ويانه اني ما اتأخر هسه بسرعه ارجع
_تمام لعد
نزل هوه بقينه بس اني و ميان اباوع على اسواق جانت بيها عدد زين من الأشخاص لي متماشين ويه الوضع هنا رغم داعش بكل مكان تقريباً
_ميان بهدوء:لا تشوفين شكلهم شكد فرحانين اول ما دخل داعش لهم و شكلهم هسه
بقيت على نفس كعدتي
_شنو تقصدين
_ميان:اول ما دخل داعش الموصل اغلب الناس فرحت لان دخل لهم و استقبلوهم بهلاهل و هوسات لي يكول داخل عليهم احد ملوك سومر بس شوفي شنو صار بيهم هسه يردون بس يخلصون منهم
_ طور:مو كلهم جانوا رايدن هذا شي
_طبعا مو كلهم بس فئه اكبر رادت هذا شي و اغلبهم هسه ويه داعش اما بقيه الناس
ضحكت بأستهزاء وكملت _ مثل جبل سنجار لي همه احنا صار بينه كل شخص صار بصفحه ما نعرف شي على بعض منو مات بينه و منو عايش كل شخص بمكان اني هنا و اختي عند واحد قذر و بابا و ماما الله يعلم وين همه
رغم كلامها شكد يعبر من مدى الألم لي عاشته ميان و كام هذا واضح من رجفه لي بصوتها بس ابد ما نزلت دمعه وحده من عيونها
_طور بحزن:ما اعرف شنو اكول بس اتمنى تلتقين باهلج من جديد
_ميان:صعب هذا شي مأكو امل نشوف بعض مره ثانيه
_لا تكولين هيج انتي ما تدرين شنو كاتب لج الله
_طور سدي موضوع اجه هذا ما اريد يشمت بيه
_لا تخافين ما راح يشمت بلعكس راح يساعدج
بقينا ساكتين حد ما صعد إباء بالسياره و التفت على ميان و شمر جيس سوده بحضنها
_بعد ما طلعين بدون ما تلبسين هذا مفهوم
فتحت ميان علاكه وطلعت منها نقاب لزمته بطرف ايدها
_ميان:يعني لازم البس هذا قرف
_اباء: لا مو لازم بس مالي دخل من تجي كتيبه خنفسانه اقصد خنساء تاخذج تجلدج مدري كم جلده
ما حجت ميان ويه اخذت جيس و لبست نقاب و شال و العبايه سوده
_ميان:احس نفسي طالعه من فلم رعب
_طور بضحك:يلا احنا كلنا عايشين بفلم رعب بقت على هذا
بعد محد حجه حد ما وصلنا البيت كان بيت صغير واكع لبخ مالته
_هذا البيت راح نكعد بيه
_طور بفهاوه:يعني هذا لي راح نعيش بيه
جان هذا بس سمع هيج التفت عليه وحجه بأستهزاء
_شنو سمو الاميره طور شكله البيت مو كد المقام اسفين
من حجه هيج التفت عليه و عيوني متوسعه
_شنو ليش هيج تحجي وياي ترى ما كلت شي اني
_اباء:ادخلي ادخلي حظره الاميره طور
ما رديت عليه دخلنا اني و ميان اول ما دخلت رفعت نقاب و إباء راح كعد على كرسي و اني رحت افتر بالبيت اشوفه جان عباره عن غرفتين و مطبخ صغير بيه طباخ ابو عيون ثنين و ثلاجه صغيره و كاونتر هم صغير
من شخص يطلع من المطبخ كباله تصير صاله حيل صغيره بس بيها كرويته وحده و كراسي ثنين
_طور:ما جنت متوقعه يكون هيج بيوت لي يتعشون بيها داعش
_اي هذا بيت خمس نجوم عند دواعش ما ينطونه هيج بيوت اله اذا عنده وسطه
_ميان بأستهزاء:اي مبينه واسطه لي عندك قويه كلش درجه طلعتني و خلتني سبيه لك
باوع عليها و كام راح وحده من الغرف ورجع كعد على الكرسي وخله رجل على رجل و طلع جكاره و رثها
_إباء بهدوء:تعالي انتي اريد احجي وياج
أشر على ميان تجي تكعد كباله
هيه من سمعت هيج تحولت ملامح وجهه من ملامحه استهزاء إلى ملامح جديه تقدمت عليه سحبت كرسي و كعدت عليه صارت كاعده كبال إباء
_اباء:اي احجي
_ميان:شنو احجي
_كل شي
_ميان:اسمي ميان عمري عشرين سنه طالبه طب جراحه رحت مرحله ثالثه
