ما تخفيه الحروب

part 26

بقلم:جنه بغداد

#ما تخفيه الحروب
.
.
.
_وردينا لأهلنا هدومنه تنگط مَحبة وطين ♥️
.
.
.
كلنا كاعدين بالمطبخ و دخلت وحده علينا وياها مره جبيره من شافتني نصدمت حقها لان ما تعرفني بقت واكفه تباوع عليه مره و مره على تباوع سلام و مره جبيره راحت سلمت على خاله عبير
_إيناس:شلون حبيتي ام مسلم
_هلا بيج داده زينه انتي شلونج
_حمدالله
انتبهت عبير على مريم واكفه تباوع عليه
_هاي شنوا مرايم ما تسلمين عليه لو شنو
انتبهت على نفسها و راحت تسلم عليها عرفتها هاي مريم حبيبه سلام و صديقه طور من طفوله
_شلونج خاله
_بخير يا وجه الخير انتي شلونج
_حمدالله
اجت و كعدت يم سلام و يمها امها
_ ايناس:شلونك ابو مسلم
_اديب:بخير وانتي
_حمدالله
بقوا يحجون مواضيع عاديه و خاله تخلي اكل على طاوله و مريم تساعدها بس كل هذا و مريم تخزر بيه و امها تباوع عليه بستغراب بس حلو محد سألت اني منو حظرن طاوله و اجت خاله عبير كعدت
_يلا داده مدي ايدج بسم الله
_لا والله ما اشتهي تعرفين بيه ما اكل بالليل
_ما يصير هيج لازم تاكلين
_وداعتج ما اكدر تدرين بيه هذا نظام اني عليه صار سنين
_براحتج بس لازم شربين شي
_اي اشرب جاي من تخلصون نشرب سويه
ابتسمت لها و بدوا يأكلون حتى مريم تاكل ويانه اكلت شوي لان كلش مستحيه منهم انتبه عليه اديب
_اديب:بابا ميان اكلي لا تسحتين
_لا عمو جاي اكل
_عبير:لج امي بس لا ما عجبج اكل كولي حتى اسوي شي ثاني لج
_لا والله طيب عاشت ايدج بس اني هذا اكلي
_سلام:واضح ما تشوفين راح تنكطمين
وضحك هو كال هيج و مريم خزرته و كامت من طاوله كل انتبه عليها و هو ولا يمه الموضوع
_اديب:هاي شنو بابا مرايم ليش كمتي
_لا عمو ما اريد اصلا شبعت
_عبير بشقه:هاي شنو مرايم معقوله انتي شبعتي
_مريم:اي خاله حمدالله بالعافيه عليكم
راحت تغسل و سلام يأكل ولا عبالك مريم موجوده تذكرت من مره كالت طور هما مثل توم و جيري شكد ما يتناكرون بس بنفس الوقت واحد يحب ثاني
_اديب بشك :سلام انت حاجي ويه مريم
_سلام برود:لا
_عبير بجديه:سلاااام لا كذب احجي
_ايناس:هاي شبيكم على ولد لا تضغطون عليه
_سلام:لا خاله عوفيهم تردون تعرفون اي متعاركين صار لنا اربعه ايام لان مريم طلعتها من ماعونها
جان نسمع صوت مريم تحجي بعصبيه
_اني لو انت
_اسكتي اني ما احجي وياج
_لا باله على منو تحجي على ابوي جو التراب و اني ما ادري
_سلام بغضب:مريممممم كااافي بزعت مو طلعتي قلب بصف كلبي ترى
_اذا انت بزعت اني مليت من كل هذا من عصبيتك من غرورك قرارتك ما تخلص و مزاجك متقلب
كل هذا و عائلتهم تباوع عليهم و محد دخل هذا نار و هذيج صايره بارود يعني شوي واحد ياخذ سجين و يضرب ثاني بيها حد ما صاحت بيهم عبير
_عبير:موووو كافي ما تستحون تكولن أهلنا كاعدين خلي نحترم لو بعد ماكو احترام
_اديب بهدوء:عبير عوفيهم خلي نشوف خلصت مسرحيه لو لا حتى نكدر نحجي
_مريم :اني اسفه عمو مو قصدي اعلي صوتي وانتم كاعدين
_سلام:اسف يابه
_اكعدو كدامي خلي نتفاهم
كل هذا و ام مريم ساكته عبالك متعوده عليهم و على عركاتهم
_اديب بصرامه:يلا احجي شنو صار وياكم حتى هاي مره متعاركين
_سلام:ما صاير شي
_اعتقد ما وجهت السؤال لك يلا مريم احجي
_مريم بحزن:عمووو تقبلها سلام يصيح عليه بنص المستشفى و الناس كلها تباوع علينا و حتى دكاتره والله فد خجلت
تحجي و دموعها تنزل بهدوء
هو خزر سلام و سأله من بين سنونه:احجي استاذ سلام ليش هيج سويت
_لان بأختصار واكفه تضحك و تحجي ويه عادل واني كم مره كلتلها عادل لا تحجين ويه لان ما ابلعه و هو عيونه زايغه
_مريم:بس كلتلك هو سألني عن صحه واحد من أقاربه مريض عندي بعدين كام يحجي ويه واني ابتسمت اله مجامله حتى ما ضحكت
_اييي انتي اصلا تحبين بس تعاندين كم مره اكولج لا تسوين هذا و عناد بيه تسوينه هم كولي لا
ردت ترد عليه بس قاطعهم كلام عمو اديب من وجهه كلامه امها
_خويه ام ميار تعرفين بينه احنا أهل و ما بينه اي رسميه باجر بالليل احنا جاين نخطب مريم سلام انتي موافقه لو لا
هنا كانت الصدمه الكل مو بس امها حتى مره ما تعرف شنوا تحجي بقيت ساكته
_سلام:يابه شنو تحجي انت
_اديب:اسكت انت ها خويه شنو كلتي
_ايناس:شنو اكول خويه الله شاهد انتم أهلنا و اكثر و هي بنيه بتكم مو من هسه لا والله من زمان بس اخاف سلام ما يقبل
_اديب:خويه اني طلبتها منج ما دخلج بيه لان ابني و اعرفه هو هاويها مو من هسه من زمان و لا تهمج مشاكلهم همه هيج يعني ما تعودت عليهم
_ ايناس:ها هي خويه موافقين بس اخاف ما نلحك نحضر شي
_عبير :هاي شبيج داده سويتها عضمه لا تخافين نلحك احنا هم ما نريد نسوي حفله جبيره لا بيناته بس احنا
_ايناس :ها هي هسه ارجع اخابر اهل ابوها و اكولهم بالخبر