ما تخفيه الحروب

Part

بقلم:جنه بغداد

#ما تخفيه الحروب

لا تنسون التصويت و تعليق احبكم❤️‍🩹
.
.
.
-- نَضراتك تِحچي بهَمس،
وعلى صوتَك تّصحى الشَمِس.
.
.
.

وتمر الايام و نعود لنقطه البدايه كأول مره أراك فيها ليس مثل غرباء لا بل أشخاص نبض قلبهم بقوه لأول مره بعد ان اذبلته الألم وانا الان حين ارك ينبض قلبي مثل اول مره
طالعت من مستشفى بس بعد يومين خفاره الي اخذتهن حتى أنساه تفكير شوي لان اذا بقيت بالبيت احس عقلي راح ينفجر و كلبي يوكف من خوف و قلق لان ماكو اي معلومات عنه خلال هاي شهرين بسبب المهمه الي اجته قبل  ومحد يعرف شنوا صاير
اقدم خطوه و آخر خطوه من تعب وصلت قريب على سيارتي و ردت مفتاح سياره دورت عليه بالجنطه ماكو
_استغفرالله حتى ما بيه حيل ارجع اجيب المفاتيح من على مكتب
طلعت جهازي حتى اتصل على سلام لو مريم يجبون الي مفتاح جان اسمع صوت شخص من وراي يحجي بس صوت الي اخذ كلبي ويه
_دورين على هذا
ألتفت شفت مفتاح بيده ويضحك احس روحي ردت الي من شفت عفت كل شي من ايدي و ركضت احضنه تعلكت بركبته وهو رجع خطوتين وراه ويضحك
_اخخخ ليش هيج تسوي بيه اشتاقيتلك هووواي
ضامه وجهي بركبته وابجي نسيت احنا وين و الوضع الي احنا بيه
_يا بعد رجفتي ونبض كلبي
عصرني بين ايده حيل بعدني عنه بس بعده لازم خصري و مسح دموعي
_يا ريت هاي دموع غسلتني قبل لا تنزل من عيونج
_اسم الله عليك ليش هيج تحجي
أبتعدت عنه  باوعت على وجهه شلون صاير ضعفان و صاير اسمر حيل لحيته صايره طويله بس طالع يخبل بيها بس ذكرت غيابه هاي فتره
ضربته على صدره حيل بس ولا عبالك ضربته
_اكرهك
سحبت منه مفتاح ورحت السياره هو بقه يصيح بأسمي واني طنشت الوضع شغلت سياره هو يدك على جامه حتى افتح اله باوعت اله صفح ولبست مناظري و مشيت بسرعه بالسياره
باوعت عليه بالمرايه الجانبيه شفته واكف ويضحك و يمسح على لحيته
_مو اني شمس و تضحك عليه بكلمتين بعد غيابك
وكفت سياقه من سمعت صوت جهاز معلن انو وصلت الي رساله
فتحت رساله كانت منه
_اذا ما اطلع هاي حركه من خشمج ما اطلع ابو جحيم
شفتها و ما رديت جان توصل الي رساله ثانيه
_حظري نفسج بعد اسبوعين العرس
****
رجعت الواقع وباوعت على نفسي باقي بس اخر شي اخلي و اكون جهازه الي هي الحمره الحمره الناريه خليتها و ابتسمت بمكر
_خلي اشوف شلون راح تبقى زعلان
التفت اباوع على الغرفه كل شي جاهز الشموع و اضاءه خافته منطيه جو رومانسي الميز الي عليه كيك و حلويات و الورد صارت عيني على صوره الي على الحايط صورتي اني ويه يوم عرسنا
.............
خلصت كل شي و منتظره اركان يجي يأخذنا حتى نروح القاعه
_ميان:اهوووو هذا شوكت يجي ترى طلعت روحي
_سبأ:بس اريد افهم شعندج مستعجله خلي تأخر
_اريد اغير كعب رجلي كامت توجعني
_زهراء:اكص ايدي اذا ما طلعت سالفه غير سالفه كعب
_شنووو قصدج هااا يعني اجذب
ضحكت على رده فعل ميان لان اخر فتره كلش متعلقه بأركان  خاصه بعد ما اعترف انو هو يحبها بس هي ما ردت عليه كالت اله بعد زواج العضيد و طور ارد عليك بس تغيرت علاقتهم صارت توضح غيرتها عليه وحتى من  يروح الدوام لازم فاتح خط و يحجي وياها واحنا مسوينهم مزق من تصنيف خاصه صادق
_طور:لا حبيبي مو جذابه بس منو يدري يمكن اليوم راح يصير عرس ثاني
_ميان بفهاوه:شنو قصدج خيزرانه
البنات عرفن شنو اقصد وضحكن وهي فاهيه ما عرفت شنوا كنت اقصد
_زهراء :ام عيون بزونه بعدين تعرفين مو هسه
ردت تحجي جان يدك جهازها عرفنا اركان لان كامت تحجي بدلع
_ميان:هاي عيني شنو تريد
ضحكت بخجل و خدودها صارت حمره
_يلا جاين
وسعت عيونها بصدمه و سدت جهاز بسرعه
_سبأ:ها شنوا كال حتى صرتي هيج
بعدت نظراتها بخجل و طلعت كلامها بأرتباك
_ماكو شي يلا جاي ينتظرنا بره ترى
ضحكنا و بدن البنات يطلعن الغراض واني طلعت طبعا ما خليت شي على راسي لان مو محجبه وهم فستاني مستور
طلعنا جان نشوف سيارتين
_سبأ:هاي مو سياره صادق
_استغفرالله ربي
حجت زهراء بهمس محد سمعها غيري
ما حسيت اله هلوله قويه و واحد يطش جكليت عليه 
ضحكت من شفت صادق و اركان كل واحد لازم جيس جكليت من هذا كبار و يطشون عليه
_اركان:جبنالك جص مال عكاده
_سبأ:ادري جاي تلبخ
_صادق: فرحنا والي يحب يفرح ويانه
_اركان:هاي فرحتنا جبيره فرحت كل عشيره
_كلووووووووش زوجنا و خلصنا منه باقي صادق أصغر منه
طش كل جكليت عليه و من كال صادق أصغر منه باوع على زهراء و غمز الها هي ضاجت و دارت وجهه عنه
_عوفها يمعود لا طنكر علينا
همست اله حتى ينتبه على تصرفاته
_والله أخذها أخذها لو تطلع نخله بنص راسها
طريقه الي رد عليه بيها  كانت جديه اول مره من عرفته حد هسه اول مره اشوفه هيج
_ان شاءلله تأخذها و يرتاح كلبك
_اروح فدوه كلبج خيزرانه ما دام انتي يم العضيد اكيد تقنعي لان يعرف سوالفي طايح حظها كلها حتى إذا أتقدم الها يطردني اني و نسوان الي بكلبي