_ما يهمني كل هذا لي يهمني شلون اجيتي هنا
اباوع عليها غمضت عليها و فتحتها
_اني من ديانه يزيديه من جبل سنجار طبعا قاومنا هواي حتى داعش ما يدخل منطقه سنجار بس بنهايه دخل و اخذ كل رجال قتلوا بعض منهم لي لان قاوموهم و منهم ولد عمي ثنين و اخوي صغير اما بقيه ما ندري شنو صار بيهم اما احنا نساء و أطفال اخذونه سبايا و فترقنا بقيت بس اني و اختي سويه بس أخذها واحد من داعش جاريه عنده
ابد ما باوعت على إباء بقت مركزه نظرها على جكاره لي بيده عبالك نار جكاره تعبر على النار لي بكلبها
_إباء بهدوء:ليش انتي ما اخذج واحد منهم
من سمعت هيج ابتسمت اله و بعدت نظرها من جكاره و عدلت كعدتها و باوعت عليه بنظره ما عرفت افسرها
_تعرف معنا اسمي
حرك رأسه معنى لا
_ يعني الحجر الاسود
أشرت على قلبها و كملت
_واني كلبي اسود مستحيل يقبل انذل و لي يريد يذلني اقتله قبل لا يفكر
ابتسم الها واخذ نفس من جكاره لي ما بقه شي منها و تخلص
_كم شخص
_ميان :شنو كم شخص
_كم شخص قتلتي حد هسه
_ميان بفهم:هااا اربعه و كل شخص بطريقه مختلفه حتى محد يشك بيه و كام كل ما شخص يختارني ويعرف اسمي يتركني و يختار غيري
رد يحجي بس سمعنا الباب يندك
ذب جكاره من ايده وراح فتح شباك صغير حتى تغير ريحه البيت و تختفي ريحه جكاير
_انتي اختي و هاي سبيه عندي اي كلام زايد ما اريد
أشر عليه و على ميان
واحنا مثل جهال بس هزينه راسنه معنى اي
راح فتح الباب جان نسمع صوت مره
_السلام عليكم اخي ابا حفصه كيف حالك
_بخير اختي تفضلي
اني و ميان وحده بقت تباوع على ثانيه منو هاي وليش خلها تدخل لنا جان ثواني و اسمعه يصيح لي
_اباء:طور تعالي
رحت اله لكيت وحده لابسه اسود واكفه على صفحه و هو واكف يم الباب
_اباء:هاي ام ميثاق اجت حتى تشوفكم
_طور بستغراب:اي تفضلي ام ميثاق تفضلي
هيه دخلت البيت واني ردت اروح ورها بس ايد إباء و كفتني وحجه وياي بصوت ناصي
_اخذن بالجن منها هاي وحده من كتيبه خنساء و ثاني شي راقبي ميان زين ولا تحجين اي كلمه زايده اخاف جذب علينه مفهوم
_اي مفهوم
_اباء:اني ساعتين ثالثه اجي ما اتأخر من تطلع هاي الحيه من يمجن ممنوع تفتحت الباب الأحد
_تمام
طلع و سديت الباب وره رحت على صاله لكيت ميان واكفه على صفحه
_هل ذهب أبا حفصه
_اي راح
من كلت هيج رفعت النقاب من وجهه و ظهرت ملامح وجهه يا سبحان الله ايه من اجمال العيون صفر تجدح و بيضه ثلج درجه اذا واحد تقرب منها توصخ من كثر بياض لي عليها
باوعت علينا اني و ميان
_..:ليش واكفات تعالن كعدن
ابتسمت مجامله ورحت كعدت و اجتي ميان كعدت يمي
_..:اني زوجه ابو ميثاق اسمي ناهد
_طور: كل هلا بيج
_ناهد:انتي طور اخت معتز
_طور فهاوه:منو معتز
ما حسيت اله ميان ضربتي بعكسها بخاصرتي
اني حجيت لو هيه باوعت عليه بشك بعدين استوعبت هيه تحجي على ابو كتمان
_طور بضحك و خوف مخفي:اشاقه وياج اي اني اخت معتز بس تدرين صار لي هواي ما سامعه اسمه لان ما يقبل نكول اله هيج كله نكول اله أبا حفصه
_ناهد:لا عادي ماكو مشكله
جان تكوم ميان من مكانها و تكوف كبالي
_ميان:طور تعالي نسوي ضيافه ام ميثاق
_ناهد:لا ما يحتاج اني مو غريبه عنكم
_ميان :لا هاي اول مره لازم نقدم لج شي ما يصير